ᑲᓇᑕᒥ ᐅᓇᑕᖅᑐᒃᓴᒃᑯᑦ

ᖃᐅᔨᓴᕐᓂᖅ ᑭᓱᑦ ᐊᒃᑐᐃᓂᖃᓲᖑᒻᒪᖔᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪᓗ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᐅᓇᑕᖅᑐᒃᓴᓂ

ᖃᐅᔨᓴᖅᑎᕐᔪᐊᑉ ᐱᓇᓱᐊᖅᑕᖓ

ᖃᐅᔨᓴᖅᑎᕐᔪᐊᑉ ᐱᓇᓱᐊᖅᑕᖓ

ᐊᒡᓚᒡᕕᐊ ᑲᓇᑕᐅᑉ ᓴᐳᓐᓂᐊᖅᑎᖏᓐᓄᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᖃᐅᔨᓴᖅᑎᕐᔪᐊᖓ ᓴᖅᑭᑕᐅᔪᔪᖅ 1998-ᒥ ᑎᓕᓯᔨᒃᑯᑦ ᑲᑎᒪᔨᖏᓐᓄᑦ ᐊᔾᔨᒌᓕᖅᑎᑦᑎᓂᕐᒧᑦ ᑲᓇᑕᐅᑉ ᓴᐳᓐᓂᐊᖅᑎᖏᑕ ᐱᓕᕆᕝᕕᖓᓂ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ, ᐊᔾᔨᒌᒃᑐᒥ ᑲᒪᒋᔭᐅᖃᑦᑕᖁᓪᓗᒋᑦ ᐃᓱᒫᓘᑎᒋᔭᐅᔪᓂ ᐅᖃᐅᓯᐅᔪᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐃᓚᒋᔭᖏᓐᓄᑦ, ᐱᓕᕆᕝᕕᐅᑉ ᐃᖅᑲᓇᐃᔭᖅᑎᖏᓐᓄᑦ, ᐊᒻᒪ ᐃᓚᓪᓚᑦᑖᕆᔭᖏᓐᓄᑦ.

ᐊᒡᓚᒡᕕᒃ ᑐᑭᓯᒋᐊᕐᕕᐅᓲᖅ, ᓇᒧᙵᐅᒋᐊᖃᕐᓂᕐᒧᑦ ᐅᖃᓲᑦ, ᐊᒻᒪ ᐃᓕᓐᓂᐊᖅᑎᑦᑎᓲᑦ ᐊᖑᑎᓄᑦ ᐊᕐᓇᓪᓗ ᑲᓇᑕᐅᑉ ᓴᐳᓐᓂᐊᖅᑎᖏᓐᓂ ᐊᒻᒪ ᑲᓇᑕᒥ ᐅᓇᑕᖅᑕᒃᓴᕐᔪᐊᒃᑯᓐᓄ. ᐱᔭᒃᓴᖃᖅᐳᖅ ᐃᑲᔪᕐᓂᕐᒥᑦ ᐃᓄᖕᓂᒃ ᓇᐅᒃᑯᑦ ᐃᑲᔪᖅᑕᐅᔪᓐᓇᕆᐊᒃᓴᖏᓐᓂ ᐅᕝᕙᓘᓐᓃᑦ ᐅᖃᐅᓯᖃᒃᑲᓐᓂᓂᕐᒥ ᐅᓐᓂᕐᓗᒃᑎᓪᓗᒋᑦ ᐅᕝᕙᓘᓐᓃᑦ ᐃᓱᒫᓘᑎᖃᖅᑎᓪᓗᒋᑦ. ᐊᒡᓚᒡᕕᐊ ᐱᔭᒃᓴᖃᕐᒥᔪᖅ ᕿᒥᕐᕈᐊᓂᕐᒥ ᐅᓂᕐᓗᒍᑕᐅᔪᓂ ᐃᓄᖕᓂ ᐅᒃᐱᕈᓱᒃᑐᓂ ᐱᑦᑎᐊᖅᑕᐅᙱᒋᐊᒃᓴᖏᓐᓂ ᐊᔾᔨᒌᙱᑦᑐᒃᑯᓘᓐᓃᑦ ᑲᓇᑕᐅᑉ ᓴᐳᓐᓂᐊᖅᑎᖏᑕ ᐱᓕᕆᕝᕕᖓᓂ ᐅᕝᕙᓘᓐᓃᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ. ᐃᓚᒃᑲᓐᓂᕐᓗᒍ, ᖃᐅᔨᓴᖅᑎᕐᔪᐊᖅ ᖃᐅᔨᓴᑐᐃᓐᓇᕆᐊᓕᒃ ᐃᓄᓕᒫᓄᒡᓗ ᐅᖃᐅᓯᕆᓗᓂᐅᒃ ᐱᔾᔪᑕᐅᔪᓂ ᐃᓚᒋᔭᐅᔪᑦ ᐃᓅᓯᖏᓐᓄᑦ ᐊᒻᒪ ᐃᖅᑲᓇᐃᔭᖅᑎᐅᔪᓄᑦ ᐱᓕᕆᕝᕕᐅᔪᒥ ᐅᕝᕙᓘᓐᓃᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ ᐊᓯᖏᓪᓗ ᑲᒪᒋᖃᓯᐅᑎᔭᒥᓂᒃ. ᑐᕌᒐᓪᓗᐊᑕᕆᔭᐅᔪᖅ ᐃᑲᔪᕐᓂᕐᒥᑦ ᐃᑲᔫᑎᖃᑦᑎᐊᕈᓐᓇᖅᑐᓂ ᐊᑐᑯᑖᓐᓂᐊᖅᑐᓂᒡᓗ ᐋᖅᑭᒋᐊᕈᑎᒃᓴᓂ ᑖᒃᑯᓄᖓ ᓴᐳᓐᓂᐊᖅᑎᐅᖃᑎᒌᒃᑐᓄᑦ.

ᓇᓕᐊᑐᐃᓐᓇᖅ ᑖᒃᑯᓇᙵᑦ ᐃᓄᖕᓂᒃ ᐅᓐᓂᕐᓗᒃᑐᓂᒃ ᖃᐅᔨᓴᖅᑎᕐᔪᐊᕐᒧᑦ ᖃᓄᐃᔾᔪᑕᐅᔪᖅ ᑐᕌᖓᓪᓚᕆᒃᑎᓪᓗᓂ ᑲᓇᑕᐅᑉ ᓴᐳᓐᓂᐊᖅᑎᖏᓐᓄᑦ ᐅᕝᕙᓘᓐᓃᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓄᑦ:

  • ᐃᓚᒋᔭᐅᔪᖅ ᐅᕝᕙᓘᓐᓃᑦ ᐃᓚᒋᔭᐅᓚᐅᖅᓯᒪᔪᖅ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ
  • ᐃᓚᒋᔭᐅᔪᖅ ᐅᕝᕙᓘᓐᓃᑦ ᐃᓚᒋᔭᐅᓚᐅᖅᓯᒪᔪᖅ ᐅᓇᑕᖅᑐᒃᓴᕋᓛᒃᑯᓐᓂ
  • ᐃᓚᒋᔭᐅᔪᖅ ᐅᕝᕙᓘᓐᓃᑦ ᐃᓚᒋᔭᐅᓚᐅᖅᓯᒪᔪᖅ ᐃᖅᑲᓇᐃᔭᖅᑎᐅᓪᓗᓂ ᑲᓇᑕᐅᑉ ᓴᐳᓐᓂᐊᖅᑎᖏᑕ ᐱᓕᕆᕝᕕᖓᓂ 
  • ᐃᓚᒋᔭᐅᔪᖅ ᐅᕝᕙᓘᓐᓃᑦ ᐃᓚᒋᔭᐅᓚᐅᖅᓯᒪᔪᖅ ᐃᓄᓕᒫᓅᖓᙱᑦᑐᒥ ᑮᓇᐅᔭᕐᓄᑦ ᐃᖅᑲᓇᐃᔭᖅᑎ
  • ᐃᓄᒃ ᐱᓇᓱᐊᖅᑐᖅ ᐃᓚᒋᔭᐅᓂᕐᒥ
  • ᐃᓚᒋᔭᐅᔪᖅ ᐃᓚᓪᓚᑦᑖᕆᔭᐅᔪᓂ ᓇᓕᐊᑐᐃᓐᓇᕐᒧᑦ ᖁᓛᓂ−ᑕᐃᔭᐅᔪᓂ
  • ᐃᓄᒃ ᑭᐳᖃᑎᖃᖅᑐᖅ ᐅᕝᕙᓘᓐᓃᑦ ᐊᐅᓪᓚᖅᓯᒪᔪᖅ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ

ᖃᐅᔨᓴᖅᑎᕐᔪᐊᖅ ᐃᒻᒥᒃᑰᖓᔪᖅ ᐅᓇᑕᖅᑐᒃᓴᕐᔪᐊᒃᑯᓐᓂ ᐊᖏᔪᖅᑲᐅᑎᓄᑦ ᖁᑦᑎᖕᓂᓕᕇᒃᑐᓂ ᐊᒻᒪ ᖁᑦᑎᓂᖅᓴᒥ ᐊᐅᓚᑦᑎᔨᓂᒡᓗ ᐊᒻᒪ ᐅᓂᒃᑳᓲᖅ ᒥᓂᔅᑕᕆᔭᐅᔪᒧᑦ ᑲᓇᑕᐅᑉ ᓴᐳᓐᓂᐊᖅᑎᖏᓐᓄᑦ.

ᐊᐅᓚᑦᑎᔨᒃᑯᑦ ᓇᐃᒡᓕᒋᐊᖅᓯᒪᔪᒃᑯᑦ ᐅᓂᒃᑳᓕᐊᖓ

ᐊᐅᓚᑦᑎᔨᒃᑯᑦ ᓇᐃᒡᓕᒋᐊᖅᓯᒪᔪᒃᑯᑦ ᐅᓂᒃᑳᓕᐊᖓ

2016−ᖑᑎᓪᓗᒍ, ᐊᓪᓚᕝᕕᒃ ᐊᐅᓚᕙᓪᓕᐊᓚᐅᖅᑐᖅ ᖃᐅᔨᓴᕐᓂᕐᒧᑦ ᑲᓇᑕᐅᑉ ᐅᓇᑕᖅᑐᒃᓴᖏᑦ ᑲᑐᔾᔨᖃᑎᒌᖏᑦ ᓇᓗᓇᐃᖅᓯᒋᐊᕐᓗᑎᒃ ᖃᓄᐃᓕᐅᖅᓯᒪᔪᖃᕐᒪᖔᑦ ᐱᕙᓪᓕᐊᔪᓂᒃ ᑲᓇᑕᐅᑉ ᐅᓇᑕᖅᓱᖓᖏᓂᒃ ᐋᓐᓂᐊᖅᑕᐃᓕᒪᓂᒧᑦ ᐊᔪᙱᔾᔪᑎᔅᓴᖏᓐᓄᑦ ᐊᒻᒪᓗ ᐃᓚᒋᔭᖏᓐᓂᒃ ᐃᑲᔪᔾᑎᔅᓴᖏᓐᓂᒃ.

ᓯᕗᓪᓕᖅᐹᖑᔪᒃᑯᑦ  ᓱᓇᒃᑯᑖᓂᒃ ᖃᐅᔨᓴᕐᓂᖅ ᑲᓇᑕᐅᑉ ᐅᓇᑕᖅᑐᓴᖏᑦ ᑲᑐᔾᔨᖃᑎᒌᖏᑦ ᓇᓂᓯᓚᐅᖅᑐᑦ ᐊᒥᓱᑲᓪᓚᓂᒃ ᐃᓱᒫᓘᑎᒋᔭᐅᔪᓂᒃ ᖃᐅᔨᓴᒃᑲᓐᓂᕆᐊᖃᖅᑐᑎᒃ, ᐅᑯᐊ ᐃᓚᒋᓪᓗᒋᑦ: ᐊᒃᓱᕈᕐᓇᖅᑐᑦ ᐃᓱᒪᒋᒋᐊᕐᓗᒋᑦ ᓈᒻᒪᒃᑐᒃᑯᑦ ᓄᓇᒋᔭᐅᔪᒥ ᐱᔨᑦᑎᕋᐅᑎᓂᒃ, ᐃᓱᒫᓘᑎᒋᔭᐅᔪᑦ ᑕᐃᒪᐅᙱᓐᓂᖓᓄᑦ ᑕᐃᒪᐅᔭᕆᐊᖃᖅᑐᓂᒃ ᐋᓐᓂᐊᕐᕕᒻᒥ ᖃᐅᔨᓴᖅᑕᐅᔭᕆᐊᖃᖅᑐᓂᒃ ᑲᓇᑕᐅᑉ ᐅᓇᑕᖅᑐᓴᖏᓐᓂᑦ ᐃᓚᒋᔭᐅᖅᑳᖅᑎᓐᓇᒋᑦ.

ᑲᓇᑕᐅᑉ ᐅᓇᑕᖅᑐᓴᖏᑦ ᐃᖅᑲᓇᐃᔭᖅᑐᑦ 200 ᐅᖓᑖᓂ ᐊᒻᒪᓗ ᐅᖓᓯᒃᑎᒌᒃᑐᒃᑯᑦ ᓄᓇᖃᑎᒌᒃᑐᑦ ᑲᓇᑕᒥ, ᐊᒥᓱᑦ ᑎᒻᒥᓲᑐᐃᓐᓇᖅᑐᑦ ᓄᓇᐅᑉ ᐊᓯᖓᓄᙵᐅᓗᑎᒃ. ᑕᐃᒫᒃ, ᑐᐊᕕᕐᓇᖅᑐᖃᓕᕌᖓ, ᒥᐊᓂᕆᔭᐅᑦᑎᐊᕆᖃᖅᑐᓂᒃ, ᐊᔪᕐᓇᖅᑐᖅ ᑲᓇᑕᒥ. ᐃᓚᖏᓐᓂ ᓄᓇᒋᔭᐅᔪᓂᑦ, ᓘᒃᑖᑦ ᖃᐃᓱᖅᑐᑦ ᑕᖅᑭᑕᒫᑦ ᑕᐃᒫᒃ ᐅᓇᑕᖅᑐᖅᓴᐃᑦ ᓘᑦᑖᒥᒃ ᑕᑯᔪᐅᓗᐊᖃᑦᑕᙱᑦᑐᑦ.

ᑲᓇᑕᐅᑉ ᐅᓇᑕᖅᑐᓴᖏᑦ ᑲᒪᒋᔭᖃᖅᑐᑦ ᐱᔨᑦᑎᕋᐅᑎᖃᖁᓪᓗᒋᑦ ᐋᓐᓂᐊᖅᑕᐃᓕᒪᓂᕐᒧᑦ ᐅᓇᑕᖅᑐᒃᓴᓄᑦ ᐋᓐᓂᖅᑐᖃᒑᖓ ᐃᖅᑲᓇᐃᔮᖅᑎᓪᓗᒋᑦ. ᐃᓱᒪᒋᓗᒍ ᐱᔨᑦᑎᕋᐅᑎᑕᖃᓗᐊᙱᓐᓂᖓᓄᑦ ᐅᓇᑕᖅᑐ. ᐃᓱᒪᒋᓗᒍ ᐱᔨᑦᑎᕋᐅᑎᑕᖃᓗᐊᙱᓐᓂᖓᓄᑦ ᐅᓇᑕᖅᑐᒃᓴᓄᑦ ᓄᓇᒋᔭᐅᔪᒥ, ᐋᓐᓂᐊᕐᕕᓕᐊᕆᐊᖃᕌᖓᑕ ᐅᓇᑕᖅᑐᒃᓴᐃᑦ ᑎᒻᒥᓲᒃᑯᑦ ᐋᓐᓂᐊᕐᕕᓕᐊᕆᐊᖃᓲᖑᔪᑦ. ᑕᒪᓐᓇ ᐊᑲᐅᙱᓕᐅᕈᑕᐅᔪᑦ ᐊᒥᓱᓄᑦ ᐅᓇᑕᖅᑐᒃᓴᓄᑦ ᐊᐅᓪᓚᕈᒪᖃᑦᑕᙱᒃᑲᓗᐊᖅᑐᑎᒃ ᓄᓇᖓᓐᓂᑦ ᐊᒻᒪᓗ ᐃᑲᔪᖅᑕᐅᔪᒪᒐᓗᐊᖅᑐᑦ ᐋᓐᓂᐊᕐᕕᖃᕐᓗᑎᒃ ᖃᓪᓗᓈᑦ ᓄᓇᖓᓐᓂ.

ᐊᒥᓲᓂᖏᑦ ᐃᓱᒪᑕᐅᔪᑦ ᐅᓇᑕᖅᑐᒃᓴᐃᑦ ᐊᐱᖅᓱᓚᐅᖅᑐᑦ ᖃᐅᔨᓴᕐᓗᑎᒃ ᖃᓄᖅ ᐋᓐᓂᐊᖅᑕᐃᓕᒪᓂᕐᒧᑦ ᐱᔨᑦᑎᕋᐅᑎᖃᕐᓂᖏᑦ ᐅᓇᑕᖅᑐᒃᓴᓄᑦ ᓄᓇᒋᔭᐅᔪᒥ. ᐱᔨᑦᑎᕋᐅᑏᑦ ᐋᓐᓂᐊᖅᑕᐃᓕᒪᓂᕐᒧᑦ ᐃᓱᒫᓘᑎᒋᔭᐅᓚᐅᖅᑐᑦ ᐋᓐᓂᐊᕐᕖᑦ ᑐᑭᓯᓚᙱᓐᓂᖓᓄᑦ ᐅᓇᑕᖅᑐᒃᓴᐃᑦ ᐃᖅᑲᓇᐃᔮᕐᓂᖏᓐᓂᒃ ᐊᒻᒪᓗ ᓇᒥᕐᒥᐅᑕᐅᓂᖏᓐᓄᑦ. ᐋᓐᓂᖅᑐᖃᐃᓐᓇᖅᑐᖅ ᐅᓇᑕᖅᑐᒃᓴᓂᒃ, ᑕᐃᒫᒃ ᐊᔪᕐᓇᕈᑕᐅᔪᖅ.

ᐃᓚᒋᐊᕐᓗᒍ, ᐊᒥᓱᑦ ᐅᓇᑕᖅᑐᒃᓴᐃᑦ ᐊᐱᖅᓱᓚᐅᖅᑕᕗᑦ ᖃᐅᔨᒪᙱᓚᐅᖅᑐᑦ ᐱᔨᑦᑎᕋᐅᑎᔅᓴᖏᓐᓂᒃ ᐋᓐᓂᐊᖅᑕᐃᓕᒪᓂᕐᒧᑦ ᐊᒻᒪᓗ ᐃᓱᒪᓚᐅᖅᑐᑦ ᒥᐊᓂᕆᔭᐅᓂᐊᕐᓂᖏᓐᓄᑦ ᐅᓇᑕᖅᑐᒃᓴᒃᑯᓐᓂᑦ. ᑕᒪᓐᓇ ᐅᓇᑕᖅᑐᒃᓴᓄᑦ ᐃᑲᔫᑎᖏᓐᓄᑦ, 89%−ᓂᒃ ᐋᓐᓂᖅᑐᖃᖅᑎᓪᓗᒍ ᑐᒃᓯᕋᖅᓯᒪᙱᑦᑐᑦ ᐃᑲᔫᑎᔅᓴᖏᓐᓂᒃ. ᐅᓇᑕᖅᑐᒃᓴᐃᑦ ᖃᐅᔨᒪᔭᕆᐊᖃᖅᑐᑦ ᐃᑲᔫᑎᔅᓴᖏᓂᒃ ᐋᓐᓂᖅᑐᖃᕐᓂᖅᐸᑦ.

ᐅᓇᑕᖅᑐᔅᓴᐃᑦ, ᐅᖃᐅᓯᖃᕈᒪᙱᑦᑐᑦ ᐅᕝᕙᓘᓐᓃᑦ ᐋᓐᓂᖅᓯᒪᓂᖏᓐᓄᑦ ᓇᓗᓇᐃᖅᓯᒪᓂᕐᒧᑦ. ᐊᒥᓱᑲᓪᓚᐃᑦ ᓇᓗᓇᐃᖅᑕᐅᓚᐅᖅᑐᑦ: ᐃᓱᒫᓘᑎᒋᙱᓪᓗᒋᑦ ᐋᓐᓂᖅᑐᖃᕋᓗᐊᖅᐸᑦ, ᐃᓱᒫᑎᒋᔭᖃᕐᓂᖅ ᐱᓕᕆᐊᔅᓴᒧᑦ, ᐃᓱᒫᓘᑎᒋᔭᖃᕐᓂᖅ ᐊᑯᓂᒃᑯᑦ ᐃᖅᑲᓇᐃᔮᕐᓂᕐᒧᑦ, ᐊᒻᒪᓗ ᐊᓯᖏᒃᑰᔭᕆᐊᖃᕐᓂᖏᑦ ᐋᓐᓂᐊᕐᕕᒻᒧᑦ. ᐊᔪᙱᔾᔪᑎᔅᓴᖃᕐᓂᕐᒧᑦ ᓇᓗᓇᐃᒃᑯᑕᓂᒃ ᐱᖃᕆᐊᖃᖅᑐᑦ ᐱᔨᑦᑎᕋᐅᑎᑕᖃᕆᐊᕐᓂᕐᒧᑦ, ᐊᒻᒪᓗ ᓇᓗᓇᐃᖅᓯᒪᓗᐊᙱᓐᓂᖏᓐᓄᑦ ᐋᓐᓂᖃᑦᑕᖅᑎᓪᓗᒋᑦ ᐊᑲᐅᙱᓕᐅᕈᑕᐅᔪᖅ.

ᑕᒪᓐᓇ ᐊᓪᓚᕝᕕᒃ ᑲᒪᔪᖅ ᓴᙱᔪᒃᑯᑦ ᐅᓇᑕᖅᑐᔅᓴᓄᑦ ᖁᓕᑦ ᐅᑭᐅᓂᒃ ᖄᖏᖅᓯᒪᓕᖅᑐᓂᒃ, 2008 ᐅᓂᒃᑳᓕᐊᑦ, ᐅᓇᑕᖅᑐᔅᓴᓄᑦ ᒥᐊᓂᖅᓯᓂᖅ. ᖃᐅᔨᓴᕐᓂᖅ ᐋᓐᓂᖅᑐᓄᑦ ᐅᓇᑕᖅᑐᔅᓴᓂᒃ ᑕᑯᓚᐅᖅᑕᕗᑦ ᐊᑐᐃᓐᓇᐅᔭᕆᐊᖃᖅᑐᓂᒃ ᐃᑲᔪᖅᑕᐅᓂᕐᒧᑦ, ᐃᑲᔫᑎᔅᓴᓂᒃ ᑮᓇᔭᒃᑯᑦ ᐊᒻᒪᓗ ᐊᓯᖏᓐᓂᒃ ᐃᑲᔫᑎᔅᓴᓂᒃ ᐋᓐᓂᖅᑐᓄᑦ ᐅᓇᑕᖅᑐᔅᓴᓂᒃ. ᑕᒪᓐᓇ ᓯᕗᓪᓕᖅᐹᒋᔭᕗᑦ ᖃᐅᔨᓴᕐᓂᕐᒧᑦ ᐅᓇᑕᖅᑐᔅᓴᓄᑦ ᑲᑐᔾᔨᖃᑎᒌᖑᔪᓄᑦ ᐃᑲᔫᑎᖃᕐᓗᑎᒃ ᐅᓇᑕᖅᑐᔅᓴᓄᑦ ᑲᒪᒋᔭᐅᓗᑎᒃ ᐊᑲᐅᓈᖅᑐᒃᑯᑦ.

ᐃᓱᒪᒋᓗᒍ, ᐊᓪᓚᕝᕕᕗᑦ ᑎᓴᒪᒃᑯᑦ ᐃᓱᒪᖅᓴᖅᓯᐅᖅᓯᒪᔪᑦ ᒥᓂᔅᑕᒧᑦ ᐅᓇᑕᖅᑐᔅᓴᒧᑦ:

ᐃᓱᒪᔅᓴᖅᓯᐅᕈᑎ 1

ᐃᓱᒪᔅᓴᖅᓯᐅᖅᓯᒪᖁᔨᔪᒍᑦ ᑲᓇᑕᒥ ᐅᓇᑕᖅᑐᔅᓴᐃᑦ ᐊᒻᒪᓗ ᐅᓇᑕᖅᑐᔅᓴᐃᑦ ᐲᖅᓯᒋᐊᕐᓗᑎᒃ ᐊᑲᐅᙱᓕᐅᕈᑕᐅᔪᓂᒃ ᐊᒻᒪᓗ ᐊᑲᐅᙱᓕᐅᕈᑕᐅᔪᓂᒃ ᐅᓂᒃᑳᓕᐅᖅᑕᐅᓯᒪᔪᓂᒃ ᐊᑐᐊᒐᓂᒃ ᐋᖅᑭᒃᓯᒪᔪᓂᒃ ᐅᓇᑕᖅᑐᔅᓴᓄᑦ, ᑲᒪᒋᐊᕐᓗᑎᒃ ᐋᓐᓂᐊᖅᑕᐃᓕᒪᓂᕐᒧᑦ ᐃᑲᔫᑎᓂᒃ, ᐃᑲᔪᖅᑕᐅᓗᑎᒃ ᒫᓐᓇᒃᑯᑦ ᐊᒻᒪᓗ ᐅᐱᙵᔅᓵᖑᖅᑳᖅᑎᓐᓇᒍ 2019.

ᐃᓱᒪᔅᓴᖅᓯᐅᕈᑎ  2

ᐱᖁᔨᙳᐊᖅᓯᒪᔪᒍᑦ ᑲᓇᑕᒥ ᐅᓇᑕᖅᑐᔅᓴᐃᑦ ᐊᒻᒪᓗ ᐅᓇᑕᖅᑐᔅᓴᐃᑦ ᓇᓗᓇᐃᖅᓯᒋᐊᕐᓗᑎᒃ ᐊᑲᐅᓈᖅᑐᒃᑯᑦ ᐃᑲᔪᖅᑕᐅᓗᑎᒃ ᐋᓐᓂᖅᑐᖃᖅᑎᓪᓗᒍ ᐅᓂᒃᑳᒐᔅᓴᓕᐅᕐᓂᕐᒧᑦ ᐱᕙᓪᓕᐊᓂᖅ ᐅᓇᑕᖅᑐᔅᓴᐃᑦ ᐱᔪᓐᓇᐅᑎᑕᖃᕐᓗᑎᒃ ᐋᓐᓂᐊᕐᕕᒻᒧᑦ ᐃᑲᔫᑎᔅᓴᓂᒃ ᐊᒻᒪᓗ ᓇᓗᓇᐃᖅᑎᑦᑎᓗᑎᒃ ᐃᑲᔫᑎᔅᓴᖏᓐᓄᑦ.

ᐃᓱᒪᔅᓴᖅᓯᐅᕈᑎ 3

ᐱᖁᔨᙳᐊᖅᓯᒪᔪᒍᑦ ᑲᓇᑕᒥ ᐅᓇᑕᖅᑐᔅᓴᐃᑦ ᐊᒻᒪᓗ ᐅᓇᑕᖅᑐᔅᓴᐃᑦ ᓇᓗᓇᐃᖅᓯᓗᑎᒃ ᐃᑲᔪᖅᑕᐅᒋᐊᕐᓗᑎᒃ ᐋᓐᓂᐊᕐᕕᒻᒧᑦ ᐅᓇᑕᖅᑐᔅᓴᓄᑦ ᐃᑲᔫᑎᔅᓴᓄᑦ:

3.1 ᐅᖃᖃᑎᒌᕙᓪᓕᐊᓗᑎᒃ ᐅᓇᑕᖅᑐᔅᓴᓄᑦ ᓇᓗᓇᐃᖅᓯᑎᑦᑎᓗᑎᒃ ᐊᒃᓱᕈᕐᓇᕐᓂᖏᑦ ᐅᓇᑕᖅᑐᔅᓴᓄᑦ ᐋᓐᓂᐊᕐᕕᒻᒧᑦ ᐊᒻᒪᓗ ᐃᑲᔪᖅᑕᐅᔭᕆᐊᖃᕐᓂᖏᑦ ᐋᓐᓂᐊᖅᑕᐃᓕᒪᓂᕐᒧᑦ ᐃᓅᓯᖏᓐᓂ.

3.2 ᓇᓗᓇᐃᖅᓯᓗᑎᒃ ᐊᒻᒪᓗ ᐊᑐᖅᑎᑦᑎᕙᓪᓕᐊᓗᑎᒃ ᐱᔨᑦᑎᕋᐅᑎᓂᒃ ᐅᓇᑕᖅᑐᔅᓴᓄᑦ ᐋᓐᓂᐊᖅᑕᐃᓕᒪᓂᕐᒧᑦ ᐱᔨᑦᑎᕋᐅᑎᓂᒃ ᐃᑲᔪᖅᑕᐅᔪᓐᓇᖅᑐᓄᑦ ᐅᓇᑕᖅᑐᔅᓴᓄᑦ.

ᐃᓱᒪᔅᓴᖅᓯᐅᕈᑎ 4

ᐱᖁᔨᙳᐊᖅᓯᒪᔪᒍᑦ ᑲᓇᑕᒥ ᐅᓇᑕᖅᑐᔅᓴᐃᑦ ᐊᒻᒪᓗ ᐅᓇᑕᖅᑐᔅᓴᐃᑦ ᓇᓗᓇᐃᖅᓯᑎᑦᑎᓗᑎᒃ ᐃᑲᔪᖅᑕᐅᓂᕐᒧᑦ ᑐᑭᓯᐊᓇᖅᑐᒃᑯᑦ ᐱᒻᒪᕆᐅᔪᓂᒃ ᐅᓂᒃᑳᒐᔅᓴᓕᐅᖅᓯᒪᓗᑎᒃ ᐋᓐᓂᖅᑐᓂᒃ, ᐊᒻᒪᓗ ᐊᑲᐅᓈᕐᓂᖅᓴᐅᓗᑎᒃ ᖃᐅᔨᒪᔭᕆᐊᖃᖅᑕᖏᓐᓂᒃ ᐊᒻᒪᓗ ᖃᐅᔨᒪᓂᖅ ᐋᓐᓂᐊᖅᑕᐃᓕᒪᓂᕐᒧᑦ ᐃᑲᔫᑎᔅᓴᖏᓐᓂᒃ ᐊᒻᒪᓗ ᐃᓚᒋᔭᖏᓐᓂᒃ ᐃᑲᔫᑎᔅᓴᓂᒃ:

4.1 ᐃᑲᔪᖅᑎᒌᖕᓂᖅ ᐊᑕᐅᓯᙳᕐᓗᑎᒃ ᑐᑭᓯᐊᔾᔪᑎᔅᓴᒃᑯᑦ ᑲᓇᑕᐅᑉ ᐅᓇᑕᖅᑐᔅᓴᖏᓐᓄᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᒻᒪᓗ ᐊᓯᖏᒃᑯᑦ ᐃᑲᔫᑎᔅᓴᓄᑦ, ᑐᑭᓯᐊᔾᔪᑎᔅᓴᓂᒃ ᓇᓗᓇᐃᖅᓯᒪᒋᐊᕐᓗᑎᒃ ᑲᓇᑕᐅᑉ ᐅᓇᑕᖅᑐᔅᓴᖏᓐᓄᑦ ᐊᒥᓱᒃᑯᑦ ᐅᖃᐅᓯᖏᑎᒍᑦ ᐊᒻᒪᓗ ᐊᓯᖏᑎᒍᑦ, ᐅᑭᐊᒃᓵᖑᖅᑳᖅᑎᓐᓇᒍ 2018.

4.2 ᓇᓗᓇᐃᖅᓯᓗᓂ ᑐᑭᓯᐊᔾᔪᑎᔅᓴᓂᒃ ᐊᑐᐊᒐᐅᓯᒪᔪᓂᒃ ᐊᑲᐅᓈᕐᓂᒃᑯᑦ ᐊᒻᒪᓗ ᐊᓯᖏᒃᑯᑦ ᐃᓕᑎᑕᐅᔭᕆᐊᖃᖅᑐᒃᑯᑦ ᐅᓇᑕᖅᑐᔅᓴᓄᑦ, ᐅᑭᐊᒃᓵᖑᖅᑳᖅᑎᓐᓇᒍ 2018.

ᓇᐃᓈᕈᑎᑦ ᐊᒃᑐᐃᓂᐅᔪᓂ ᑲᓇᑕᐅᑉ ᓴᐳᓐᓂᐊᖅᑎᖏᓐᓄᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐃᓄᖁᑎᖏᓐᓄᑦ

ᓇᐃᓈᕈᑎᑦ ᐊᒃᑐᐃᓂᐅᔪᓂ ᑲᓇᑕᐅᑉ ᓴᐳᓐᓂᐊᖅᑎᖏᓐᓄᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐃᓄᖁᑎᖏᓐᓄᑦ

ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓚᖓᓃᒃᑲᓐᓂᖅᑐᑦ ᐅᑕᖅᑭᕕᖕᒦᑦᑐᓂ ᐅᓇᑕᖅᑯᒃᓴᓂ, ᑕᐃᒪᐃᓐᓂᖓᓄᑦ ᓂᕆᐅᓇᖅᐳᖅ ᐊᔾᔨᒌᑦᑐᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᐱᑖᖃᑕᐅᕙᒡᓗᑎ ᐊᓯᖏᑕ ᐅᑕᖅᑭᕕᖕᒦᑦᑐᓂ ᐅᓇᑕᖅᑐᒃᓴᓂ ᑕᐃᒫᔅᓴᐃᓐᓇᖅ ᐱᔨᑦᑎᖅᑐᓂ, ᐊᑐᐃᓐᓇᖃᕐᕕᐅᓗᑎᓗ ᐱᔪᓐᓇᖅᑕᒥᓂ. ᑖᓐᓇ ᐊᒡᓚᒡᕕᒃ ᖃᐅᔨᓚᐅᖅᑐᑦ ᑕᐃᒪᐃᙱᓐᓂᖓᓂ.

ᓇᓗᓇᐃᖅᓯᓚᐅᖅᑐᒍᑦ ᐊᔪᐃᓐᓈᕆᔭᕆᐊᓕᖕᓂᒃ ᐊᒃᑐᐃᓂᖃᕈᑕᐅᔪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᑐᐃᓐᓇᖃᕐᕕᐅᓂᖏᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ, ᐃᓚᒋᓗᓂᒋᑦ: ᓇᒦᓐᓂᖏᓐᓂ, ᖃᐅᔨᒪᓂᖏᑦ ᐅᔾᔨᕈᓱᓐᓂᕐᒥ ᐱᔪᓐᓇᖅᑕᒥᓂ, ᐊᒻᒪ ᒫᓐᓇᐅᔪᖅ ᐊᑐᖅᑕᐅᕙᒃᑐᖅ ᖃᐅᔨᓴᕐᓂᕐᒥᑦ ᐊᒻᒪ ᐅᓂᒃᑳᓕᐅᕐᓂᕐᒥᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᓐᓂᐊᖏᑦ ᐊᒻᒪ ᐋᓐᓂᕐᓂᖏᑦ.

ᑕᒪᕐᒥᐸᓗᒃ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐅᖓᓯᒃᑐᕐᒥᐅᑕᐅᓂᖏᑦ, ᐅᐸᒃᑕᐅᓴᕋᐃᓐᓇᖏᑦᑐᓂᒡᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑏᑦ, ᐱᓗᐊᖅᑐᒥ ᐸᖅᑭᔭᐅᓂᕐᒧᑦ, ᐊᑐᐃᓐᓇᐅᖏᒻᒪᑕ ᑲᓇᑕᐅᑉ ᐃᓗᐊᓂ ᓄᓇᐅᑉ ᐊᓯᐊᓂ ᑕᐃᒪᐃᑉᐸᓐᓂᖏᑎᑐ. ᐊᑐᓕᖁᔭᕗᑦ ᑖᔅᓱᒧᖓ ᑐᕌᖓᕗᖅ ᑲᒪᒋᔭᖃᕐᓂᑦ ᐃᓚᖏᓐᓂᒃ ᐊᔪᐃᓐᓈᕆᔭᕆᐊᓕᖕᓂᒃ ᐊᒻᒪ ᒥᒃᖠᒋᐊᖅᑎᕆᓂᕐᒥᑦ ᐊᒃᑐᐃᓂᐅᔪᓂ ᓇᓃᑦᑕᕆᐊᒃᓴᖏᓐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ. ᑕᐃᒪᐃᒻᒥᔪᖅ ᐊᔾᔨᒌᑦᑐᒥ ᐊᑐᐃᓐᓇᖃᕐᕕᐅᖁᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᐱᔪᓐᓇᖅᑕᒥᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑎᒍᑦ, ᐋᓐᓂᐊᓚᐅᖅᑎᓪᓗᒋᑦ ᐅᕝᕙᓘᓐᓃᑦ ᐋᓐᓂᓚᐅᖅᑎᓪᓗᒋᑦ ᑐᕌᖓᔪᒥ ᐅᓇᑕᖅᑐᒃᓴᒃᑯᓐᓂ ᐱᔨᑦᑎᕋᕐᓂᕐᒧᑦ.

ᖃᐅᔨᓚᐅᕐᒥᔪᒍᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐅᔾᔨᕈᓱᖏᑦᑐᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓂᑦ, ᑕᒪᓐᓇ ᓄᖅᑲᖓᓕᕈᑕᐅᓲᖅ ᐊᑐᓇᓱᓐᓂᕐᒥ ᐱᔪᓐᓇᖅᑕᒥᓂ. ᐱᒻᒪᕆᐅᕗᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑐᑭᓯᐅᒪᓗᑎ ᐊᔾᔨᒌᙱᑦᑐᓂ ᓇᓖᕌᕈᑎᒃᓴᐅᔪᓂ ᐊᑐᐃᓐᓇᐅᔪᓂ ᐱᔨᑦᑎᓂᕐᒧᑦ ᑐᕌᖓᔪᒥ ᐋᓐᓂᐊᓕᖅᑎᓪᓗᒋᑦ ᐅᕝᕙᓘᓐᓃᑦ ᐋᓐᓂᖅᑎᓪᓗᒋᑦ, ᐊᑐᓕᖁᔭᕗᑦ ᑲᒪᒋᔭᖃᖅᐳᖅ ᒫᓐᓇᐅᔪᖅ ᐊᒥᒐᕈᑕᐅᔪᒥ ᑕᒡᕙᓂ.

ᑭᖑᓪᓕᖅᐹᒥ, ᑕᒪᓐᓇ ᖃᐅᔨᓴᕐᓂᐅᔪᖅ ᖃᐅᔨᓚᐅᖅᑐᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᓐᓂᐊᖏᑦ ᐊᒻᒪ ᐋᓐᓂᕐᓂᖏᑦ ᐅᖃᐅᓯᕆᔭᐅᒡᒍᖏᑦᑐᑦ ᐅᕝᕙᓘᓐᓃᑦ ᓈᒻᒪᒃᑐᒃᑯᑦ ᖃᐅᔨᓴᖅᑕᐅᕙᖏᑦᑐᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᐱᔾᔪᑕᐅᔪᓂ. ᒫᓐᓇ ᐊᑐᖅᑕᐅᕙᒃᑐᖅ ᐱᐅᖏᑦᑐᒥ ᐊᒃᑐᐃᓂᓕᒃ ᑲᓇᑕᒥ ᐅᓇᑕᖅᑐᒃᓴᑦ ᐊᑐᐃᓐᓇᖃᕐᕕᐅᓂᖏᓐᓂ ᐱᔪᓐᓇᖅᑕᒥᓂ−ᓲᕐᓗ ᐊᑭᓕᖅᓱᖅᑕᐅᓂᕐᒧᑦ ᐃᑲᔫᑎᒃᓴᓂ−ᓱᓕᓂᕋᐃᕈᒥ ᑐᓂᓯᖁᔭᐅᑐᐃᓐᓇᕆᐊᓖᑦ ᐱᔨᑦᑎᕋᖅᑎᐅᓂᖏᓐᓄᑦ. ᐊᑐᓕᖁᔭᕗᑦ ᑲᒪᒋᔭᖃᖅᐳᖅ ᑖᔅᓱᒥᖓ ᐊᑲᐅᙱᓕᐅᕈᑎᒥ.

ᐊᐱᖅᓱᕐᓂᖃᖅᑎᓪᓗᒋᑦ ᑕᒡᕙᓂ ᐊᒡᓚᒡᕕᐅᔪᒥ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ ᓴᖅᑭᔮᖅᑎᑦᑎᓚᐅᖅᑐᑦ ᐱᓕᕆᑦᑎᐊᕈᒪᓂᕐᒥᓂ ᐊᒻᒪ ᐊᒃᓱᐊᓗᒃ ᐃᑲᔪᖅᓱᓚᐅᖅᑐᑦ ᑲᓇᑕᒥ ᐅᓇᑕᖅᑐᒃᓴᖁᑎᒥᓂ ᖃᓄᓕᒫᖅ ᐱᔪᓐᓇᕐᓂᓕᒫᖏᓐᓂ. ᑕᑯᓗᒍ ᐊᐅᓚᑦᑎᓂᐅᔪᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᖅᑭᒃᓱᖅᓯᒪᔭᖏᓐᓂ, ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐊᐅᓚᓂᖃᓲᑦ ᓴᖅᑭᔮᕙᒌᖅᑐᓂ ᐊᑐᐊᒐᕐᓂᒃ, ᓴᖅᑮᓲᖅ ᐃᓚᖏᓐᓂ ᐊᔪᐃᓐᓈᕆᔭᕆᐊᓕᖕᓂᒃ ᐊᑐᖅᑕᐅᓪᓚᕆᒃᐸᒃᑐᑦ ᑲᓇᑕᒥ ᐅᓇᑕᖅᑐᒃᓴᓄᑦ ᑕᐃᑲᓃᖃᑕᐅᖏᓐᓇᐅᔭᖏᒻᒪᑕ ᐅᑕᖅᑭᕕᖕᒦᑦᑐᓄᑦ ᐅᓇᑕᖅᑐᒃᓴᒃᑯᑦ ᐊᑐᐊᒐᖏᓐᓂ.

ᐊᑐᓕᖁᔭᐅᓯᒪᔪᑦ ᑕᒡᕙᓂ ᐅᓂᒃᑳᒥ, ᐊᖏᖅᑕᐅᒃᐸᑕ ᐊᒻᒪ ᐊᑐᓕᖅᑎᑕᐅᒃᐸᑕ, ᐃᑲᔪᕐᓂᐊᖅᑐᑦ ᑲᓇᑕᐅᑉ ᓴᐳᓐᓂᐊᖅᑎᖏᑦ ᐱᓕᕆᕝᕕᖓᑦ ᐊᒻᒪᓗ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᑖᒃᑯᐊ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᑐᐃᓐᓇᖃᕐᕕᐅᒐᓗᐊᕐᒪᖔᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂᑦ ᐱᔪᓐᓇᖅᑕᒥᓂᒃ, ᐱᐅᓯᕚᓪᓕᑎᑦᑎᓂᕐᒥᒡᓗ ᑕᐃᓐᓂ ᐃᓅᓯᖏᓐᓂ.

ᐃᓚᖓ I – ᐃᓗᓕᖏᑦ

ᐃᓚᖓ I – ᐃᓗᓕᖏᑦ

ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓚᖓᓃᒃᑲᓐᓂᖅᑐᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ1 ᐱᒻᒪᕆᐅᖃᑕᐅᓪᓗᑎ ᑲᓇᑕᐅᒥ ᑕᒪᐃᓐᓂ ᓴᐳᓐᓂᐊᓂᕐᒧᑦ ᐅᐸᓗᖓᐃᔭᖅᓯᒪᓂᖏᓐᓂ.

ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓚᖓᓃᒃᑲᓐᓂᖅᑐᖅ ᐅᓇᑕᖅᑐᒃᓴᒃᑯᓐᓂ ᐃᖅᑲᓇᐃᔮᖑᕗᖅ, ᑭᓯᐊᓂ ᐅᓇᑕᖅᑐᖅᓯᐅᑎᐊᓗᖕᓄᑦ ᐃᖅᑲᓇᐃᔮᕆᔭᐅᙱᑦᑐᖅ. ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᓕᕆᑎᑕᐅᓲᑦ ᐱᓗᐊᖅᑐᒥ ᖃᐅᔨᒪᓂᕆᔭᖏᓐᓂ ᐊᐅᓚᓂᕐᒧᑦ ᐊᒃᓱᕈᕐᓇᖅᑐᓂ ᐊᕙᑎᓂ ᓄᓇᓂ ᑲᒪᒋᔭᕆᐊᓕᖏᓐᓂᒃ.2

ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᑲᔪᓲᑦ ᓴᐳᔾᔨᓂᕐᒥᑦ ᑲᓇᑕᐅᑉ ᐱᔪᓐᓇᕐᓂᖃᕐᔪᐊᕐᓂᖓᓂ ᐃᒪᐃᓕᐅᕐᓗᑎ:

  • ᐅᐊᑦᑎᓂᕐᒧᑦ ᐅᕝᕙᓘᓐᓃᑦ ᐱᔪᓐᓇᕐᓂᖃᕐᔪᐊᕐᓂᖏᓐᓄᑦ ᓇᐅᑦᑎᖅᓱᕐᓂᕐᒥᑦ;
  • ᓄᐊᑦᑎᓂᕐᒥ ᓄᓇᓕᖕᓂ ᖃᐅᔨᔭᐅᔭᕆᐊᓕᖕᓂᒃ ᑐᕌᖓᔪᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ; ᐊᒻᒪ
  • ᐅᖃᐅᓯᖃᕐᓂᕐᒥᑦ ᐊᔾᔨᐅᙱᑦᑐᒥ ᖃᓄᐃᓕᐅᖅᑐᖃᖅᐸᑦ ᐅᕝᕙᓘᓐᓃᑦ ᑕᑯᔪᖃᕐᓂᕈᓂ.3

ᐃᓚᒃᑲᓐᓂᕐᓗᒍ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᑐᐃᓐᓇᐅᑎᑦᑎᓲᑦ ᐊᔾᔨᐅᙱᑦᑐᓂ ᐱᔨᑦᑎᕋᐅᑎᓂ ᐃᓂᒋᔭᒥᓂ ᐱᓕᕆᐊᖃᕐᕕᖏᓐᓂ, ᐃᓚᒋᓪᓗᓂᒋᑦ:

  • ᐃᓅᖃᑎᒥᓂ ᐃᑲᔪᕐᓂᕐᒥᑦ;
  • ᑲᒪᒋᔭᖃᓲᑦ ᖃᓄᐃᕐᔪᐊᖅᑐᖃᖅᑎᓪᓗ;
  • ᕿᓂᕐᓂᕐᒧᑦ ᐊᒻᒪ ᐸᖅᓴᐃᓂᕐᒧᑦ ᐊᐅᓚᓃᑦ; ᐃᑲᔪᕐᓂᕐᒥᑦ ᒐᕙᒪᑐᖃᒃᑯᓐᓂ, ᐊᕕᒃᑐᖅᓯᒪᓂᐅᔪᓂ/ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᐅᕝᕙᓘᓐᓃᑦ ᕼᐋᒻᒪᓚᐅᔪᓂ; ᐊᒻᒪ
  • ᐃᑲᔪᖅᓱᐃᔪᑦ ᓄᓇᓂ ᐊᐅᓪᓚᓵᕆᐊᖃᖅᑎᓪᓗᒋᑦ ᓯᓚ ᐱᔾᔪᑎᒋᓪᓗᒍ ᓲᕐᓗ ᓇᐹᖅᑐᐃ ᐃᑯᐊᓪᓚᒃᑎᓪᓗᒋᑦ ᐊᒻᒪ ᖄᒥᑎᓪᓗᒍ ᐅᓕᕕᔾᔪᐊᖅᑎᓪᓗᒍ.4

ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᓕᒻᒪᒃᓴᒐᔪᓲᖑᒻᒥᔪᑦ ᓲᕐᓗ ᐊᐅᓪᓚᓂᕐᒧᑦ, ᖁᑭᐅᑎᓂ ᐊᑦᑕᓇᔾᔭᐃᖅᓯᒪᓂᕐᒧᑦ, ᐋᓐᓂᖅᑐᕋᖁᓂ ᑐᐊᕕᕐᓇᖅᑐᓕᕆᓂᕐᒥ, ᐊᓯᖏᓐᓂᓪᓗ ᐊᔪᕈᓐᓃᖅᓴᐅᑎᓂ.5

stacked info iconᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᒪᐃᓕᖓᑎᑦᑎᓲᑦ “ᑲᓇᑕᒥ ᐅᓇᑕᖅᑐᒃᓴᕐᔪᐊᓂ ᐃᓄᖃᑎᑦᑎᓲᖑᕗᑦ ᑕᐃᒃᑯᓄᖓ ᐅᖓᓯᒃᑐᓄᑦ ᓄᓇᓕᖕᓄᑦ ᐅᑭᐅᖅᑕᖅᑐᒥ, ᓯᒡᔭᓂ ᐊᒻᒪ ᐅᐸᒃᑕᐅᓴᕋᐃᓐᓇᖏᑦᑐᓂ ᐅᕝᕙᓘᓐᓃᑦ ᐊᑭᑐᓗᐊᕐᓂᖓᓄᑦ ᐃᓄᖃᐃᓐᓇᕈᓐᓇᖏᑦᑐᑦ ᐊᓯᖏᓐᓄᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ”.

–   ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎ ᐊᒻᒪ ᑐᑭᒧᐊᕈᑎ DAOD 2020-2, ᑲᓇᑕᒥ ᐅᓇᑕᖅᑐᒃᓴᒃᑯᑦ.

 5,000−ᖏᓐᓃᐸᓗᒃᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᕕᒃᑐᖅᓯᒪᔪᑦ ᑕᓪᓕᒪᓄᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂ, ᐊᑐᓂ ᖃᐅᔨᓴᓲᑦ ᐋᖅᑭᒃᓱᖅᑕᐅᓯᒪᔪᓂ ᓄᓇᓂ. ᐊᑐᓂ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᖑᔪᑦ ᐃᓚᖃᖅᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓂ ᓇᐅᑦᑎᖅᓱᖅᑎᓂ, ᐅᓄᖅᑐᑦ ᐅᖓᓯᑦᑐᕐᒥᐅᑕᐅᓪᓗᑎ. ᓇᐅᑦᑎᖅᓱᖅᑏᑦ ᖃᔅᓯᐅᓂᖏᑦ ᐊᔾᔨᒌᑉᐸᙱᑦᑐᑦ ᐊᑐᓂ ᓇᐅᑦᑎᖅᓱᖅᑐᓄᑦ ᑲᑐᔾᔨᖃᑎᒌᖑᔪᓄᑦ, ᐅᓄᕐᓂᖅᐹᖑᔪᑦ 60 ᑕᐃᑲᓂ 1 ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂ.6

ᐊᑐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ ᓯᕗᓕᖅᑎᖃᖅᑐᑦ ᐊᖓᔪᖅᑳᕐᒥ ᐱᓕᕆᔨᒥ ᐱᔭᒃᓴᖃᖅᑎᑕᐅᓪᓗᓂ ᐊᓪᓚᒡᕕᓕᕆᓂᕐᒨᖓᔪᓂᒃ ᐊᒻᒪ ᐊᐅᓚᑦᑎᓂᕐᒥᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᖑᔪᓄᑦ. ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᓴᐃᔨᖏᑦ ᑲᒪᒋᔭᖃᓲᑦ ᐊᒻᒪ ᐃᓕᓐᓂᐊᖅᑎᑦᑎᓲᑦ ᑲᓇᑕᒥ ᐅᓇᑕᖅᑐᒃᓴᓂᑦ, ᑲᓱᖃᑎᒌᑎᑦᑎᔪᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᓂ ᐊᒻᒪ ᓄᓇᓕᐅᔪᓂ ᓇᐅᑦᑎᖅᓱᕐᕕᐅᕙᒃᑐᓂ. ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᓴᐃᔨᖏᑦ ᐱᔭᒃᓴᖃᒻᒪᕆᓲᑦ, ᐃᓚᒋᓪᓗᓂᐅᒃ ᐊᐅᓚᑦᑎᓂᕐᒥ ᑮᓇᐅᔭᓕᕆᓂᕐᒥ ᐊᒻᒪ ᐃᖅᑲᓇᐃᔭᖅᑐᓕᕆᓂᕐᒥ, ᐃᓕᓐᓂᐊᖅᑎᑦᑎᓂᕐᒥ ᖁᑭᐅᑎᓂ ᐊᒻᒪ ᐃᖃᐃᓕᓴᐅᑎᓂ, ᐊᓐᓄᕌᑦᑎᐊᖅᓯᒪᒐᓗᐊᕐᒪᖔᑦ ᐊᒻᒪ ᐊᐅᓪᓚᖅᑎᑦᑎᓂᕐᒥ, ᑲᑎᙵᑎᑦᑎᓂᕐᒥ, ᐊᒻᒪ ᐋᖅᑭᒃᓱᐃᓂᕐᒥ ᒪᒃᑯᒃᑐᓂ ᓄᓇᓕᖕᓂ ᐱᓕᕆᐊᒃᓴᓂᑦ. ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᓴᐃᔨᖏᑦ ᐳᓚᕋᕆᐊᓖᑦ ᓇᐅᑦᑎᖅᓱᖅᑐᓄᑦ ᓄᓇᓕᐅᔪᓄᓪᓗ ᐊᑕᐅᓯᐊᕐᓗᑎ−ᒪᕐᕈᐃᖅᓱᓘᓐᓃᑦ ᐊᕐᕌᒍᑕᒫᑦ ᐱᓕᒻᒪᒃᓴᐃᑎᑦᑎᓂᕐᒧᑦ ᐊᒻᒪ ᑲᒪᒋᔭᖃᕐᓂᕐᒥᑦ ᐱᓕᒻᒪᒃᓴᕈᑕᐅᔪᓂ. ᖃᔅᓯᐅᓂᖏᑦ ᐅᓪᓗᓗᒃᑖᖅ ᐃᖅᑲᓇᐃᔭᖅᑎᐅᔪᓂ−ᑕᐃᑯᖓ−ᑲᓇᑕᒥ ᐅᓇᑕᖅᑐᒃᓴᒃᑯᓐᓄᑦ ᐊᑦᑎᒃᑐᒻᒪᕆᐊᓘᕗᖅ 1:53−ᒥᑦ ᐃᓚᖏᓐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᖑᔪᓂᑦ. ᑐᑭᓯᒋᐊᒃᑲᓐᓂᓂᕐᒧᑦ ᐋᖅᑭᐅᒪᓂᕆᔭᖏᓐᓂᒃ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᖅᑎᖏᓐᓄᑦ, ᐃᓚᒋᓗᓂᐅᒃ ᐃᖅᑲᓇᐃᔭᖅᑏᑦ ᖃᔅᓯᐅᓂᖏᑦ, ᑕᑯᓗᒍ ᐅᐃᒍᖓ A – ᐋᖅᑭᐅᒪᓂᕆᔭᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ.

ᐅᑕᖅᑭᕕᖕᒦᑦᑐᑦ ᑕᐃᒪᐃᑉᐸᖕᒪᑕ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᖅᑲᓇᐃᔭᖅᑎᑕᐅᔪᓐᓇᖅᑐᑦ ᐱᔨᑦᑎᕋᕐᓂᕐᒧᑦ (ᐊᕕᒃᓯᒪᓂᖓ “A”, “B”, ᐅᕝᕙᓘᓐᓃᑦ “C”7) ᐱᓕᒻᒪᒃᓴᕐᓂᖅ ᐊᖏᖅᑕᐅᓯᒪᓕᖅᑎᓪᓗᒍ ᐅᕝᕙᓘᓐᓃᑦ ᐱᔭᒃᓴᖃᖅᑎᑕᐅᒃᐸᑕ ᐃᓕᔭᐅᒃᐸᑕᓗ ᐊᕕᒃᓯᒪᓂᕐᒧᑦ ᐱᔨᑦᑎᕋᕐᓂᕐᒧᑦ.8 ᑐᑭᓯᒋᐊᕈᑎᒃᓴᒃᑲᓐᓃᑦ ᖃᓄᐃᑦᑐᓄᑦ ᐱᔨᑦᑎᕋᐅᑎᓄᑦ ᐅᕙᓂ ᑕᑯᔭᐅᔪᓐᓇᖅᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᔭᒃᓴᖏᑦ ᐊᐅᓚᓂᖏᓪᓗ.

ᐅᓄᖅᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓄᓇᖃᖅᑳᖅᓯᒪᔪᓂ ᓄᓇᓕᖕᒥᐅᑕᐅᔪᑦ ᐊᒻᒪ ᑕᐅᕙᓂ ᐱᓕᕆᓲᖑᓪᓗᑎ. ᑲᓇᑕᒥ ᐅᓇᑕᖅᑐᒃᓴᒃᑯᑦ ᐅᖃᐅᓯᓖᑦ 26-ᓂᒃ ᐊᔾᔨᒌᙱᑦᑐᓂ ᐅᖃᐅᓯᕐᓂᒃ ᐊᒻᒪ ᐅᖃᕈᓯᕐᓂᒃ, ᐅᓄᖅᑐᑦ ᓄᓇᖃᖅᑳᖅᓯᒪᓪᓗᑎ.9 ᐱᒻᒪᕆᐅᕗᖅ ᖃᐅᔨᒪᑎᑦᑎᓂᕐᒥ ᐃᓐᓇᒻᒪᕆᑦ ᐃᑲᔫᑎᖃᕐᓂᕆᔭᖏᓐᓂᒃ ᐃᓚᖏᓐᓂᒃ ᓄᓇᓕᐅᔪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓄᓇᒋᔭᖓᓂ ᐊᒻᒪ ᐱᓕᕆᕝᕕᒋᕙᒃᑕᖓᓂ. ᐃᓐᓇᒻᕆᐅᑉ ᑐᑭᖓ ᐊᔾᔨᒌᙱᒻᒪ ᓄᓇᓕᖕᒥ ᓄᓇᓕᖕᒧᑦ,10 ᑭᓯᐊᓂ ᑕᒪᕐᒥ ᐱᓪᓗᒋᑦ, ᐱᔭᒃᓴᖃᖅᐳᑦ “ᐱᖅᑯᓯᑐᖃᕐᓂᒃ ᐱᒻᒪᕆᐅᒋᔭᐅᔪᓂ, ᑐᙵᕕᒋᔭᐅᔪᑦ ᐊᓯᖏᓪᓗ ᐃᓕᓐᓂᐊᕈᓯᑦ ᑭᖑᕚᖏᓐᓄᑦ ᑐᓂᔭᐅᓗᑎ.”11 ᐃᓐᓇᒻᒪᕆᑦ ᐃᔾᔪᐊᕈᒥᓇᖅᑐᑦ, ᐅᐊᑦᑎᐊᕈᓕᓴᕐᓂ ᖃᐅᔨᒪᔪᑦ, ᐅᑉᐱᕐᓂᓕᕆᓂᕐᒧᑦ ᓯᕗᓕᖅᑎᐅᔪᑦ ᐊᒻᒪ ᐃᓅᓯᓕᕆᔨᐅᓪᓗᑎ, ᐱᒻᒪᕆᐅᒋᔭᐅᓪᓗᑎ ᐊᓪᓚᓄᑦ, ᐊᓪᓚᖓᔪᓄᑦ ᐊᒻᒪ ᐃᓄᐃᑦ ᓄᓇᓕᖏᓐᓂ.12 ᐃᓐᓇᒻᒪᕆᑦ ᑐᑭᑖᖅᑎᑕᐅᓯᒪᙱᑦᑐᑦ ᐅᑭᐅᖏᓐᓄᑦ, ᑭᓯᐊᓂ ᖃᓄᖅ ᐃᑉᐱᒋᔭᐅᑦᑎᐊᕐᒪᖔᑦ ᓄᓇᓕᖏᓐᓂ ᐃᓕᓐᓂᐊᖅᑎᑦᑎᓂᖏᓐᓄᑦ, ᐃᓱᒻᒥᖅᑐᐃᔨᐅᓪᓗᑎᓗ ᓄᓇᓕᖏᓐᓄᑦ.13

ᑐᑭᓯᒋᐊᒃᑲᓐᓂᓂᕐᒧᑦ, ᑕᑯᓗᒍ ᐅᐃᒍᖓ B – ᐃᓚᒋᔭᐅᔪᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑲᑐᔾᔨᖃᑎᒌᓄᑦ, ᐊᒻᒪ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕋᓛᑦ.

stacked info iconᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᔾᔨᐅᙱᑦᑐᑦ ᐃᓚᖓᓂ ᑕᐃᑲᙵ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ ᖃᓄᕈᓘᔮᓗᒃ. ᑕᐃᒪᑉᐸᒻᒪᑕ ᐃᓚᒋᔭᐅᑐᐃᓐᓇᖅᑐᑦ ᐅᕝᕙᓘᓐᓃᑦ ᐅᑕᖅᑭᕕᖕᒦᑦᑐᑦ ᐅᓇᑕᖅᑐᒃᓴᕐᔪᐊᑦ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᑭᑭᑕᐅᓯᒪᔪᑦ ᑎᑭᐅᒪᔭᕆᐊᖃᕐᓂᕐᒥ ᐊᑦᑎᓂᖅᐹᒥ ᐊᐅᓚᑦᑎᓂᕐᒧᑦ ᒪᓕᒋᐊᓕᖕᓂ ᑐᕌᖓᔪᓂ ᐱᔨᑦᑎᕋᕐᓂᕐᒧᑦ, ᐃᓚᒋᓪᓗᓂᐅᒃ ᐊᐅᓚᑦᑎᓂᕐᒧᑦ ᒪᓕᒋᐊᓕᖕᒥ ᑎᒥᖓ ᐊᔪᖏᑦᑎᐊᕆᐊᖃᕐᓂᖓᓄᑦ.

ᑲᓇᑕᒥ ᐅᓇᑕᖅᑐᒃᓴᒃᑯᑦ ᓂᕈᐊᕙᖕᒥᔪᑦ ᓇᐅᑦᑎᖅᓱᖅᑏᑦ ᓯᕗᓕᖅᑎᖏᓐᓂ ᐊᒻᒪ ᓵᔨᓐᖏᓐᓂ ᐊᕐᕌᒍᑕᒫᑦ, ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓪᓕ ᐊᔪᕈᓐᓃᖅᐸᓪᓕᐊᔪᓂ ᖁᑦᑎᓂᖅᓴᒨᖅᑎᑦᑎᓲᖑᓪᓗᑎᒡᓕ.

ᐊᓯᖏᓪᓗ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐃᓚᒋᔭᖏᑦ, ᐃᓱᓕᑦᑎᓂᕐᒧᑦ ᐅᑭᐅᖃᖅᑎᑕᐅᙱᑦᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓄ, ᑲᔪᓰᓐᓇᕈᓐᓇᖅᑐᑦ ᐱᔨᑦᑎᓂᕐᒥ ᑎᒥᖏ ᐃᓱᒪᖏᓪᓗ ᐊᔪᖏᑉᐸᑎ.

– ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎ ᐊᒻᒪ ᑐᑭᒧᐊᕈᑎ DAOD 5002-1, ᐃᓚᐅᓂᕐᒧᑦ: ᐃᓚᖓ ᐊᒻᒪ ᐃᓚᖓᓃᒃᑲᓐᓂᖅᑐᓂ ᓂᕈᐊᕐᓂᖅ, ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎ ᐊᒻᒪ ᑐᑭᒧᐊᕈᑎ DAOD 5023-1, ᐊᑦᑎᓂᖅᐹᒥ ᐊᐅᓚᑦᑎᓂᕐᒧᑦ ᒪᓕᒋᐊᓖᑦ ᑐᕌᖓᔪᑦ ᐱᔨᑦᑎᕋᕐᓂᕐᒧᑦ. ᒪᓕᒡᓗᒍ ᑖᓐᓇ DAOD 5023-1, “ᖃᓄᐃᓐᓂᕆᔭᖓ ᐱᔨᑦᑎᕋᕐᓂᐅᔪᖅ ᐅᕝᕙᓘᓐᓃᑦ “ᐅᓇᑕᖅᑐᒃᓴᕐᔪᐊᖅ ᓯᕗᓪᓕᐅᑎᑕᐅᔭᕆᐊᖃᕐᓂᖓ” ᒪᓕᒋᐊᓕᒃ ᐅᖃᖅᐳᖅ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐃᓚᒋᔭᖏᑦ ᐱᓕᕆᐊᖃᕈᓐᓇᖅᑐᑦ ᐅᓇᑕᖅᑐᒃᓴᒃᑯᓐᓄ ᓴᐳᓐᓂᐊᓂᕐᒧᓪᓗ ᐊᒻᒪ ᐃᓯᕐᔭᐃᖅᑎᑦᑎᓂᕐᒧᑦ ᐱᔭᒃᓴᓂ, ᑭᓯᐊᓂ ᑕᐃᒃᑯᓂᖓᐅᖏᑦᑐᖅ ᐱᔭᒃᓴᕆᔭᐅᔪᓂ ᐅᓇᑕᖅᑐᒃᓴᓄᑦ ᐃᖅᑲᓇᐃᔮᒧᑦ ᐅᕝᕙᓘᓐᓃᑦ ᐅᓇᑕᖅᑐᒃᓴᓄᑦ ᖃᓄᐃᓕᐅᕐᓂᕐᒧᑦ ᑐᕌᖓᔪᓂ. ᑕᒪᓐᓇ ᐃᓚᖃᑐᐃᓐᓇᕆᐊᓕᒃ, ᑭᓯᐊᓂ ᑭᒡᓕᒋᖏᑦᑕᖓ, ᑎᒥᖓ ᐊᔪᖏᑦᑎᐊᕐᓗᓂ, ᐃᖅᑲᓇᐃᔭᕈᓐᓇᕐᓗᓂ ᐊᒻᒪ ᐊᐅᓪᓚᖅᑎᑕᐅᔪᓐᓇᕐᓗᓂ ᐊᐅᓚᑦᑎᓂᕐᒧᑦ ᐱᔭᒃᓴᕆᔭᐅᔪᓄᑦ.”

– ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ, ᑲᓇᑕᒥ ᐅᓇᑕᖅᑐᒃᓴᒃᑯᑦ, ᐋᖅᑭᐅᒪᓂᖏᑦ: ᓇᐅᑦᑎᖅᓱᖅᑏᑦ ᑲᑐᔾᔨᖃᑎᒌᑦ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᑲᓇᑕᒥ ᐱᔪᓐᓇᕐᓂᓖᑦ. http://www.army-armee.forces.gc.ca/en/canadian-rangers/organization-patrols.page

– ᐊᐱᖅᑯᑕᐅᒐᔪᒃᑐᑦ, ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ. http://www.army-armee.forces.gc.ca/en/canadian-rangers/faq.page


  1. Queen’s Regulations and Orders (ᑯᐃᑉ ᒪᓕᒐᖏᑦ ᐊᑐᖁᔭᖏᓪᓗ), ᑎᑎᕋᖅᓯᒪᔪᑦ 1, ᐊᕕᒃᓯᒪᓂᖓ 2.034 (d). 
  2. ᓯᕗᒧᐊᕈᑎ ᐊᓚᖓᓃᒃᑲᓐᓂᖅᑐᓂ ᓂᕈᐊᕐᓂᕐᒧᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓄ ᐃᓚᐅᔪᒪᔪᓄᑦ ᑕᐃᒪᐃᖁᔨᕗᖅ ᐆᒃᑐᖃᑕᐅᔪᖅ “ᖃᐅᔨᒪᓂᖃᑦᑎᐊᕐᓗᓂ ᓄᓇᒋᔭᖓᑕ ᐃᓄᒋᐊᖕᓂᖓᓂ, ᓴᓇᕕᐊᓗᖕᓂ, ᓄᓇᖓᓂ, ᓯᓚᖓᓂ ᐊᓯᖏᓐᓂᓪᓗ ᖃᓄᐃᓐᓂᐅᔪᓂ ᐃᓂᒋᔭᒥᓂ” ᐊᒻᒪ “ᐱᓯᒪᑦᑎᒃᑲᓐᓂᕐᓗᓂ ᐃᑲᔫᑎᖃᑦᑎᐊᓲᓂ ᐱᓕᕆᓂᕐᒧᑦ, ᐃᓱᒪᒋᔭᖓᓂ ᐊᖓᔪᖅᑳᕆᔭᐅᔪᖅ ᐱᓕᕆᔨ ᑕᐃᑲᙵ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂ, ᐱᔭᒃᓴᕆᔭᐅᔪᓄᑦ ᐃᓂᖓᓂ” ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎ ᐊᒻᒪ ᑐᑭᒧᐊᕈᑎ DAOD 5002-1, ᐃᓚᐅᓂᕐᒧᑦ: ᐃᓚᖓ ᐊᒻᒪ ᐃᓚᖓᓃᒃᑲᓐᓂᖅᑐᓂ ᓂᕈᐊᕐᓂᖅ.
  3. ᑲᓇᑕᒥ ᐅᓇᑕᖅᑐᒃᓴᒃᑯᑦ, ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ. http://www.army-armee.forces.gc.ca/en/canadian-rangers/index.page
  4. 3ᖓ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂ. http://www.army.forces.gc.ca/en/3-crpg/index.page
  5. ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ, ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ. http://www.army.forces.gc.ca/en/1-crpg/patrols.page
  6. 1 ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ – ᑖᒃᑯᓄᖓ ᑲᓇᑕᐅᑉ ᓴᐳᓐᓂᐊᖅᑎᖏᑦ/ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᖃᐅᔨᓴᖅᑎᕐᔪᐊᖓᑦ, ᐊᐃᕐᕆᓕ 2016.
  7. Queen’s Regulations and Orders (ᑯᐃᑉ ᒪᓕᒐᖏᑦ ᐊᑐᖁᔭᖏᓪᓗ), ᑎᑎᕋᖅᓯᒪᔪᑦ 1, ᐊᕕᒃᓯᒪᓂᖓ 9, ᐃᓚᖓ 3 – ᐱᔨᑦᑎᕋᐅᑏᑦ ᖃᓄᐃᑦᑑᓂᖏᑦ. ᐅᓪᓗᓕᒫᒧᑦ ᐱᔨᑦᑎᕋᕐᓂᖅ ᑐᑭᖃᖅᑎᑕᐅᕗᖅ “ᐃᓚᒋᔭᐅᔪᖅ ᐅᑕᖅᑭᕕᖕᒥ ᐱᔨᑦᑎᕋᖅᑐᒥ ᐊᐅᓚᓂᐅᔪᒥ ᐊᖏᖅᑕᐅᓯᒪᔪᒧ ᐅᕝᕙᓘᓐᓃᑦ ᑭᒡᒐᖅᑐᐃᔨᒧᑦ ᐊᖓᔪᖅᑳᒧᑦ ᓴᐳᔾᔨᓯᒪᓂᕐᒧᑦ ᐃᖅᑲᓇᐃᔭᖅᑎᓄᑦ ᑎᑎᕋᖅᓯᒪᔪᒥ 9.08(1)(b) (ᐊᕕᒃᓯᒪᓂᖓ “C” ᐅᑕᖅᑭᕕᖕᒥ ᐱᔨᑦᑎᕋᕐᓂᖅ) ᐅᓪᓗᓕᒫᒧᑦ ᐱᔨᑦᑎᕋᕐᓂᕋᖅᑕᐅᕗᖅ”. ᐊᖓᔪᖅᑳᖓᑦ ᐅᑕᖅᑭᕕᖕᒦᑦᑐᓄᑦ, ᐅᓇᑕᖅᑐᒃᓴᑦ ᐱᔨᑦᑎᕋᖅᑐᑦ ᐊᐅᓚᓂᐅᔪᓂ ᐃᒪᐃᑦᑑᓂᕋᖅᑕᐅᕗᑦ “ᐅᓪᓗᓕᒫᖅ ᐱᔨᑦᑎᕋᕐᓂᕐᒥ” ᐃᓕᔭᐅᓲᖓᓪᓗᑎ ᐊᕕᒃᓯᒪᓂᖓ “C” ᐱᔨᑦᑎᕋᕐᓂᕐᒧᑦ.
  8. Standing Operations Order for Domestic Operations (ᐊᐅᓚᑦᑎᓂᐅᔪᓄᑦ ᐊᑐᖅᑕᐅᔭᕆᐊᓖᑦ ᑲᓇᑕᐅᑉ ᓯᓚᑖᓂ ᐊᐅᓚᑦᑎᓂᕐᒧᑦ, SOODO) 3000-1, ᐅᑕᖅᑭᕕᖕᒦᑦᑐᓂ ᐃᖅᑲᓇᐃᔭᖅᑎᑦᑎᓂᕐᒥ ᐃᓚᖓᓃᒃᑲᓐᓂᖅᑐᓄᑦ (J).
  9. ᑲᓇᑕᒥ ᐅᓇᑕᖅᑐᒃᓴᒃᑯᑦ, ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ. http://www.army-armee.forces.gc.ca/en/canadian-rangers/index .page
  10. ᐃᓐᓇᒻᒪᕆᑦ ᑲᑎᒪᔨᖏᑦ, ᓄᓇᖃᖅᑳᖅᑐᓕᕆᔨᒃᑯᑦ ᑲᓇᑕᒥ. https://www.aadnc-aandc.gc.ca/eng/1100100013748/1100100013749
  11. ᐃᓐᓇᒻᒪᕆᑦ ᑲᑎᒪᔨᖏᑦ, ᓄᓇᖃᖅᑳᖅᑐᓕᕆᔨᒃᑯᑦ ᑲᓇᑕᒥ. https://www.aadnc-aandc.gc.ca/eng/1100100013748/1100100013749
  12. ᐃᓐᓇᒻᒪᕆᑦ ᑲᑎᒪᔨᖏᑦ, ᓄᓇᖃᖅᑳᖅᑐᓕᕆᔨᒃᑯᑦ ᑲᓇᑕᒥ. https://www.aadnc-aandc.gc.ca/eng/1100100013748/1100100013749
  13. ᐃᓐᓇᒻᒪᕆᑦ ᑲᑎᒪᔨᖏᑦ, ᓄᓇᖃᖅᑳᖅᑐᓕᕆᔨᒃᑯᑦ ᑲᓇᑕᒥ. https://www.aadnc-aandc.gc.ca/eng/1100100013748/1100100013749
ᐃᓚᖓ II – ᐱᒋᐊᕐᖓᕐᓂᖓ

ᐃᓚᖓ II – ᐱᒋᐊᕐᖓᕐᓂᖓ

ᓯᓚᕐᔪᐊᕐᒥᐅᑦ ᖃᐅᔨᕙᓪᓕᐊᓕᖅᑎᓪᓗᒋᑦ ᐅᑭᐅᖅᑕᖅᑐᒥ,14 ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᔭᒃᓴᕆᔭᖏᑦ ᐊᖏᒡᓕᒋᐊᕐᓂᐊᕐᒥᔪᑦ ᐅᐊᑦᑎᓂᕐᒥᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᒥᓂᔅᑕᕆᔭᐅᔪᖅ ᑲᓇᑕᐅᑉ ᓴᐳᓐᓂᐊᖅᑎᖏᓐᓄᑦ 2015-ᒥ ᐱᓇᓱᐊᖅᑕᒥᓂ ᑎᑎᖅᑲᒥ ᓇᓗᓇᐃᖅᓯᕗᖅ ᓄᑖᙳᖅᑎᑕᐅᓯᒪᔪᓂ ᑐᕌᕐᓂᕐᒧᑦ ᐅᐊᑦᑎᓂᕐᒧᑦ ᑲᒪᒋᔭᖃᕐᓂᕐᒧᑦ ᑲᓇᑕᒥ ᐊᖏᒡᓕᒋᐊᖅᑕᐅᓂᖓᓗ ᑲᓇᑕᒥ ᐅᓇᑕᖅᑐᒃᓴᒃᑯᓐᓂ ᓯᕗᓪᓕᐅᔾᔭᐅᔭᕆᐊᖃᕐᓂᖓᓂ.15 ᐃᑲᔫᑎᖃᕐᓂᖏᑦ ᑐᙵᕕᒋᕚ ᑲᓇᑕᒥ ᐅᓇᑕᖅᑐᒃᓴᒃᑯᓐᓂ ᑲᓇᑕᐅᑉ ᐱᔪᓐᓇᕐᓂᖃᕐᔪᐊᕐᓂᖓᓂ ᐅᖃᐅᓯᐅᒋᐊᓪᓚᒃᓯᒪᔪᖅ ᑲᓇᑕᐅᑉ ᓴᐳᓐᓂᐊᖅᑎᖏᑦ 2017-18 ᐱᓕᕆᕝᕕᐅᑉ ᐸᕐᓇᐅᑖ, ᓇᓗᓇᐃᕆᓪᓗᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ “ᐱᒻᒪᕆᐅᓂᖏᓐᓂ ᐅᑭᐅᖅᑕᖅᑐᒥ ᓴᐳᓐᓂᐊᓂᕐᒥ.”16 ᑲᓇᑕᒥ ᔫᓂ 2017 ᓴᐳᓐᓂᐊᓂᕐᒧᑦ ᐊᑐᐊᒐᖓ ᐅᖃᖅᐳᖅ ᐱᐅᓯᑎᑦᑎᓂᕐᒥ ᐊᖏᒡᓕᑎᕆᓂᕐᒥᒡᓗ ᐱᓕᒻᒪᒃᓴᕐᓂᕆᔭᖏᓐᓂᒃ ᑲᓇᑕᒥ ᐅᓇᑕᖅᑐᒃᓴᒃᑯᓐᓂ, ᑕᐅᑐᒐᕆᔭᐅᓪᓗᓂ “ᐱᐅᓯᕚᓪᓕᕐᓗᒍ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐊᔪᙱᓐᓂᕆᔭᖓ ᐊᐅᓚᔪᓐᓇᕐᓂᕐᒧᑦ ᐅᑭᐅᖅᑕᖅᑐᒥ ᐃᓚᐅᔪᓐᓇᕐᓗᑎᓗ ᐊᓯᔾᔨᖅᑐᒥ ᖃᐅᔨᓴᑦᑎᐊᕆᐊᓕᖕᒥ ᐊᕙᑎᒥ.”17

ᐅᑭᐅᑦ ᖁᓖᑦ ᐊᓂᒍᓵᖅᑐᓂ,18 ᑖᓐᓇ ᐊᒡᓚᒡᕕᒃ ᑲᒪᒋᔭᖃᖅᓯᒪᔪᖅ ᓴᙱᔪᒥ ᐅᑕᖅᑭᕕᖕᒦ%ᑐᓂ, ᐃᓚᒋᓪᓗᓂᐅᒃ ᑲᒪᒋᔭᖃᕆᐊᖃᕐᓂᕐᒥᑦ ᐸᖅᑭᑦᑎᓂᕐᒧᑦ, ᐊᑭᓖᓂᕐᒧᑦ, ᐊᒻᒪ ᐊᓯᖏᓐᓂ ᐃᑲᔫᓯᐊᒃᓴᓂ ᐋᓐᓂᐊᔪᓄᑦ ᐋᓐᓂᖅᑐᓄᒡᓗ ᐅᑕᖅᑭᕕᖕᒦᑦᑐᓂ. ᑕᒡᕙᓃᖃᑕᐅᓂᕐᒧᑦ ᑐᕌᒐᕆᔭᐅᔪᒥ, ᐅᑭᐊᒃᓵᖓᓂ 2015-ᒥ ᑲᓇᑕᐅᑉ ᓴᐳᓐᓂᐊᖅᑎᖏᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᖃᐅᔨᓴᖅᑎᕐᔪᐊᖓ ᐊᖏᓚᐅᖅᑐᑦ ᑲᓚᒋᔭᖃᕐᓂᕐᒥᑦ ᖃᐅᔨᓴᕐᓂᐅᔪᒥ ᑲᓇᑕᒥ ᐅᓇᑕᖅᑐᒃᓴᒃᑯᓐᓂ ᐱᓗᐊᖅᑐᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᐊᑐᐃᓐᓇᐅᑎᑕᐅᔪᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ. ᑖᓐᓇ ᓯᕗᓪᓕᖅᐹᖑᓪᓗᓂ ᐊᒡᓚᒡᕕᐅᑉ ᖃᐅᔨᓴᕐᓂᕆᔭᖓ ᑲᓇᑕᒥ ᐅᓇᑕᖅᑐᒃᓴᒃᑯᓐᓄ.

ᑖᓐᓇ ᐊᒡᓚᒡᕕᒃ ᐱᔭᕇᖅᓯᓚᐅᖅᑐᑦ ᖃᐅᔨᓴᕐᖓᐅᑎᒥ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᖅᑭᐅᒪᓂᕆᔭᖓᓂ ᐅᓄᖅᑐᓂᒡᓗ ᖃᐅᔨᓚᐅᖅᑐᑦ ᐃᓱᒫᓘᑎᒃᓴᓂᑦ ᖃᐅᔨᓴᖅᑕᐅᒃᑲᓐᓂᕆᐊᓕᖕᓂᒃ, ᐃᓚᒋᓪᓗᓂᐅᒃ: ᐊᔪᐃᓐᓈᕆᔭᕆᐊᓖᑦ ᓇᓗᓇᐃᖅᓯᓇᓱᖕᓂᕐᒥᑦ ᓈᒻᒪᒃᑐᒥ ᐅᑕᖅᑭᕕᖕᒦᑦᑐᓂ ᐱᔨᑦᑎᕈᑎᒥ, ᐃᓱᒫᓘᑏᑦ ᐱᔭᕆᐊᖃᕐᓂᖏᓐᓂᒃ ᓘᒃᑖᒧᑦ ᖃᐅᔨᓴᖅᑕᐅᖅᑳᕆᐊᖃᕐᓂᖏᓐᓂᒃ ᑲᓇᑕᒥ ᐅᓇᑕᖅᑐᒃᓴᙳᓚᐅᙱᓐᓂᖏᓐᓂ,19 ᐊᒻᒪᓗ ᑐᓴᐅᒪᙱᓗᐊᕐᓂᖏᓐᓂᒃ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᔾᔪᑎᒋᓪᓗᒍ ᐱᔪᓐᓇᖅᑕᒥᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᒪᒥᓴᕐᓂᕐᒧᑦ ᐊᒻᒪ ᐃᖅᑲᓇᐃᔭᕐᓂᕐᒧᑦ ᐃᑲᔫᓯᐊᒃᓴᓂ.

ᑕᐃᒪᐃᓐᓂᖓᓄᑦ, ᑖᓐᓇ ᐊᒡᓚᒡᕕᒃ ᐱᓕᕆᐊᖃᓕᓚᐅᖅᑐᑦ ᓇᓗᓇᐃᖅᓯᓂᕐᒥ ᐊᒃᑐᐃᓂᐅᔪᓂ ᑕᒪᒃᑯᓂᖓ ᐃᓱᒫᓘᑎᒃᓴᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ:

  • ᖃᐅᔨᓴᕐᓂᕐᒥᑦ ᐊᒻᒪ ᓇᐅᑦᑎᖅᓱᕐᓂᕐᒥ ᐋᓐᓂᐊᖅᑐᓕᕆᓂᕐᒧᑦ (ᑎᒥᒧᑦ ᐃᓱᒪᒧᓪᓗ) ᓴᙱᓂᕆᔭᐅᔪᓂ ᑲᓇᑕᒥ ᐅᓇᑕᖅᑐᒃᓴᓂ;
  • ᐅᖃᐅᓯᖃᕆᐊᖃᕐᓂᖅ ᐱᓕᕆᐊᕆᔭᐅᔪᓂ ᐊᐅᓚᓂᐅᔪᓂ;
  • ᐅᖃᐅᓯᖃᕆᐊᖃᕐᓂᖅ ᐊᒻᒪ ᖃᐅᔨᓴᕐᓂᕐᒥᑦ ᐋᓐᓂᐊᕐᓂᐅᔪᓂ ᐊᒻᒪ ᐋᓐᓂᕐᓂᐅᔪᓂ; ᐊᒻᒪ
  • ᐊᓯᖏᑦ ᑐᕌᖓᖃᓯᐅᑎᔪᑦ.

ᑖᓐᓇ ᐊᒡᓚᒡᕕᒃ ᖃᐅᔨᓴᓚᐅᙱᑦᑐᖅ ᐅᕝᕙᓘᓐᓃᑦ ᕿᒥᕐᕈᓚᐅᙱᑦᑐᑦ ᒪᑯᓂᖓ:

  • ᖃᓄᖅ ᐋᓐᓂᐊᖃᕐᓇᙱᑦᓕᕆᓂᕐᒧᑦ ᐱᔨᑦᑎᕋᕐᒪᖔᑦ ᑖᒃᑯᐊ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ;
  • ᐊᑭᓖᓂᕐᒧᑦ ᐊᑲᐅᙱᓕᐅᕈᑎᑦ;
  • ᒫᓐᓇᐅᔪᖅ ᐃᓚᐅᓂᕐᒧᑦ ᒪᓕᒃᑕᐅᔭᕆᐊᓖᑦ ᑲᓇᑕᒥ ᐅᓇᑕᖅᑐᒃᓴᓄᑦ; ᐊᒻᒪ
  • ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐃᓚᒋᔭᒥᓄᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓄ.

ᑎᑎᕋᕐᓗᒍ, ᐊᐃᕐᕆᓕ 2015-ᒥ, ᐊᖓᔪᖅᑳᖅ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ ᑎᓕᐅᕆᓚᐅᖅᐳᖅ ᕿᒥᕐᕈᖁᔨᓪᓗᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᖅᑭᐅᒪᓂᕆᔭᖓᓂ ᐅᖓᓯᒃᑐᒨᖓᔪᒥ ᐊᑐᕐᓂᐊᖅᑐᓂ ᑲᔪᓰᓐᓇᕈᓐᓇᕐᓂᖏᓐᓂᒡᓗ. ᑖᓐᓇ ᕿᒥᕐᕈᓂᖅ ᑎᓴᒪᓂᑦ ᐊᕕᒃᑐᖅᓯᒪᔪᖅ: ᐋᖅᑭᐅᒪᓂᖓ ᐊᑐᐊᒐᐃᓪᓗ; ᑎᓕᐅᕆᓂᖅ, ᑲᒪᒋᔭᖃᕐᓂᖅ ᐊᒻᒪ ᐃᓄᖃᖅᑎᑦᑎᓂᖅ; ᑮᓇᐅᔭᓕᕆᓂᖅ ᐊᒻᒪ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᓂᖅ; ᐊᒻᒪ ᐃᑲᔫᑎᒃᓴᓄᑦ ᒪᑭᒪᔾᔪᑎᒃᓴᓄᒡᓗ. ᖃᐅᔨᓴᓚᐅᙱᑦᑐᒍᑦ ᐊᕕᒃᑐᖅᓯᒪᔪᓂ ᐊᖓᔪᖅᑳᖑᔪᒧᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᕿᒥᕐᕈᔭᐅᓂᖓᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᖃᐅᔨᓴᖅᑕᐅᑎᓪᓗᒋᑦ, ᑖᓐᓇ ᐊᒡᓚᒡᕕᒃ ᓇᐅᑦᑎᖅᓱᖅᑐᖅ ᐱᕙᓪᓕᐊᓂᐅᔪᓂ ᓴᖅᑮᓯᒪᓪᓗᓂᓗ ᐱᕙᓪᓕᐊᓂᕐᒧᑦ ᐅᓂᒃᑳᒥ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᕿᒥᕐᕈᓂᕆᔭᖓᓂ ᑲᓇᑕᒥ ᐅᓇᑕᖅᑐᒃᓴᒃᑯᓐᓂ ᐋᖅᑭᒃᓱᖅᓯᒪᓂᖓᓂ.

ᑐᑭᓯᒋᐊᒃᑲᓐᓂᕈᑎᑦ ᓄᐊᑕᐅᔪᓄᑦ ᐊᒻᒪ ᐊᐱᖅᓱᕐᓂᐅᔪᓄᑦ ᐅᕙᓂ ᓇᓗᓇᐃᔭᖅᑕᐅᓯᒪᔪᑦ ᐅᐃᒍᖓ C – ᖃᐅᔨᓴᕐᓂᕐᒧᑦ ᐱᓕᕆᔾᔪᓯᖅ.

stacked info iconᐅᑕᖅᑭᕕᖕᒦᑦᑐᓕᒫᑦ, ᐃᓚᒋᓗᓂᒋᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ, ᓂᕆᐅᒋᔭᐅᔪᑦ ᐱᔭᒃᓴᖃᖅᐸᒡᓗᑎᑦ ᐃᖅᑲᓇᐃᔭᙱᑎᓪᓗᒋᑦ, ᐃᓚᒋᓗᓂᐅᒃ ᑲᒪᒋᔭᖃᑦᑎᐊᕐᓂᕐᒥᑦ ᐊᓐᓄᕌᖏᓐᓂ ᐱᖁᑎᖏᓐᓂᒡᓗ, ᐅᖃᖃᑎᒌᓂᕐᒥᑦ ᐊᒻᒪ ᐸᕐᓇᐅᓂᕐᒥᑦ ᑐᕌᖓᔪᓂ ᐱᓕᒻᒪᒃᓴᕈᑕᐅᓂᐊᖅᑐᓂ ᐅᕝᕙᓘᓐᓃᑦ ᐊᐅᓚᓂᐅᓂᐊᖅᑐᓂ, ᐱᕙᒌᔭᖅᓯᒪᓗᑎᓗ ᖃᐃᖁᔭᐅᓯᑳᓪᓚᒃᐸᑕ ᐱᔨᑦᑎᕋᕐᓂᕐᒧᑦ. ᖄᒃᑲᓐᓂᐅᒍᑦ ᐱᔭᒃᓴᕆᔭᐅᔪᓂ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᓂᕆᐅᒋᔭᐅᕗᑦ ᖃᐅᔨᓴᖃᑦᑕᕐᓗᑎ ᐊᒻᒪ ᐅᖃᐅᓯᖃᖃᑦᑕᕐᓗᑎ ᓂᕆᐅᓐᓇᖏᑦᑐᓂ ᐅᕝᕙᓘᓐᓃᑦ ᐊᔾᔨᐅᙱᑦᑐᒥ ᖃᓄᐃᓕᐅᖅᑐᖃᕈᓂ ᐊᒻᒪ ᓄᐊᑦᑎᓗᑎ ᓄᓇᓕᖕᒥ ᑐᑭᓯᒋᐊᕈᑎᓂ ᐅᓇᑕᖅᑐᒃᓴᒃᑯᓐᓄ ᖃᐅᔨᔭᐅᔭᕆᐊᓕᖕᓂ ᖃᐅᑕᒫᖅᓯᐅᑎᖏᓐᓂ. ᑕᒪᓐᓇ ᐃᓚᒋᔭᐅᒻᒪᕆᒃᑐᖅ ᐱᔭᒃᓴᕆᔭᐅᔪᓂ ᑲᓇᑕᒥ ᐅᓇᑕᖅᑐᒃᓴᒧᑦ, ᑭᓯᐊᓂ ᐱᔭᒃᓴᕆᔭᐅᑎᑕᐅᖏᑦᑐᖅ ᐱᔾᔪᑎᒋᓪᓗᒍ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ.


  1. ᑲᓇᑕᐅᑉ ᐅᑭᐅᖅᑕᖅᑐᖓᓂ ᐅᐸᓗᖓᐃᔭᖅᓯᒪᓂᕐᒧᑦ – ᐱᓕᒻᒪᒃᓴᕐᓂᕐᒥᑦ ᐅᑭᐅᖅᑕᖅᑐᒥ ᐱᔪᓐᓇᕐᓂᖃᕐᔪᐊᕐᓂᑦᑎᓐᓂ. http://www.northernstrategy.gc.ca/sov/index-eng.asp
  2. ᒥᓂᔅᑕᕆᔭᐅᔪᖅ ᑲᓇᑕᐅᑉ ᓴᐳᓐᓂᐊᖅᑎᖏᓐᓄᑦ ᐱᓇᓱᐊᖅᑕᒥᓂ ᑎᑎᖅᑲᖅ. http://pm.gc.ca/eng/minister-national-defence-mandate-letter
  3. 2017-18 Departmental Plan, National Defence, Planned Results, Program 1.0: Defence Combat and Support Operations (2017-18 ᐱᓕᕆᕝᕕᐅᑉ ᐸᕐᓇᐅᑎᐊ, ᑲᓇᑕᐅᑉ ᓴᐳᓐᓂᐊᖅᑎᖏᑦ, ᐸᕐᓇᓯᒪᔪᑦ ᖃᓄᐃᓐᓂᐅᔪᑦ, ᐱᓕᕆᐊᒃᓴᖅ 1.0: ᓴᐳᔾᔨᓂᕐᒧᑦ ᐅᓇᑕᖅᑐᖅᓯᐅᑏᑦ ᐊᒻᒪ ᐃᑲᔪᖅᓱᐃᔪᑦ ᐊᐅᓚᓃᑦ).
  4. Canada’s Defence Policy (ᑲᓇᑕᐅᑉ ᓴᐳᔾᔨᓂᕐᒧᑦ ᐊᑐᐊᒐᖓ), ᒪᑉᐱᖅᑐᒐᖅ 80.
  5. ᑕᐃᒪᙵᓂ ᑎᓯᐱᕆ 2008 Reserved Care: An Investigation into the Treatment of Injured Reservists (ᐅᑕᖅᑭᕕᖕᒦᑦᑐᓄᑦ ᐸᖅᑭᔭᐅᓂᖅ: ᖃᐅᔨᓴᕐᓂᖅ ᖃᓄᖅ ᑲᒪᒋᔭᐅᕙᖕᒪᖔᑦ ᐋᓐᓂᖅᓯᒪᔪᑦ ᐅᑕᖅᑭᕕᖕᒦᑦᑐᑦ).
  6. ᑕᒪᓐᓇ ᑕᐃᒪᐃᑦᑐᖅ ᓲᖃᐃᒻᒪ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑭᑭᑕᐅᓯᒪᖕᒪᑕ ᑎᑭᐅᒪᓂᕐᒥ ᐊᑦᑎᓂᖅᐹᒥ ᐊᐅᓚᓂᕐᒧᑦ ᒪᓕᒋᐊᓕᖕᓂ ᑐᕌᖓᔪᓂ ᐱᔨᑦᑎᕋᖅᑕᒥᓄᑦ, ᐃᓚᒋᓗᓂᐅᒃ ᐊᐅᓚᑦᑎᓂᕐᒧᑦ ᒪᓕᒋᐊᓕᖕᓂ ᑎᒥᖓ ᐊᔪᙱᓐᓂᕆᔭᖓᓂ.
ᐃᓚᖓ III – ᖃᐅᔨᔭᐅᔪᑦ ᒐᕙᒪᓕᕆᓂᖅ ᐊᒻᒪ ᐊᒡᓚᒡᕕᓕᕆᓂᖅ

ᐃᓚᖓ III – ᖃᐅᔨᔭᐅᔪᑦ

ᒐᕙᒪᓕᕆᓂᖅ ᐊᒻᒪ ᐊᒡᓚᒡᕕᓕᕆᓂᖅ

ᖃᐅᔨᔭᐅᔪᖅ: ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᔾᔨᒋᔭᐅᔪᑦ ᐅᑕᖅᑭᕕᖕᒦᑦᑐᓂ ᐅᓇᑕᖅᑐᒃᓴᕐᔪᐊᓂ ᐃᖅᑲᓇᐃᔮᖃᖅᑐᓂ ᑕᐃᒫᔅᓴᐃᓐᓇᖅ ᐱᔨᑦᑎᕋᕐᓂᕐᒧᑦ.

ᑕᐃᒪᐃᖕᒪᑕ ᐅᑕᖅᑭᕕᖕᒦᑦᑐᑦ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᓇᓗᓇᐃᖅᑕᐅᓲᑦ ᖃᓄᐃᑦᑐᓄᑦ ᐱᔨᑦᑎᕋᕐᓂᕐᒧᑦ ᑐᙵᕕᖃᓲᖑᓪᓗᑎ ᐋᓐᓂᐊᕐᓂᐅᔪᖅ ᐋᓐᓂᕐᓂᐅᔪᓪᓘᓐᓃᑦ ᑐᕌᖓᒻᒪᖔᖅ ᐅᓇᑕᖅᑐᒃᓴᕐᔪᐊᒃᑯᓐᓂ ᐱᔨᑦᑎᕋᕐᓂᕐᒧᑦ. ᖃᓄᐃᑦᑑᓂᖓ ᐅᑕᖅᑭᕕᖕᒦᑦᑐᖅ ᐱᔨᑦᑎᕋᕐᓂᖓ ᑲᓇᑕᒥ ᐅᓇᑕᖅᑐᒃᓴᖅ ᐱᔨᑦᑎᕋᖅᑕᒥᓂ (ᐊᕕᒃᓯᒪᓂᖓ “A”, “B”, ᐅᕝᕙᓘᓐᓃᑦ “C”) ᓇᓗᓇᐃᖅᓯᕗᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ.20

2009-ᒥ, ᐱᓚᒃᑐᐃᔨᒻᒪᕆᒃ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓄ ᑐᓂᓯᓚᐅᖅᐳᖅ ᑐᑭᒧᐊᕈᑎᒥ ᑐᑭᓯᐅᒪᑎᑦᑎᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓄᑦ ᐃᖅᑲᓇᐃᔭᖅᑎᓄᑦ ᐅᑕᖅᑭᕕᖕᒦᑦᑐᑦ ᐱᔪᓐᓇᖅᑕᒥᓂ ᐸᖅᑭᔭᐅᓂᕐᒧᑦ ᑖᔅᓱᒧᖓ ᓯᕗᒧᐊᕈᑎ ᑲᔪᓯᑎᑦᑎᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᓂᕐᒧᑦ ᐅᑕᖅᑭᕕᖕᒦᑦᑐᓄ ᐃᖅᑲᓇᐃᔭᖅᑎᓄ.21 ᐃᒪᐃᓕᖓᓪᓗᓂ, ᐅᑕᖅᑭᕕᖕᒦᑦᑐᖅ ᐋᓐᓂᐊᓕᕈᓂ ᐋᓐᓂᕈᓂᓘᓐᓃᑦ ᐅᕙᓃᓐᓂᖓᓂ ᐊᕕᒃᓯᒪᓂᖓ “A” ᐅᕝᕙᓘᓐᓃᑦ ᕿᓚᒻᒥᐅᔪᒃᑯᑦ ᐊᕕᒃᓯᒪᓂᖓ “B” ᐱᔨᑦᑎᕋᕐᓂᕐᒧᑦ (ᓲᕐᓗ ᐱᓕᕆᐊᖃᕐᓂᕐᒧᑦ ᐅᓇᑕᖅᑐᒃᓴᕐᔪᐊᒃᑯᓐᓂ ᐱᔭᒃᓴᒥᓂ) ᐃᓚᒋᔭᐅᔪᖅ ᐊᑐᐃᓐᓇᖃᕐᕕᐅᓂᐊᖅᑐᖅ ᐸᖅᑭᔭᐅᓂᕐᒥ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑏᑦ ᐊᓯᓅᖅᑕᐅᓇᓱᓐᓂᖓᓂ ᐊᑦᑕᕐᓇᙱᑦᑐᒃᑯᑦ ᐃᓚᒋᔭᐅᔫᑉ ᓄᓇᓕᖓᑕ ᐸᖅᑭᔭᐅᓂᕐᒧᑦ ᐱᔨᑦᑎᕋᖅᑎᖓᓄᑦ.22 ᓯᕗᒧᐊᕈᑎ ᐅᖃᒋᐊᓪᓚᒃᐳᖅ ᐃᓚᒋᔭᐅᔪᑦ ᕿᓚᒻᒥᐅᔪᒃᑯᑦ ᐱᔨᑦᑎᖅᑐᓄᑦ (< 180 ᐅᓪᓗᐃᑦ)23 ᐃᒪᐃᑦᑑᔪᑦ “ᐱᐅᓂᖅᐹᒥ ᑲᒪᒋᔭᐅᒃᐸᑕ ᐃᓄᖁᑎᒥᓄᑦ ᐸᖅᑭᔨᐅᔪᓄᑦ.”24 ᐅᑕᖅᑭᕕᖕᒦᑦᑐᑦ ᐃᖅᑲᓇᐃᔭᖅᑏᑦ ᐊᑯᓂᐊᔪᒥ ᐊᕕᒃᓯᒪᓂᖓ “B” ᐅᑕᖅᑭᕕᖕᒦᓂᕐᒧᑦ ᐱᔨᑦᑎᕋᕐᓂᖅ

(> 180 ᐅᓪᓗᐃᑦ),25 ᐊᒻᒪ ᐊᕕᒃᓯᒪᓂᖓ “C” ᐅᑕᖅᑭᕕᖕᒦᑦᑐᑦ ᐱᔨᑦᑎᕋᖅᑐᑦ ᑕᐃᒫᔅᓴᐃᓐᓇᖅ ᐅᓇᑕᖅᑯᒃᓴᕐᔪᐊᑎᑐᑦ ᑲᒪᒋᔭᐅᓂᐊᖅᑐᑦ.26

ᑖᓐᓇ ᑯᐃᑉ ᒪᓕᒐᖏᑦ ᐊᑐᖁᔭᖏᓪᓗ (Queen’s Regulations and Orders) ᐊᕕᒃᓯᒪᓂᖓ 34, “ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑏᑦ”, ᒐᕙᒪᓕᕆᓂᕐᒧᑦ ᑎᑎᖅᑲᐅᕗᖅ ᐅᑕᖅᑭᕕᖕᒦᑦᑐᓄᑦ ᐱᔪᓐᓇᖅᑕᒥᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒧᑦ.27 ᑭᓯᐊᓂ, ᐊᒡᓚᒡᕕᒃ ᖃᐅᔨᓚᐅᖅᓯᒪᔭᖓ, ᑎᑎᕋᖅᓯᒪᔪᑦ ᑕᐃᑲᓂ ᑯᐃᑉ ᒪᓕᒐᖏᑦ ᐊᑐᖁᔭᖏᓪᓗ (Queen’s Regulations and Orders) ᑐᕌᖓᔪᑦ ᐱᔭᐅᔪᓐᓇᖅᑐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒧᑦ ᐱᑕᖃᓗᐊᙱᑦᑐᑦ ᑖᓐᓇᓗ “ᐊᓯᐊᓂ ᑐᑭᓯᑎᑦᑎᔪᑦ ᐊᒻᒪ ᐊᑐᓕᖅᑎᑕᐅᔪᓂ ᐸᖅᑭᔭᐅᓂᕐᒧᑦ.”28 ᑕᒪᓐᓇ ᐅᓪᓗᒥᐅᔪᖅ ᓱᓕ ᑕᐃᒪᐃᓕᖓᔪᖅ, ᑲᒪᒋᔭᐅᔭᕆᐊᓕᒃ ᓱᓕ.

ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᐱᖅᓱᖅᑕᐅᔪᑦ ᖃᐅᔨᓴᕐᓂᐅᔪᒥ ᐅᖃᐅᓯᖃᓚᐅᖅᑐᑦ ᐆᒃᑑᑎᓂ ᐋᓐᓂᓚᐅᖅᓯᒪᑎᓪᓗᒋᑦ ᐱᓕᕆᓂᖏᓐᓂ ᑖᒃᑯᐊ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐃᖅᑲᓇᐃᔭᖅᑎᖏᑦ ᐊᑐᐃᓐᓇᐅᓚᐅᖅᑐᑦ: ᑐᐊᕕᕐᓇᖅᑐᒥ ᐃᓅᓕᓴᖅᑕᐅᓪᓗᑎ ᐋᓐᓂᐊᖅᑐᓕᕆᔨᓂ ᐅᓂᐅᔪᒥ, ᑖᒃᑯᐊᓗ ᐃᓄᓕᒫᓄᑦ ᐋᓐᓂᐊᖅᑐᓕᕆᔩᑦ ᑲᓚᒋᔭᖃᒃᑲᓐᓂᓚᐅᖅᑐᑦ. ᐊᓯᖏᑦ ᑲᓇᑕᒥ ᐅᓇᑕᖅᑐᒃᓴᑦ ᐅᖃᐅᓯᖃᓚᐅᖅᑐᑦ ᓄᓇᓕᖕᒥ ᐋᓐᓂᐊᕕᒃ ᐋᓐᓂᐊᖅᑐᓕᕆᕝᕕᓪᓗᐊᑕᕆᔭᐅᓂᖓᓂ ᐊᒃᓲᓗᐊᙱᑦᑐᓄᑦ ᐋᓐᓂᐊᓄᑦ ᐋᓐᓂᕐᓂᐅᔪᓄᓪᓗ, ᐊᒃᓱᒃᑲᐃᓐᓂᐅᔪᑦ ᖃᓄᐃᓐᓂᐅᔪᑦ ᐊᐅᓪᓚᕈᑕᐅᕙᒃᖢᑎ ᖃᓂᓛᒧᑦ ᓄᓇᓕᐸᐅᔭᖕᒧᑦ.

ᐊᒡᓚᒡᕕᐅᑉ ᐅᓂᒃᑳᖓ ᐅᑕᖅᑭᕕᖕᒦᑦᑐᓄᑦ ᐸᖅᑭᔭᐅᓂᖅ: ᖃᐅᔨᓴᕐᓂᖅ ᖃᓄᖅ ᑲᒪᒋᔭᐅᕙᖕᒪᖔᑦ ᐋᓐᓂᖅᓯᒪᔪᑦ ᐅᑕᖅᑭᕕᖕᒦᑦᑐᑦ  ᖃᐅᔨᓚᐅᖅᑐᑦ ᐅᑕᖅᑭᕕᖕᒦᑦᑐᑦ ᐋᓐᓂᖅᑐᑦ ᐱᔪᓐᓇᖅᑎᑕᐅᙱᓚᖅ ᑖᔅᓱᒥᖓ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᐊᔾᔨᐅᙱᑦᑐᓂ ᖃᓄᐃᓐᓂᐅᔪᓂ. ᑕᐃᑲᓂ ᐅᓂᒃᑳᒥ, ᖃᐅᔨᓚᐅᖅᑐᒍᑦ ᐅᑕᖅᑭᕕᖕᒦᑦᑐᑦ ᐱᔪᓐᓇᖅᑎᑕᐅᙱᓚᖅ ᑖᔅᓱᒥᖓ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐸᖅᑭᔭᐅᓂᕐᒧᑦ ᐋᓐᓂᕐᓂᐅᔪᒧᑦ ᐃᖃᐃᓕᓴᖅᑎᓪᓗᒋᑦ ᐃᖅᑲᓇᐃᔭᕐᓇᐅᙱᑎᓪᓗᒍᓗ. ᑕᐃᒪᐃᑦᑐᖅ ᓲᖃᐃᒻᒪᑦ ᐅᑕᖅᑭᕕᖕᒦᓗᐊᑕᖅᑐᑦ ᐃᓚᒋᔭᐅᔪᑦ “ᓂᕆᐅᒋᔭᐅᔪᑦ ᑎᑭᐅᒪᓂᕐᒥ ᐊᑦᑎᓂᖅᐹᒥ ᐃᖃᐃᓕᓴᕈᓐᓇᕐᓂᒥᑦ ᐃᖅᑲᓇᐃᔭᕐᓂᕐᒧᑦ ᑕᐃᒃᑯᐊᑎᑐ ᐃᖅᑲᓇᐃᔭᖅᑎᑕᐅᓐᓇᐅᔪᓂ,”29 ᑕᐃᒪᐃᓐᓂᖓᓄᑦ ᑎᑭᐅᒪᔭᕆᐊᓖᑦ ᐊᑦᑎᓂᖅᐹᒥ ᐊᐅᓚᓂᕐᒧᑦ ᒪᓕᒋᐊᓕᖕᓂ ᑐᕌᖓᔪᓂ ᐱᔨᑦᑎᕋᖅᑕᒥᓄᑦ. ᑲᓇᑕᒥ ᐅᓇᑕᖅᑐᒃᓴᒃᑯᑦ ᑎᑭᐅᒪᒋᐊᑐᙱᑦᑐᑦ ᐱᔨᑦᑎᕋᕐᓂᕐᒧᑦ, ᑭᓯᐊᓂ ᖃᐅᔨᓚᐅᖅᑐᒍᑦ, ᐱᓕᕆᐊᕆᔭᕆᐊᖃᖅᑕᒥᓂ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᓐᓂᐊᖅᑐᑦ ᐱᓕᒻᒪᒃᓴᖅᑎᓪᓗᒋᑦ ᐊᒻᒪ ᑲᒪᒋᔭᖃᖅᑎᓪᓗᒋᑦ ᐅᓇᑕᖅᑐᒃᓴᒧᑦ−ᑐᕌᖓᔪᒥ ᐊᔪᕈᓐᓃᖅᓴᐅᑎᓂ, ᐊᖏᖅᑕᐅᖅᑳᖅᑎᓐᓇᒋᑦ ᐊᖏᔪᖅᑲᐅᑎᓄᑦ ᖁᑦᑎᖕᓂᓕᕇᒃᑐᓂ, ᐱᔪᓐᓇᕋᔭᙱᑦᑐᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ.

ᑐᑭᓯᒋᐊᒃᑲᓐᓂᓂᕐᒧᑦ, ᑕᑯᒋᐊᕐᓗᒍ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᑦ ᑲᓇᑕᒥ ᐅᓇᑕᖅᑐᒃᓴᓄᑦ.

ᖃᐅᔨᔭᐅᔪᖅ: ᐊᔾᔨᒌᓐᓂᖃᙱᓗᐊᖅᑐᑦ ᐊᒻᒪ ᐊᒥᒐᓗᐊᖅᑐᑦ ᐃᓚᖏᑦ ᐊᑐᐊᒐᐃᑦ, ᑎᓕᓯᔾᔪᑏᑦ, ᐊᒻᒪ ᒪᓕᖁᔭᐅᔪᑦ ᑐᕌᖓᔪᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᐱᔪᓐᓇᖅᑐᓂᒡᓗ ᑲᓇᑕᒥ ᐅᓇᑕᖅᑐᒃᓴᓄᑦ.

ᐅᑭᐅᑦ ᖁᓕᑲᓵᒃ ᐊᓂᒍᖅᓯᒪᔪᓂ, ᑖᓐᓇ ᐊᒡᓚᒡᕕᒃ ᖃᐅᔨᓚᐅᖅᑐᖅ ᑖᔅᓱᒥᖓ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᐅᑕᖅᑭᕕᖕᒦᑦᑐᓄᑦ, “ᒫᓐᓇᐅᔪᖅ ᐊᑐᐊᒐᐃᑦ ᒪᓕᒐᐃᓪᓗ ᑐᕌᖓᔪᑦ ᐱᔪᓐᓇᕐᓂᖏᓐᓂ ᐋᓐᓂᐊᖅᑐᓕᕆᓂᕐᒧᑦ ᐸᖅᑭᔭᐅᓂᕐᒧᑦ ᐅᑕᖅᑭᕕᖕᒦᑦᑐᓂ ᓇᓗᓇᖅᑐᑦ.”30 ᐅᓪᓗᒥᒧ ᑎᑭᓪᓗᒍ ᑕᒪᓐᓇ ᓇᓗᓇᕈᑕᐅᔪᖅ ᓱᓕ ᐊᑐᐊᒐᕐᓂ, ᑎᓕᓯᔾᔪᑎᓂ, ᑐᑭᒧᐊᕈᑎᓂ, ᐊᒻᒪ ᒪᓕᒋᐊᓕᖕᓂ ᑐᕌᖓᔪᓂ ᐅᑕᖅᑭᕕᖕᒦᑦᑐᓄ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ. ᖃᐅᔨᒪᔭᐅᖏᓐᓇᐅᔭᖏᑦᑐᖅ ᑖᒃᑯᐊ ᐃᓚᖓᓃᒃᑲᓐᓂᖅᑐᑦ ᐅᑕᖅᑭᕕᖕᒦᑦᑐᓂ, ᓲᕐᓗ ᑲᓇᑕᒥ ᐅᓇᑕᖅᑐᒃᓴᒃᑯᑦ, ᐃᓚᒋᔭᐅᖕᒪᖔᑦ ᑭᑭᑕᐅᓯᒪᒻᒪᖔᕐᓘᓐᓃᑦ ᑖᒃᑯᓂᖓ ᑎᑎᖅᑲᓂ.31 ᑕᒪᓐᓇ ᑐᕌᖓᓕᕈᑕᐅᔪᓐᓇᖅᑐᖅ ᐊᔾᔨᒌᙱᑦᑐᓂ ᑐᑭᓯᐅᒪᓂᕐᒥ ᐊᒻᒪ ᐊᑐᓕᖅᑎᑦᑎᓂᕐᒥ ᐊᑐᐊᒐᕐᓂ, ᑎᓕᓯᔾᔪᑎᓂ ᒪᓕᒋᐊᓕᖕᓂᓪᓗ ᑲᓇᑕᒥ ᐅᓇᑕᖅᑐᒃᓴᓄᑦ.

stacked info iconᑲᓇᑕᒥ ᐅᓇᑕᖅᑐᒃᓴᖅ ᐋᓐᓂᕈᓂ ᐅᕝᕙᓘᓐᓃᑦ ᐋᓐᓂᐊᓕᕈᓂ ᐃᖅᑲᓇᐃᔭᙱᑎᓪᓗᒍ ᐱᔪᓐᓇᖅᑎᑕᐅᙱᓚᖅ ᑖᔅᓱᒥᖓ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ, ᓇᓗᓇᐃᖅᑕᐅᓲᑦ ᖃᓄᐃᑦᑐᓄᑦ ᐱᔨᑦᑎᕋᕐᓂᕐᒧᑦ. ᑕᐃᒪᐃᑉᐳᖅ ᐃᖅᑲᓇᐃᔭᙱᑦᑐᒧᑦ ᐅᑕᖅᑭᕕᖕᒦᑦᑐᒥ ᑲᓇᑕᒥ ᐅᓇᑕᖅᑐᒃᓴᒥ ᐋᓐᓂᖅᑐᒧᑦ ᖃᐅᔨᓴᖅᑎᓪᓗᒍ ᐅᕝᕙᓘᓐᓃᑦ ᐅᖃᐅᓯᖃᓇᓱᒃᑎᓪᓗᒍ ᓂᕆᐅᓐᓇᖏᑦᑐᓂ ᐅᕝᕙᓘᓐᓃᑦ ᐊᔾᔨᐅᙱᑦᑐᒥ ᖃᓄᐃᓕᐅᖅᑐᖃᕈᓂ ᐱᔪᓐᓇᖅᑎᑕᐅᓇᔭᖅᑐᖅ ᑭᓯᐊᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᑕᐃᒪᐃᖁᔭᐅᓯᒪᑉᐸ ᐅᕝᕙᓘᓐᓃᑦ ᒥᓂᔅᑕᕆᔭᐅᔪᖅ ᑲᓇᑕᒥ ᓴᐳᓐᓂᐊᖅᑎᖏᓐᓄᑦ ᑎᓕᓯᓐᓂᖅᐸᑕ ᐃᓂᒋᔭᐅᓂᐊᖅᑐᒥ ᐅᕝᕙᓘᓐᓃᑦ ᑲᒪᒋᔭᐅᓂᐊᖅᑐᒥ ᐊᐅᓚᓂᕐᒥᑦ.

– Queen’s Regulations and Orders (ᑯᐃᑉ ᒪᓕᒐᖏᑦ ᐊᑐᖁᔭᖏᓪᓗ), ᐊᕕᒃᓯᒪᓂᖓ 34, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑏᑦ. ᐱᔪᓐᓇᕐᓂᖅ ᐅᑕᖅᑭᕕᖕᒦᓂᕐᒧᑦ ᑐᖁᓂᕐᒧᑦ ᐱᓕᐅᓯᐊᑦ ᐊᒃᑐᖅᑕᐅᖏᑦᑐᖅ ᐅᓇᑕᖅᑐᒃᓴᖅ ᑐᖁᓐᓂᕈᓂ ᐃᖅᑲᓇᐃᔭᕐᓇᐅᙱᑎᓪᓗᒍ.

– ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎ ᐊᒻᒪ ᑐᑭᒧᐊᕈᑎ DAOD 2020-2, ᑲᓇᑕᒥ ᐅᓇᑕᖅᑐᒃᓴᒃᑯᑦ: ᓇᐅᑦᑎᖅᓱᖅᑏᑦ, ᐊᔾᔨᐅᙱᑦᑐᒥ ᖃᓄᐃᓕᐅᖅᑐᖃᖅᐸᑦ. ᐃᓚᒃᑲᓐᓂᕐᓗ ᐱᔪᓐᓇᕐᓂᖅ ᐅᑕᖅᑭᕕᖕᒦᓂᕐᒧᑦ ᑐᖁᓂᕐᒧᑦ ᐱᓕᐅᓯᐊᑦ ᐊᒃᑐᖅᑕᐅᖏᑦᑐᖅ ᐅᓇᑕᖅᑐᒃᓴᖅ ᑐᖁᓐᓂᕈᓂ ᐊᑭᓕᖅᓱᖅᑕᐅᓐᓇᖏᑦᑐᒧ ᐱᓕᕆᐊᖃᕐᓂᕐᒧᑦ. ᑖᓐᓇ ᐃᑲᔫᑎᒃᓴᖅ ᐊᑭᓕᖅᑕᐅᒐᔭᖅᑐᖅ ᓱᓕ ᐅᓇᑕᖅᑐᒃᓴᖅ ᐃᓅᔪᓐᓃᕐᓂᕈᓂ ᐃᖅᑲᓇᐃᔭᖅᑎᓪᓗᒍ ᐅᕝᕙᓘᓐᓃᑦ ᐃᖅᑲᓇᐃᔭᙱᑎᓪᓗᒍ. ᑕᒡᕙᓂ ᖃᐅᔨᓴᕐᓂᖃᖅᑎᓪᓗᒋᑦ, ᐃᓚᖏᑦ ᑲᓇᑕᒥ ᐅᓇᑕᖅᑐᒃᓴᑦ ᐅᖃᓚᐅᖅᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓄ ᐱᓕᕆᓂᑰᓂᕋᐃᓚᐅᖅᑐᑦ ᐊᑭᓕᖅᑕᐅᒐᑎ, ᑭᓯᐊᓂ ᑖᒃᑯᐊ ᐊᒡᓚᒡᕕᖕᒨᖓᓚᐅᖅᑐᑦ ᐊᒻᒪ ᐋᓐᓂᖅᑐᖃᓚᐅᙱᑦᑐᖅ ᑕᒪᒃᑯᓂᖓ ᑲᒪᒋᔭᖃᖅᑎᓪᓗᒋᑦ. ᑖᓐᓇ ᐊᒡᓚᒡᕕᒃ ᖃᐅᔨᒪᑎᑕᐅᓚᐅᙱᑦᑐᖅ ᐋᓐᓂᕐᓂᐅᔪᓂ ᑐᕌᖓᔪᓂ ᖃᐅᔨᓴᕐᓂᕐᒧᑦ ᐊᒻᒪ ᐅᖃᐅᓯᖃᕐᓂᕐᒥ ᓂᕆᐅᓐᓇᖏᑦᑐᓂ, ᑕᐃᒪᐃᑐᐃᓐᓇᕆᐊᓕᒃ ᑲᓇᑕᒥ ᐅᓇᑕᖅᑐᒃᓴᖅ ᐊᖏᖅᑕᐅᖏᓪᓗᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᐱᓕᕆᐊᖃᕐᓂᕐᒧᑦ ᐱᔭᒃᓴᒥ ᑕᐃᒫᔅᓴᐃᓐᓇᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᔭᒃᓴᕆᔭᒥᓂ.

– ᑖᓐᓇ ᐱᔪᓐᓇᕐᓂᓕᒃ ᐋᖅᑭᒃᓱᖅᓯᒪᔪᖅ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐃᓚᒋᔭᖏᓐᓄᑦ ᐊᒻᒪ ᐅᓇᑕᖅᑐᒃᓴᕐᔪᐊᒃᕕᓂᒃᑯᑦ ᐋᖅᑭᒃᓱᖅᓯᒪᒃᑲᓐᓂᖅᑕᖓᓂ ᐊᒻᒪ ᐊᑭᓕᖅᓱᖅᑕᐅᓂᕐᒧᑦ ᐱᖁᔭᕐᒥ, ᐃᓚᖏᑦ 70-71.

ᓲᕐᓗ, ᐱᓚᒃᑐᐃᔨᒻᒪᕆᐅᑉ ᓯᕗᒧᐊᕈᑎ ᑲᔪᓯᑎᑦᑎᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᓂᕐᒧᑦ ᐅᑕᖅᑭᕕᖕᒦᑦᑐᓄ ᐃᖅᑲᓇᐃᔭᖅᑎᓄ,32 ᐅᖃᐅᓯᖃᖅᑐᑦ ᐅᑕᖅᑭᕕᖕᒦᑦᑐᓄ ᐅᓇᑕᖅᑐᒃᓴᕐᔪᐊᓄ, ᐅᑕᖅᑭᕕᖕᒦᑦᑐᓂ, ᐊᒻᒪ ᐊᕕᒃᓯᒪᓂᖓ “B” ᐅᑕᖅᑭᕕᖕᒦᑦᑐᓂ. ᑎᑎᖅᑲᖅ ᐅᖃᐅᓯᖃᕐᒪ ᐃᑲᔪᕐᓂᕐᒥ ᐸᖅᑭᓂᕐᒧᑦ ᐱᖓᓲᓕᖅᑲᖓᔪᓂ ᐅᑕᖅᑭᕕᖕᒥ ᐱᔨᑦᑎᖅᑐᓄᑦ, ᑭᓯᐊᓂ ᓇᓗᓇᐃᖏᓪᓚᕆᒃᑐᖅ ᑐᕌᖓᒻᒪᒑᖅ ᐃᓚᒋᔭᐅᔪᓄᑦ ᐅᑕᖅᑭᕕᖕᒦᓗᐊᑕᖅᑐᓄᑦ, ᐅᕝᕙᓘᓐᓃᑦ ᑕᒪᒃᑭᓕᒫᓄᑦ ᐃᒪᖓᓃᒃᑲᓐᓂᖅᑐᓄᑦ ᐅᑕᖅᑭᕕᖕᒥ.

ᐊᑐᓕᖁᔭᐅᓯᒪᔪᖅ 1:

ᐊᑐᓕᖁᔨᒃᑲᓐᓂᓕᕐᒥᔪᒍᑦ ᑲᓇᑕᐅᑉ ᓴᐳᓐᓂᐊᖅᑎᖏᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐲᖅᓯᓗᑎ ᐊᔾᔨᐅᙱᑦᑐᓂ ᐅᖃᐅᓯᕐᓂ ᐊᑐᐊᒐᓕᕐᓂᔪᑦ ᐋᖅᑭᒃᓯᖅᑎᓪᓗᒋᑦ ᐅᓇᑕᖅᑐᒃᓴᕐᔪᐊᕕᓂᕐᓄᑦ, ᑐᕌᒐᖃᕐᓗᑎ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᐱᔭᐅᔪᓐᓇᖅᑐᓂ, ᕿᓚᒻᒥᐅᓛᒃᑯᑦ ᖄᖏᐅᑎᖏᓪᓗᑎ ᐅᐱᕐᖓᒃᓵᖓᓂ 2019. 


 

  1. Queen’s Regulations and Orders (ᑯᐃᑉ ᒪᓕᒐᖏᑦ ᐊᑐᖁᔭᖏᓪᓗ), ᑎᑎᕋᖅᓯᒪᔪᑦ 1, ᐊᕕᒃᓯᒪᓂᖓ 9 – ᐅᑕᖅᑭᕕᖕᒦᑦᑐᓄᑦ ᐱᔨᑦᑎᕈᑏᑦ
  2. Canadian Forces Health Services Instruction 4090-02, Interim Guidance for the Delivery of Health Care to Reserve Force Personnel (ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓄᑦ ᐃᓕᓐᓂᐊᖅᑎᑦᑎᓂᖅ 4090-02, ᓯᕗᒧᐊᕈᑎ ᑲᔪᓯᑎᑦᑎᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᓂᕐᒧᑦ ᐅᑕᖅᑭᕕᖕᒦᑦᑐᓄ ᐃᖅᑲᓇᐃᔭᖅᑎᓄ).
  3. ᑐᒡᓕᐊ ᐊᖓᔪᖅᑳᒧᑦ ᓴᐳᔾᔨᓯᒪᓂᕐᒧᑦ ᐃᖅᑲᓇᐃᔭᖅᑎᓄᑦ ᑎᑎᕋᖅᓯᒪᔪᒥ, ᐊᑐᐃᓐᓇᖃᕐᕕᐅᓂᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒧᑦ – ᐅᑕᖅᑭᕕᖕᒦᑦᑐᓄᑦ ᐃᖅᑲᓇᐃᔭᖅᑎᓄᑦ, 2 ᓄᕕᐱᕆ 2011.
  4. ᐊᒡᒍᖅᓯᒪᓂᖓ ᐊᕕᒃᓯᒪᓂᖓ “B” ᐅᑕᖅᑭᕕᖕᒦᓂᕐᒧᑦ ᐱᔨᑦᑎᕋᕐᓂᕐᒥᑦ ᐅᓪᓗᓄ 180-ᓄᑦ ᓴᖅᑭᒐᔪᒃᑐᖅ ᐃᑲᔫᑎᒃᓴᓄᑦ ᐊᕕᒃᓯᒪᓂᖓ “B” ᐅᑕᖅᑭᕕᖕᒦᑦᑐᓄᑦ. ᐋᓐᓂᖅᑐᓄᑦ ᐅᓇᑕᖅᑐᒃᓴᓄᑦ ᐃᓚᒋᔭᐅᔪᓄᑦ ᐊᑭᓕᖅᑕᐅᓂᕐᒧᑦ ᐱᖁᔭᖓ ᐊᕕᒃᓯᒪᓂᐅᔪᒥ ᐅᖃᖅᐳᖅ “180 ᐅᓪᓗᐃᑦ ᐅᖓᑖᓄᑦ” ᐊᒻᒪ “180 ᐅᓪᓗᐃᑦ ᑐᖔᓄᑦ”. ᑭᓯᐊᓂ, ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐊᑐᐊᒐᖏᑦ ᒪᓕᒐᖏᓪᓗ ᐊᔾᔨᒌᙱᑦᑐᑦ. ᐃᓚᖏᑦ ᐅᖃᓲᑦ “ᐅᖓᑖᓄᑦ 180 ᐅᓪᓗᐃᑦ” ᐊᒻᒪ “ᑎᑭᓪᓗᒍ 180 ᐅᓪᓗᐃᑦ”, ᐅᖃᐅᓯᖃᙱᑦᑐᑎ ᐱᔨᑦᑎᕋᕐᓂᕐᒥᑦ ᐅᓪᓗᓪᓚᑦᑖᓂ 180-ᓂᒃ. ᐊᑐᐊᒐᑦ ᐊᒻᒪ ᒪᓕᒐᐃᑦ ᐊᓯᖏᑦ ᓂᐱᖃᙱᑦᑐᑦ ᖃᓄᖅ ᐊᑯᓂᐅᑎᒋᔪᒥ ᐱᔨᑦᑎᕋᖅᓯᒪᒻᒪᖔᑦ ᑕᒡᕙᓂ ᐊᕕᒃᓯᒪᓂᖓ “B”.
  5. Interim Guidance for the Delivery of Health Care to Reserve Force Personnel, 4090-02 (ᓯᕗᒧᐊᕈᑎ ᑲᔪᓯᑎᑦᑎᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᓂᕐᒧᑦ ᐅᑕᖅᑭᕕᖕᒦᑦᑐᓄ ᐃᖅᑲᓇᐃᔭᖅᑎᓄ 4090-02). ᑐᒡᓕᐊ ᐊᖓᔪᖅᑳᒧᑦ ᓴᐳᔾᔨᓯᒪᓂᕐᒧᑦ ᐃᖅᑲᓇᐃᔭᖅᑎᓄᑦ ᑎᑎᕋᖅᓯᒪᔪᒥ, ᐊᑐᐃᓐᓇᖃᕐᕕᐅᓂᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒧᑦ – ᐅᑕᖅᑭᕕᖕᒦᑦᑐᓄᑦ ᐃᖅᑲᓇᐃᔭᖅᑎᓄᑦ, 2 ᓄᕕᐱᕆ 2011 ᐅᖃᕆᐊᓪᓚᒃᐳᖅ “ᑕᒪᕐᒥ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐃᖅᑲᓇᐃᔭᖅᑎᖏᑦ ᐋᓐᓂᖅᑐᖅ ᐋᓐᓂᓕᖅᑯᓪᓘᓐᓃᑦ ᐱᔨᑦᑎᕋᕐᓂᕐᒧᑦ ᑲᓚᒋᔭᐅᓂᐊᖅᑐᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖅᑐᓕᕆᔨᖏᓐᓄᑦ ᐃᓚᒋᔭᐅᔪᖅ ᐸᖅᑭᔭᐅᒋᐊᖃᕐᓂᓕᒫᖓᓂ ᐊᓯᐊᓅᖅᑕᐅᓇᓱᓐᓂᖓᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᕕᖕᒧᑦ. ᑕᒪᕐᒥᑦᑎᐊᑦ ᐱᔨᑦᑎᕋᖅᑐᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ ᐃᖅᑲᓇᐃᔭᖅᑏᑦ ᐅᐸᒍᑎᔪᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᕕᖏᓐᓄ ᖃᐅᔨᓴᖅᑕᐅᒐᔭᖅᑐᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔭᕆᐊᖃᖅᑕᖏᑦ ᑲᒪᒋᔭᐅᑦᑎᐊᕋᓗᐊᕐᒪᖔᑦ.”
  6. ᐊᒡᒍᖅᓯᒪᓂᖓ ᐊᕕᒃᓯᒪᓂᖓ “B” ᐅᑕᖅᑭᕕᖕᒦᓂᕐᒧᑦ ᐱᔨᑦᑎᕋᕐᓂᕐᒥᑦ ᐅᓪᓗᓄ 180-ᓄᑦ ᓴᖅᑭᒐᔪᒃᑐᖅ ᐃᑲᔫᑎᒃᓴᓄᑦ ᐊᕕᒃᓯᒪᓂᖓ “B” ᐅᑕᖅᑭᕕᖕᒦᑦᑐᓄᑦ. ᐋᓐᓂᖅᑐᓄᑦ ᐅᓇᑕᖅᑐᒃᓴᓄᑦ ᐃᓚᒋᔭᐅᔪᓄᑦ ᐊᑭᓕᖅᑕᐅᓂᕐᒧᑦ ᐱᖁᔭᖓ ᐊᕕᒃᓯᒪᓂᐅᔪᒥ ᐅᖃᖅᐳᖅ “180 ᐅᓪᓗᐃᑦ ᐅᖓᑖᓄᑦ” ᐊᒻᒪ “180 ᐅᓪᓗᐃᑦ ᑐᖔᓄᑦ”. ᑭᓯᐊᓂ, ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐊᑐᐊᒐᖏᑦ ᒪᓕᒐᖏᓪᓗ ᐊᔾᔨᒌᙱᑦᑐᑦ. ᐃᓚᖏᑦ ᐅᖃᓲᑦ “ᐅᖓᑖᓄᑦ 180 ᐅᓪᓗᐃᑦ” ᐊᒻᒪ “ᑎᑭᓪᓗᒍ 180 ᐅᓪᓗᐃᑦ”, ᐅᖃᐅᓯᖃᙱᑦᑐᑎ ᐱᔨᑦᑎᕋᕐᓂᕐᒥᑦ ᐅᓪᓗᓪᓚᑦᑖᓂ 180-ᓂᒃ. ᐊᑐᐊᒐᑦ ᐊᒻᒪ ᒪᓕᒐᐃᑦ ᐊᓯᖏᑦ ᓂᐱᖃᙱᑦᑐᑦ ᖃᓄᖅ ᐊᑯᓂᐅᑎᒋᔪᒥ ᐱᔨᑦᑎᕋᖅᓯᒪᒻᒪᖔᑦ ᑕᒡᕙᓂ ᐊᕕᒃᓯᒪᓂᖓ “B”.
  7. Interim Guidance for the Delivery of Health Care to Reserve Force Personnel, 4090-02 (ᓯᕗᒧᐊᕈᑎ ᑲᔪᓯᑎᑦᑎᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᓂᕐᒧᑦ ᐅᑕᖅᑭᕕᖕᒦᑦᑐᓄ ᐃᖅᑲᓇᐃᔭᖅᑎᓄ 4090-02).
  8. ᑖᓐᓇ ᐊᑐᐊᒐᖅ ᑐᕌᖓᕗᖅ ᐊᑐᓂ ᐃᓚᒋᔭᐅᔪᒧᑦ ᐅᑕᖅᑭᕕᖕᒦᑦᑐᓂ ᐱᔪᓐᓇᖅᑕᒥᓂ.
  9. Part-Time Soldiers with Full-Time Injuries: A Systemic review of Canada’s Primary Reserve Force and Operational Stress Injuries (ᐅᓇᑕᖅᑐᒃᓴᐅᑲᐃᓐᓇᓲᑦ ᑕᐅᕗᖓᐅᔾᔨᔪᓂ ᐋᓐᓂᖅᓯᒪᔪᓄᑦ: ᐱᓕᕆᕝᕕᖕᒥ ᕿᒥᕐᕈᓂᖅ ᑲᓇᑕᐅᑉ ᐅᑕᖅᑭᕕᖕᒥ ᐅᓇᑕᖅᑐᒃᓴᕐᔪᐊᓄᑦ ᐊᒻᒪ ᐊᐅᓚᓂᕐᒧᑦ ᐊᒃᔪᕈᕐᓂᕐᒧᑦ ᐋᓐᓂᕐᓂᐅᔪᓂ), ᒪᐃ 2016.
  10. Reserved Care: An Investigation into the Treatment of Injured Reservists (ᐅᑕᖅᑭᕕᖕᒦᑦᑐᓄᑦ ᐸᖅᑭᔭᐅᓂᖅ: ᖃᐅᔨᓴᕐᓂᖅ ᖃᓄᖅ ᑲᒪᒋᔭᐅᕙᖕᒪᖔᑦ ᐋᓐᓂᖅᓯᒪᔪᑦ ᐅᑕᖅᑭᕕᖕᒦᑦᑐᑦ), ᐅᓂᒃᑳᓕᐊᖅ ᒥᓂᔅᑕᕆᔭᐅᔪᒧᑦ ᑲᓇᑕᐅᑉ ᓴᐳᓐᓂᐊᖅᑎᖏᓐᓄᑦ, ᐊᐃᕐᕆᓕ 2008, ᒪᑉᐱᖅᑐᒐᖅ 37.
  11. Reserved Care: An Investigation into the Treatment of Injured Reservists (ᐅᑕᖅᑭᕕᖕᒦᑦᑐᓄᑦ ᐸᖅᑭᔭᐅᓂᖅ: ᖃᐅᔨᓴᕐᓂᖅ ᖃᓄᖅ ᑲᒪᒋᔭᐅᕙᖕᒪᖔᑦ ᐋᓐᓂᖅᓯᒪᔪᑦ ᐅᑕᖅᑭᕕᖕᒦᑦᑐᑦ), ᐊᐃᕐᕆᓕ 2008.
  12. ᑖᒃᑯᐊ ᑎᑎᖅᑲᑦ ᐃᓚᓕᐅᑎᖕᒪᑕ “ᐅᑕᖅᑭᕕᖕᒦᑦᑐᓂ” ᐅᕝᕙᓘᓐᓃᑦ “ᐅᑕᖅᑭᕕᖕᒦᓗᐊᑕᖅᑐᓂ” ᐅᕝᕙᓘᓐᓃᑦ ᐃᔾᔨᐅᙱᑦᑐᓄᑦ ᐱᔨᑦᑎᕋᖅᑐᓂ ᑕᕝᕙᓂᔅᓴᐃᓐᓇᖅ ᑎᑎᖅᑲᒥ. ᑐᑭᓯᓇᐃᓐᓇᐅᔭᖏᑦᑐᖅ ᑕᐃᒪᐃᓲᖑᒻᒪᖔᖅ ᐅᕝᕙᓘᓐᓃᑦ ᐋᒃᑲ ᐃᓚᖓᓃᒃᑲᓐᓂᖅᑐᓂ ᑕᐃᑲᓂ ᐅᑕᖅᑭᕕᖕᒦᑦᑐᓂ, ᓲᕐᓗ ᑲᓇᑕᒥ ᐅᓇᑕᖅᑐᒃᓴᒃᑯᑦ, ᐱᔮᖅᑯᑕᐅᔪᒥ ᐊᑐᐊᒐᕐᒦᖃᓯᐅᔾᔭᐅᖏᒻᒪᖔᑦ ᐅᕝᕙᓘᓐᓃᑦ ᑐᑭᒧᐊᕈᑎᒥ, ᐅᕝᕙᓘᓐᓃᑦ ᐅᖃᐅᓰᑦ ᐊᑐᖅᑕᐅᖕᒪᖔᑦ ᐊᓯᔾᔨᖅᑕᖅᑐᑎ.
  13. Interim Guidance for the Delivery of Health Care to Reserve Force Personnel, 4090-02 (ᓯᕗᒧᐊᕈᑎ ᑲᔪᓯᑎᑦᑎᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᓂᕐᒧᑦ ᐅᑕᖅᑭᕕᖕᒦᑦᑐᓄ ᐃᖅᑲᓇᐃᔭᖅᑎᓄ 4090-02).
ᐃᓚᖓ III – ᖃᐅᔨᔭᐅᔪᑦ – ᖃᐅᔨᓴᕐᓂᕐᒥᑦ ᐊᒻᒪ ᓇᐅᑦᑎᖅᓱᕐᓂᕐᒥ ᐋᓐᓂᐊᖅᑐᓕᕆᓂᕐᒧᑦ (ᑎᒥᒧᑦ ᐃᓱᒪᒧᓪᓗ) ᓴᙱᓂᕆᔭᐅᔪᓂ ᑲᓇᑕᒥ ᐅᓇᑕᖅᑐᒃᓴᓂ

ᐃᓚᖓ III – ᖃᐅᔨᔭᐅᔪᑦ

ᖃᐅᔨᓴᕐᓂᕐᒥᑦ ᐊᒻᒪ ᓇᐅᑦᑎᖅᓱᕐᓂᕐᒥ ᐋᓐᓂᐊᖅᑐᓕᕆᓂᕐᒧᑦ (ᑎᒥᒧᑦ ᐃᓱᒪᒧᓪᓗ) ᓴᙱᓂᕆᔭᐅᔪᓂ ᑲᓇᑕᒥ ᐅᓇᑕᖅᑐᒃᓴᓂ

ᖃᐅᔨᔭᐅᔪᖅ: ᐊᖏᔪᖅᑲᐅᑎᓄᑦ ᖁᑦᑎᖕᓂᓕᕇᒃᑐᓂ ᐊᒻᒪ ᓇᐅᑦᑎᖅᓱᖅᑐᓄᑦ ᓯᕗᓕᖅᑏᑦ ᓇᐅᑦᑎᖅᓱᓲᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑎᒥᖏᓐᓂ ᐋᖅᑭᒃᓯᒪᙱᑦᑐᒃᑯᑦ, ᑭᓯᐊᓂ ᑕᒪᐃᓐᓂ ᑎᒥᖏᑦ ᖃᐅᔨᓴᖅᑕᐅᕙᙱᑦᑐᑦ ᐅᕝᕙᓘᓐᓃᑦ ᓇᐅᑦᑎᖅᓱᖅᑕᐅᕙᙱᑦᑐᑦ ᐱᓪᓚᑦᑖᖓᔪᒃᑯᑦ.

ᐃᓚᒋᔭᐅᓕᖅᑎᓪᓗᒋᑦ, ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎ ᐊᒻᒪ ᑐᑭᒧᐊᕈᑎ DAOD 5002-1, “ᐃᓚᐅᓂᕐᒧᑦ” ᓇᓗᓇᐃᕆᕗᖅ ᐃᓚᐅᓕᖅᐸᑕ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᑎᒥᖏᑦ ᐃᓱᒪᖏᓪᓗ ᖃᓄᐃᙱᑦᑕᕆᐊᓖᑦ ᐱᔭᒃᓴᕆᓂᐊᖅᑕᒥᓄᑦ, ᓘᒃᑖᒧᓪᓗ ᖃᐅᔨᓴᖅᑕᐅᒋᐊᑐᙱᑦᑐᑦ.33 ᐃᓚᒋᔭᐅᓕᖅᑎᓪᓗᒋᑦ, ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎ ᐊᒻᒪ ᑐᑭᒧᐊᕈᑎ DAOD 2020-2, “ᑲᓇᑕᒥ ᐅᓇᑕᖅᑐᒃᓴᒃᑯᑦ” ᐅᖃᖅᐳᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑎᒥᖏᑦ ᐊᔪᖏᑦᑕᕆᐊᓖᑦ ᐱᓕᕆᐊᖃᕈᓐᓇᕐᓂᕐᒥ ᐱᔭᒃᓴᕆᔭᒥᓂᒃ.34 ᖃᐅᔨᓴᕐᓂᖅ ᑖᔅᓱᒥᖓ “ᑎᒥᖓ ᐊᔪᖏᑦᑎᐊᕐᓗᓂ” ᐊᔪᕐᓇᕐᒪ ᐊᒻᒪ ᐱᔾᔪᑎᓕ ᖃᓄᐃᓕᖓᓂᕆᔭᖏᓐᓂ.

ᐃᓚᐅᓂᕐᒧᑦ:

ᑕᒪᐃᓐᓂ ᑎᒥᖏᑦ ᖃᓄᐃᓐᓂᖏᑦ ᖃᐅᔨᓴᖅᑕᐅᖃᑦᑕᙱᒃᑲᓗᐊᖅᑎᓪᓗᒋᑦ ᐊᒻᒪ ᓇᐅᑦᑎᖅᓱᖅᑕᐅᕙᒐᑎ, ᐊᑐᓂ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ ᑲᒪᒋᔭᖃᓲᑦ ᖃᐅᔨᓴᕐᓂᐅᔪᒥ ᑎᒥᖏᑕ ᖃᓄᐃᓐᓂᖏᓐᓄᑦ ᐃᓄᖕᓂ ᐃᓚᐅᔪᒪᔪᓄᑦ.35 ᑖᓐᓇ ᐊᒡᓚᒡᕕᒃ ᖃᐅᔨᓚᐅᖅᑐᖅ ᖃᐅᔨᓴᕐᓂᐅᔪᑦ ᐅᓇᑕᖅᑐᒃᓴᕐᔪᐊᖅᑖᕋᓱᐊᕐᓂᕐᒧᑦ ᑐᙵᕕᖃᒐᔪᓲᑦ ᐊᔾᔨᒋᙱᑦᑐᓂ ᑎᒍᒥᐊᖅᑎᐅᔪᓂ ᐃᓚᒋᓪᓗᓂᐅᒃ ᑲᓇᑕᒥ ᐅᓇᑕᖅᑐᒃᓴᒃᑯᑦ, ᓇᐅᑦᑎᖅᓱᖅᑏᑦ ᓯᕗᓕᖅᑎᖏᑦ, ᐃᓛᓐᓂᒃᑯᓪᓗ ᐊᓪᓚᐃᑦ ᐊᖓᔪᖅᑳᖓᑦ, ᑲᑎᒪᔩᑦ, ᓄᓇᓕᖕᒥᓪᓗ.

ᐃᓚᐅᓚᐅᖅᑎᓪᓗᒍ:

ᑎᒥᖏᑕ ᖃᓄᐃᓐᓂᖏ ᐊᒻᒪ ᐃᓅᓯᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᖃᐅᔨᓴᖅᑕᐅᓲᖅ ᐱᔾᔪᑎᒋᓪᓗᒍ ᒥᒃᖠᒋᐊᖅᑎᕆᓂᕐᒥᑦ ᐅᓗᕆᐊᓇᖅᑐᒦᑎᑦᑎᓂᕐᒥᑦ ᓇᐅᑦᑎᖅᓱᖅᑎᓪᓗᒋᑦ ᑕᒪᐃᓐᓂ ᓇᐅᑦᑎᖅᓱᖃᑎᒌᒃᑐᑦ ᐅᓗᕆᐊᓇᖅᑐᒦᖁᓇᒋᑦ. ᓇᐅᑦᑎᖅᓱᖅᑏᑦ ᓯᕗᓕᖅᑎᖏᑦ ᓂᕈᐊᓲᑦ ᑲᓇᑕᒥ ᐅᓇᑕᖅᑐᒃᓴᓂᑦ ᐃᖃᐃᓕᓴᕐᓂᕐᒧᑦ ᐊᒻᒪ ᐱᓕᕆᐊᒃᓴᓄᑦ ᑐᙵᕕᖃᖅᖢᑎᒃ ᐊᔾᔨᒌᙱᑦᑐᓂ ᐃᓚᒋᓪᓗᓂᐅᒃ ᑲᓇᑕᒥ ᐅᓇᑕᖅᑐᒃᓴᒃᑯᑦ ᖃᐅᔨᒪᔭᖏᓐᓂ ᐊᔪᖏᑦᑕᒥᓂ ᐃᓂᒋᔭᐅᔪᒥ, ᐊᖑᑦ ᐊᕐᓇᕐᓘᓐᓃᑦ ᐊᑐᐃᓐᓇᖃᕐᕕᐅᓐᓂᕈᓂ ᐱᖁᑎᓂ, ᐊᖑᑦ ᐊᕐᓇᕐᓘᓐᓃᑦ ᐅᖃᖃᑎᖃᕈᓂ ᓄᓇᓕᐅᑉ ᐅᖃᐅᓯᖓᑎᒍᑦ, ᐊᒻᒪ ᐱᓕᕆᓂᑰᓐᓂᕈᓂ. ᓇᓗᓇᐃᖅᑕᐅᒍᓂ ᐅᓇᑕᖅᑐᒃᓴᖅ ᐅᓗᕆᐊᓇᕈᑎᓕᐅᖅᐸ ᐊᑦᑕᓇᔾᔭᐃᖅᓯᒪᔭᕆᐊᖃᕐᓂᖏᓐᓂ ᓇᐅᑦᑎᖅᓱᖃᑎᒌᖑᔪᓂ ᐋᓐᓂᐊᓂᕐᒧᑦ, ᐋᓐᓂᓂᕐᒧᑦ, ᐅᕝᕙᓘᓐᓃᑦ ᑎᒥᖓ ᖃᓄᐃᓕᐅᓗᐊᕈᓐᓇᖏᒃᑯᓂ, ᐅᓇᑕᖅᑐᒃᓴᖅ ᐊᓯᖏᓂ ᐱᔭᒃᓴᖃᖅᑎᑕᐅᓗᓂ ᐃᑲᔪᖅᓱᕐᓗᓂ ᐊᐅᓚᓂᐅᔪᒥ. ᐊᖏᔪᖅᑲᐅᑎᓄᑦ ᖁᑦᑎᖕᓂᓕᕇᒃᑐᓂ ᐃᓕᓴᖅᓯᕗᖅ ᐊᔾᔨᐅᙱᑦᑐᒥ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᐅᓚᓂᕐᒧᑦ ᐊᔾᔨᐅᙱᑦᑐᓂ ᐱᓕᕆᔾᔪᓯᖃᕆᐊᖃᕐᓂᖏᓐᓂ. ᑕᐃᒪᐃᓐᓂᖓᓄᑦ, ᐊᖏᔪᖅᑲᐅᑎᓄᑦ ᖁᑦᑎᖕᓂᓕᕇᒃᑐᓂ ᐅᓗᕆᐊᓇᕐᓂᖃᖅᐳᖅ ᓇᐅᑦᑎᖅᓱᕐᓂᕐᒧᑦ ᓯᕗᓕᖅᑎᐅᓂᕐᒥ ᐊᒻᒪ ᑲᓇᑕᒥ ᐅᓇᑕᖅᑐᒃᓴᒃᑯᓐᓄ ᐃᓕᓴᐃᔨᐅᔪᓂ ᐊᐅᓚᑦᑎᓂᕐᒧᑦ ᑕᐃᒫᒃ ᐃᓱᒪᓕᐅᕆᒋᐊᖃᖅᑎᓪᓗᒋᑦ.

ᑭᐅᔪᑦ ᐃᓚᖏᑦ ᐃᓱᒪᓚᐅᖅᑐᑦ ᐱᓕᕆᐊᖃᕙᒌᕐᓂᕐᒥ ᓘᒃᑖᒧᑦ ᖃᐅᔨᓴᖅᑕᐅᓂᕐᒧᑦ ᐃᑲᔫᑎᖃᕋᓱᒋᔭᐅᓪᓗᓂ, ᐃᓱᒫᓘᑎᓂ ᐅᖃᐅᓯᖃᓚᐅᖅᑐᑦ ᐊᓯᔾᔨᖅᑕᐅᑐᐃᓐᓇᕆᐊᖃᕐᓂᖏᓐᓂᒃ ᐅᓇᑕᖅᑐᒃᓴᕐᔪᐊᑦ ᑎᒥᖏᑕ ᖃᓄᐃᑦᑑᔭᕆᐊᖃᕐᓂᖏᓐᓂ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒪᓕᒋᐊᓕᖕᓂ. ᑭᐅᔪᑦ ᓇᓗᓇᐃᖅᓯᓚᐅᖅᑐᑦ ᑕᒪᐃᓐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑎᑭᐅᒪᒐᔭᙱᑦᑐᑦ ᒪᓕᒋᐊᓕᖕᓂ, ᑐᕌᖓᔪᓂ ᐊᓯᖏᓐᓄᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓄ ᐃᓚᒋᔭᐅᔪᓄ, ᐅᑭᐅᖏ ᑎᒥᖏᓪᓗ ᖃᓄᐃᓐᓂᖏᑦ ᐱᔾᔪᑎᒋᓪᓗᒋ. ᐊᑲᐅᙱᓕᐅᕈᑕᐅᔪᓐᓇᖅᑐᖅ ᑖᒃᑯᓄᖓ ᒪᓕᒋᐊᓕᖕᓂ ᐲᖅᓯᔪᓐᓇᕐᒪ ᐆᑦᑐᖃᑕᐅᔪᓂ ᐅᕝᕙᓘᓐᓃᑦ ᒫᓐᓇᐅᔪᖅ ᐃᓚᒋᔭᐅᔪᓂ, ᐊᓯᐅᔨᕐᔪᐊᖃᔭᖅᑐᑦ ᖃᐅᔨᒪᓂᐅᔪᓂ, ᐊᔪᙱᔾᔪᑎᐅᔪᓂ, ᐊᒻᒪ ᐱᓕᕆᔨᕐᔪᐊᓂ ᐱᓯᒪᔭᐅᔪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓐᓇᒻᒪᕆᖏᓐᓄᑦ. ᐅᓄᖅᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐅᖃᐅᓯᖃᖃᑦᑕᓕᓚᐅᖅᑐᑦ ᑎᒥᒥᒍᑦ ᓱᑲᖃᓗᐊᕆᐊᒃᓴᖏᓐᓂ, ᐆᒻᒪᑎᕐᓗᖕᓂᕋᐃᓪᓗᑎ, ᐊᒻᒪ ᐊᓯᖏᓐᓂ ᐊᒃᑐᐃᓂᖃᕈᓐᓇᖅᑐᒥ ᐃᓚᒋᔭᐅᔪᓂ ᓄᓇᓕᖏᓐᓂ; ᖃᓄᐃᓐᓂᐅᔪᑦ ᐲᖅᓯᔾᔪᑕᐅᓕᕋᔭᖅᑐᑦ ᐅᓄᖅᑐᓂ ᐅᓇᑕᖅᑐᒃᓴᒃᑯᓐᓂ ᐃᖃᐃᓕᓴᕈᓐᓇᕐᓂᕐᒧᑦ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒪᓕᒋᐊᓕᖕᓂᒃ. ᑖᒃᑯᐊ ᒪᓕᒋᐊᓖᑦ, ᐃᓕᔭᐅᓯᒪᔪᑦ ᐅᓄᖅᑐᓄᑦ ᑲᓇᑕᒥ ᐅᓇᑕᖅᑐᒃᓴᒃᔪᐊᒃᑯᑦ ᐃᓚᖏᓐᓄᑦ, ᑐᕌᖓᓚᐅᙱᑦᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᔪᙱᑕᒥᓄᑦ ᐱᓕᕆᐊᒃᓴᖏᓐᓄᓪᓗ, ᐅᕝᕙᓘᓐᓃᑦ ᐊᕙᑎᖓᓂ ᐊᐅᓚᓂᕆᕙᒃᑕᖓᓂ, ᐃᓱᒪᒋᔭᐅᖃᓯᐅᔾᔭᐅᓚᐅᙱᑦᑐᑦ.

ᐃᓚᒋᔭᐅᔪᑦ ᑖᒃᑯᓄᖓ ᐊᖏᔪᖅᑲᐅᑎᓄᑦ ᖁᑦᑎᖕᓂᓕᕇᒃᑐᓂ ᐊᒻᒪ ᑲᓇᑕᒥ ᐅᓇᑕᖅᑐᒃᓴᒃᑯᓐᓄᑦ ᑕᒪᕐᒥ ᐅᖃᓚᐅᖅᑐᑦ, ᐋᖅᑭᒃᓯᒪᓪᓚᕆᙱᒃᑲᓗᐊᖅᑎᓪᓗᒍ, ᒫᓐᓇᐅᔪᖅ ᐱᐅᓯᐅᔪᖅ ᖃᐅᔨᓴᕐᓂᕐᒧᑦ ᐊᒻᒪ ᓇᐅᑦᑎᖅᓱᕐᓂᕐᒧᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑎᒥᖏᑕ ᖃᓄᐃᓐᓂᖏᓐᓂ ᖃᓄᐃᙱᑦᑐᖅ ᑕᒪᐃᓐᓂ. ᐊᒥᒐᓗᐊᕐᓂᖏᓐᓂ ᓇᐅᑦᑎᖅᓱᓪᓚᕆᓐᓂᕐᒥ, ᐅᓂᒃᑳᓕᐅᕈᑎᓂ ᐊᒻᒪ ᖃᐅᔨᓴᐅᑎᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖃᐃᓕᓴᕐᓂᕐᒧᓪᓗ ᑕᐃᒃᑯᐊ ᓯᕗᓕᖅᑏᑦ ᐃᓚᐅᑎᑦᑎᔪᓐᓇᖅᑐᑦ ᐊᒻᒪ ᑎᓕᓯᕙᒡᓗᑎᑦ ᑲᓇᑕᒥ ᐅᓇᑕᖅᑐᒃᓴᓂ ᑐᙵᕕᖃᙱᓪᓗᑎ ᑭᒡᓕᒋᔭᐅᔪᓂ ᑎᒥᖏᑕ ᐊᔪᙱᑕᖏᓐᓂ. ᐊᒥᒐᕐᓂᖏᑦ ᑐᙵᕕᐅᔪᒥ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᕐᓂᕐᒧᑦ ᐊᒃᑐᐃᓂᖃᙱᑦᑐᖅ ᐊᑐᐃᓐᓇᖃᕐᕕᐅᔪᓐᓇᕐᓂᖏᓐᓂᒃ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ Cᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ: ᐱᔪᓐᓇᕐᓂᖏ ᓇᓗᓇᐃᖅᑕᐅᓲᖅ ᖃᓄᐃᑦᑐᒥ ᐱᔨᑦᑎᕋᕐᒪᖔᑦ ᐋᓐᓂᐊᓕᖅᑎᓪᓗᒋ ᐋᓐᓂᖅᑎᓪᓗᒋᓘᓐᓃᑦ, ᖃᓄᐃᓕᖓᕙᒌᓐᓂᖓᓂᐅᙱᑦᑐᖅ ᑲᓇᑕᒥ ᐅᓇᑕᖅᑐᒃᓴᐅᑉ ᖃᓄᐃᓐᓂᖓᓂ.

ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᔪᓐᓇᑐᐃᓐᓇᕆᐊᖃᕐᒥᔪᑦ ᐊᔾᔨᒌᙱᑦᑐᓂ ᐃᑲᔫᑎᒃᓴᓂ ᐱᔨᑦᑎᕋᐅᑎᓂᒡᓗ ᐅᓇᑕᖅᑐᒃᓴᕕᓂᕐᓄᑦ ᑲᒪᔨᐅᔪᑦ ᑲᓇᑕᒥ ᐱᔨᑦᑎᕋᖅᑎᐅᓂᕐᒧᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ ᐅᕝᕙᓘᓐᓃᑦ ᐅᓇᑕᖅᑐᒃᓴᕕᓂᐅᓂᕐᒧᑦ ᓴᒃᑯᑕᐅᓯᒪᓕᖅᐸᑕ. ᑖᒃᑯᐊ ᐃᑲᔫᑎᒃᓴᑦ ᐃᓚᖃᖅᑐᑦ ᐊᑭᓕᖅᑕᐅᓂᕐᒥ ᐱᔨᑦᑎᕋᕐᓂᕐᒧᑦ−ᑐᕌᖓᔪᓂ ᐋᓐᓂᐊᓕᕈᑕᐅᔪᓂ ᐊᒻᒪ ᐋᓐᓂᕐᓂᐅᔪᓂ, ᐃᑲᔪᖅᓱᖅᑕᐅᓂᖅ ᐃᓅᓯᖃᑦᑎᐊᕋᓱᐊᕐᓂᕐᒧᑦ, ᑮᓇᐅᔭᕐᓂᒃ ᐃᑲᔪᖅᑕᐅᓂᕐᒧᑦ, ᐊᒻᒪ ᐃᑲᔪᖅᓱᖅᑕᐅᓂᖅ ᐋᓐᓂᐊᖃᕈᓐᓃᓂᕐᒧᑦ ᐊᒻᒪ ᖃᓄᐃᒍᓐᓃᓂᕐᒧᑦ. ᐊᒥᒐᕐᓂᖏ ᑐᙵᕕᖃᕐᓂᕐᒥᑦ ᐋᓐᓂᐊᖅᑐᓕᕆᓂᕐᒧᑦ ᓘᒃᑖᒧᑦ ᖃᐅᔨᓴᖅᑕᐅᓂᕐᒥ ᐃᓚᐅᓂᐊᓕᖅᑎᓪᓗᒋᑦ36 ᓄᖅᑲᖓᕈᑕᐅᙱᓚᖅ ᑲᓇᑕᒥ ᐅᓇᑕᖅᑐᒃᓴᓂ ᐊᑐᐃᓐᓇᖃᕐᕕᐅᓂᕐᒥ ᑖᒃᑯᓂᖓ ᐱᓕᕆᐊᒃᓴᓂᑦ.37

stacked info iconᑖᓐᓇ ᐊᒡᓚᒡᕕᒃ ᑭᖑᓂᑦᑎᓐᓂ ᐊᑐᓕᖁᔨᓚᐅᖅᑐᑦ ᐋᖅᑭᒃᓱᐃᓂᕐᒥ ᓄᑖᒥ ᐊᑐᖅᑕᐅᓂᐊᖅᑐᒥ ᒐᕙᒪᓕᕆᓂᕐᒧᑦ, ᐱᔪᓐᓇᖅᑎᑦᑎᓂᕐᒥ, ᒪᓕᒋᐊᓕᖕᒥᓪᓗ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᑭᒍᓯᕆᔭᐅᓂᕐᒧᑦ ᐸᖅᑭᔭᐅᓂᕐᒧᑦ ᐊᔾᔨᒌᙱᑦᑐᓄᑦ ᐃᓚᖓᓃᒃᑲᓐᓂᖅᑐᓄᑦ ᐅᑕᖅᑭᕕᖕᒦᑦᑐᓂ. ᑖᓐᓇ ᐊᑐᓕᖁᔭᐅᓚᐅᖅᑐᖅ ᓈᒻᒪᒃᑐᒥ ᐊᒻᒪ ᑐᕌᖓᑦᑎᐊᖅᑐᒥ ᑲᒪᒋᔭᐅᖁᓪᓗᒋᑦ ᐅᑕᖅᑭᕕᖕᒦᑦᑐᓂ.


  1. ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎ ᐊᒻᒪ ᑐᑭᒧᐊᕈᑎ DAOD 5002-1, ᐃᓚᐅᓂᕐᒧᑦ: ᐃᓚᖓ ᐊᒻᒪ ᐃᓚᖓᓃᒃᑲᓐᓂᖅᑐᓂ ᓂᕈᐊᕐᓂᖅ.
  2. ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎ ᐊᒻᒪ ᑐᑭᒧᐊᕈᑎ DAOD 2020-2, ᑲᓇᑕᒥ ᐅᓇᑕᖅᑐᒃᓴᒃᑯᑦ.
  3. ᑕᒪᓐᓇ ᐅᖃᐅᓯᕆᔭᐅᒡᒍᓚᐅᖅᑐᖅ ᑕᒪᐃᓐᓂᒃ ᑕᓪᓕᒪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂ ᓇᐅᒃᑯᓕᒫᖅ ᖁᑦᑎᖕᓂᓕᖕᓂᒃ ᑐᑭᓯᒋᐊᕈᑎᓂ ᓄᐊᑦᑎᑎᓪᓗᒋᑦ ᐊᒻᒪ ᐊᐱᖅᓱᖃᑦᑕᖅᑎᓪᓗᒋᑦ.
  4. ᑲᓇᑕᒥ ᐅᓇᑕᖅᑐᒃᓴᖅ ᖃᐅᔨᓴᖅᑕᐅᕙᙱᒻᒪᑦ ᓘᒃᑖᒧᑦ ᐃᓚᐅᓂᐊᓕᖅᑎᓪᓗᒍ ᑕᐃᒪᐃᒋᐊᖃᖅᓯᒪᓂᖏᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒪᓕᒋᐊᓕᖕᓂ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑎᑎᖅᑲᖁᑎᓂ ᓴᓇᒋᐊᑐᙱᑦᑐᖅ. (ᐅᓇᖅᑕᖅᑐᒃᓴᕐᔪᐊᑦ ᐃᖅᑲᓇᐃᔭᖅᑐᓕᕆᖤᕐᒧᑦ ᑎᑎᖅᑲᖁᑎᖏᓐᓄᑦ ᐱᓕᕆᔾᔪᓰᑦ, ᐊᕕᒃᓯᒪᓂᖓ 11).
  5. ᖃᐅᔨᒪᔭᐅᓕ ᓇᓗᓇᐃᖅᓯᔾᔪᑕᐅᓲᖅ ᐱᔨᑦᑎᕋᐅᑎᒥ ᐋᓐᓂᕐᓂᐅᔪᒧᑦ ᐅᓇᑕᖅᑐᒃᓴᕐᔪᐊᕕᓂᕐᓄᑦ ᐃᑲᔫᓯᐊᒃᓴᓄᑦ ᑐᙵᕕᖃᖅᑐᖅ ᐅᓄᖅᑐᓂ ᖃᐅᔨᔭᐅᓂᑯᓂ ᐃᓚᖃᖅᖢᓂ (ᑭᓯᐊᓂ ᑭᒡᓕᒋᖏᑦᑕᖏᑦ): ᑐᑭᓯᒋᐊᕈᑎᑦ ᑎᒥᒃᑯᑦ ᐊᔪᕈᑎᖃᕐᓂᕐᒧᑦ ᐃᑲᔫᓯᐊᒃᓴᓄᑦ ᑐᒃᓯᕋᐅᑎᒥ, ᐱᔨᑦᑎᕋᖅᑕᐅᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑎᑎᖅᑲᖁᑎᓂ, ᐊᒻᒪ ᐋᓐᓂᐊᖅᑐᓕᕆᓂᕐᒧᑦ ᐅᓂᒃᑳᓂ ᐅᕝᕙᓘᓐᓃᑦ ᖃᐅᔨᓴᕈᑕᐅᔪᒥᓂᕐᓂ ᑐᓂᔭᐅᖃᓯᐅᔾᔭᐅᔪᓂ ᑐᒃᓯᕋᐅᑎᒧᑦ. ᓇᑭᙶᕐᓂᖓ: ᐃᕐᖐᓐᓈᖅᑕᐅᑎ, ᐊᑐᐊᒐᕐᓄᑦ, ᐅᐸᓗᖓᐃᔭᖅᓯᒪᓂᕐᒧᑦ ᐊᑐᐊᒐᑦ ᐊᒻᒪ ᐃᓕᓴᖅᓯᓂᕐᒧᑦ, ᐅᓇᑕᖅᑐᒃᓴᕕᓂᕐᓄᑦ ᑲᒪᔨᐅᔪᑦ ᑲᓇᑕᒥ. ᑐᑭᓯᒋᐊᒃᑲᓐᓂᓂᕐᒧᑦ ᐅᓇᑕᖅᑐᒃᓴᕕᓂᕐᓄᑦ ᑲᒪᔨᐅᔪᑦ ᑲᓇᑕᒥ ᐱᔭᐅᔪᓐᓇᖅᑐᓄᑦ, ᐃᑭᐊᖅᑭᕕᖓ ᑕᑯᒋᐊᕐᓗᒍ: http://www.veterans.gc.ca/
ᐃᓚᖓ III – ᖃᐅᔨᔭᐅᔪᑦ – ᐅᖃᐅᓯᖃᕆᐊᖃᕐᓂᖅ ᐊᒻᒪ ᖃᐅᔨᓴᕐᓂᕐᒥᑦ ᐱᓕᕆᐊᕆᔭᐅᔪᓂ ᐊᐅᓚᓂᐅᔪᓂᒡᓗ

ᐃᓚᖓ III – ᖃᐅᔨᔭᐅᔪᑦ

ᐅᖃᐅᓯᖃᕆᐊᖃᕐᓂᖅ ᐊᒻᒪ ᖃᐅᔨᓴᕐᓂᕐᒥᑦ ᐱᓕᕆᐊᕆᔭᐅᔪᓂ ᐊᐅᓚᓂᐅᔪᓂᒡᓗ

ᖃᐅᔨᔭᐅᔪᖅ: ᐱᓕᕆᔾᔪᓯᐅᔪᖅ ᑐᕌᖓᔪᖅ ᖃᐅᔨᓴᕐᓂᕐᒥᑦ ᐊᒻᒪ ᐅᓂᒃᑳᓕᐅᕐᓂᕐᒥᑦ ᐱᓕᕆᔭᐅᔪᓂ ᐊᐅᓚᓂᐅᔪᓂᒡᓗ ᒪᓕᑦᑎᐊᖅᑐᑦ ᐱᓕᕆᒡᕕᐅᑉ ᒪᓕᖁᔭᖏᓐᓂ.

ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᓕᕆᓂᕋᖅᑕᐅᕗᑦ ᐱᓕᒻᒪᒃᓴᕐᓂᖅ ᐊᖏᖅᑕᐅᓯᒪᓕᖅᑎᓪᓗᒍ ᐅᕝᕙᓘᓐᓃᑦ ᐱᔭᒃᓴᖃᖅᑎᑕᐅᒃᐸᑕ ᐃᓕᔭᐅᒃᐸᑕᓗ ᐊᕕᒃᓯᒪᓂᕐᒧᑦ ᐱᔨᑦᑎᕋᕐᓂᕐᒧᑦ.38 ᐊᓯᖏᓐᓂ ᑲᓇᑕᒥ ᐅᓇᑕᖅᑐᒃᓴᐅᓪᓗᑎ ᖃᐅᑕᒫᖅᓯᐅᑎᒥᓂ ᐱᓕᕆᐊᖃᖅᐸᖕᒥᔪᑦ ᐱᓕᕆᐊᖏᓐᓂᒃ.

ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᔭᐅᓯᒪᑦᑎᐊᕆᐊᓖᑦ ᖃᓄᐃᑦᑐᓄ ᐱᔨᑦᑎᕋᕐᓂᐊᕐᒪᖔᑦ ᐱᓕᕆᐊᕆᓂᐊᖅᑕᒥᓄᑦ ᐊᑐᐃᓐᓇᖃᕐᕕᐅᖁᓪᓗᒋᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᐋᓐᓂᐊᓕᕐᓂᖅᐸᑕ ᐅᕝᕙᓘᓐᓃᑦ ᐋᓐᓂᕐᓂᖅᐸᑕ ᐱᓕᕆᐊᖃᕐᓂᖏᓐᓂ. ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐅᖃᓚᐅᖅᑐᑦ ᐊᓂᒍᓵᖅᑐᓂ “ᐱᓕᕆᐊᕆᔭᐅᓚᐅᖅᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓄᑦ ᓈᒻᒪᒃᑐᖅ ᐱᔨᑦᑎᕋᐅᑎ ᑐᕌᖓᖃᓯᐅᔾᔭᐅᓚᐅᙱᑦᑐᖅ.”39 ᑕᐃᒪᐃᓐᓂᖓᓄᑦ, ᐅᑭᐊᒃᓵᖓᓂ 2013, ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᓴᖅᑮᓚᐅᖅᑐᑦ ᐊᑐᖅᑕᐅᓂᐊᖅᑐᒥ ᒪᓕᒐᒃᓴᓄᑦ ᓇᓗᓇᐃᖅᓯᓇᓱᓐᓂᕐᒥ ᐊᕕᒃᑐᖅᓯᒪᔪᓂ ᐱᔨᑦᑎᕋᕐᓂᐅᔪᓂ ᑲᓇᑕᒥ ᐅᓇᑕᖅᑐᒃᓴᒧᑦ ᐱᓕᕆᐊᒃᓴᖏᓐᓄᑦ ᐊᒻᒪ ᐊᐅᓚᓂᐅᔪᓄᑦ.40

ᒫᓐᓇᐅᔪᖅ ᐱᓕᕆᔾᔪᓯᐅᖅ ᐃᓱᒪᒋᓗᒍ ᖃᐅᔨᓴᕐᓂᕐᒧᑦ ᐊᒻᒪ ᐅᖃᐅᓯᖃᕐᓂᕐᒥ ᐊᕕᒃᓯᒪᓂᖓ “A”, ᕿᓚᒻᒥᐅᔪᒃᑯᑦ ᐊᕕᒃᓯᒪᓂᖓ “B”41, ᐊᒻᒪ “C” ᐱᔭᒃᓴᕆᔭᐅᔪᓄᑦ ᐊᒻᒪ ᐊᐅᓚᓂᐅᔪᓄ ᐊᒃᑐᐃᓂᖃᓪᓚᕆᙱᑦᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ, ᐊᑐᐃᓐᓇᖃᕐᕕᐅᓂᖏᓐᓂᓪᓗ, ᑲᓇᑕᒥ ᐅᓇᑕᖅᑐᒃᓴᖅ ᐃᖅᑲᓇᐃᔭᖅᑎᑕᐅᒐᓗᐊᖅᑎᓪᓗᒍ ᑐᕌᖓᑦᑎᐊᖅᑐᒧᑦ ᐱᔨᑦᑎᕋᐅᑎᒥ.

ᑐᑭᓯᒋᐊᒃᑲᓐᓂᓂᕐᒧᑦ, ᑕᑯᓗᒍ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᔭᒃᓴᖏᑦ ᐊᐅᓚᓂᖏᓪᓗ.


  1. Standing Operations Order for Domestic Operations (ᐊᐅᓚᑦᑎᓂᐅᔪᓄᑦ ᐊᑐᖅᑕᐅᔭᕆᐊᓖᑦ ᑲᓇᑕᐅᑉ ᓯᓚᑖᓂ ᐊᐅᓚᑦᑎᓂᕐᒧᑦ, SOODO) 3000-1 (J5), ᐅᐃᒍᖓ 2, ᐊᓂᒃᔅ HH: ᐃᖅᑲᓇᐃᔭᖅᑎᑕᐅᓂᖏᑦ ᐅᑕᖅᑭᕕᖕᒦᑦᑐᓄᑦ ᐃᖅᑲᓇᐃᔭᖅᑎᓄᑦ
  2. ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᖃᓄᐃᑦᑑᓂᖏᑦ ᐊᐅᓚᓂᐅᔪᓄᑦ ᐊᒻᒪ ᐃᖅᑲᓇᐃᔭᕐᓂᕐᒧᑦ ᑎᑎᖅᑲᖅ, 3 ᐅᑐᐱᕆ 2013.
  3. ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᖃᓄᐃᑦᑑᓂᖏᑦ ᐊᐅᓚᓂᐅᔪᓄᑦ ᐊᒻᒪ ᐃᖅᑲᓇᐃᔭᕐᓂᕐᒧᑦ ᑎᑎᖅᑲᖅ, 3 ᐅᑐᐱᕆ 2013.
  4. ᐊᒡᒍᖅᓯᒪᓂᖓ ᐊᕕᒃᓯᒪᓂᖓ “B” ᐅᑕᖅᑭᕕᖕᒦᓂᕐᒧᑦ ᐱᔨᑦᑎᕋᕐᓂᕐᒥᑦ ᐅᓪᓗᓄ 180-ᓄᑦ ᓴᖅᑭᒐᔪᒃᑐᖅ ᐃᑲᔫᑎᒃᓴᓄᑦ ᐊᕕᒃᓯᒪᓂᖓ “B” ᐅᑕᖅᑭᕕᖕᒦᑦᑐᓄᑦ. ᐋᓐᓂᖅᑐᓄᑦ ᐅᓇᑕᖅᑐᒃᓴᓄᑦ ᐃᓚᒋᔭᐅᔪᓄᑦ ᐊᑭᓕᖅᑕᐅᓂᕐᒧᑦ ᐱᖁᔭᖓ ᐊᕕᒃᓯᒪᓂᐅᔪᒥ ᐅᖃᖅᐳᖅ “180 ᐅᓪᓗᐃᑦ ᐅᖓᑖᓄᑦ” ᐊᒻᒪ “180 ᐅᓪᓗᐃᑦ ᑐᖔᓄᑦ”. ᑭᓯᐊᓂ, ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐊᑐᐊᒐᖏᑦ ᒪᓕᒐᖏᓪᓗ ᐊᔾᔨᒌᙱᑦᑐᑦ. ᐃᓚᖏᑦ ᐅᖃᓲᑦ “ᐅᖓᑖᓄᑦ 180 ᐅᓪᓗᐃᑦ” ᐊᒻᒪ “ᑎᑭᓪᓗᒍ 180 ᐅᓪᓗᐃᑦ”, ᐅᖃᐅᓯᖃᙱᑦᑐᑎ ᐱᔨᑦᑎᕋᕐᓂᕐᒥᑦ ᐅᓪᓗᓪᓚᑦᑖᓂ 180-ᓂᒃ. ᐊᑐᐊᒐᑦ ᐊᒻᒪ ᒪᓕᒐᐃᑦ ᐊᓯᖏᑦ ᓂᐱᖃᙱᑦᑐᑦ ᖃᓄᖅ ᐊᑯᓂᐅᑎᒋᔪᒥ ᐱᔨᑦᑎᕋᖅᓯᒪᒻᒪᖔᑦ ᑕᒡᕙᓂ ᐊᕕᒃᓯᒪᓂᖓ “B”.
ᐃᓚᖓ III – ᖃᐅᔨᔭᐅᔪᑦ – ᐅᖃᐅᓯᖃᕆᐊᖃᕐᓂᖅ ᐊᒻᒪ ᖃᐅᔨᓴᕐᓂᕐᒥᑦ ᐋᓐᓂᐊᕐᓂᐅᔪᓂ ᐊᒻᒪ ᐋᓐᓂᕐᓂᐅᔪᓂ

ᐃᓚᖓ III – ᖃᐅᔨᔭᐅᔪᑦ

ᐅᖃᐅᓯᖃᕆᐊᖃᕐᓂᖅ ᐊᒻᒪ ᖃᐅᔨᓴᕐᓂᕐᒥᑦ ᐋᓐᓂᐊᕐᓂᐅᔪᓂ ᐊᒻᒪ ᐋᓐᓂᕐᓂᐅᔪᓂ

ᖃᐅᔨᔭᐅᔪᖅ: ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᓐᓂᐊᖏᑦ ᐊᒻᒪ ᐋᓐᓂᕐᓂᖏᑦ ᐅᖃᐅᓯᕆᔭᐅᒡᒍᖏᑦᑐᑦ ᐅᕝᕙᓘᓐᓃᑦ ᓈᒻᒪᒃᑐᒃᑯᑦ ᖃᐅᔨᓴᖅᑕᐅᕙᖏᑦᑐᑦ.

ᐱᓕᕆᑎᓪᓗᒍ ᐋᓐᓂᐊᓕᖅᑐᖃᖅᐸ ᐋᓐᓂᖅᑐᖃᖅᐸᓘᓐᓃᑦ, ᑲᓇᑕᒥ ᐅᓇᑕᖅᑯᒃᓴᕐᔪᐊᒃᑯᑦ ᐃᒪᐃᓕᐅᕆᐊᖃᖅᑐᑦ:

  • ᖃᓄᐃᔾᔪᑕᐅᔪᓕᒫᑦ ᐅᓇᑕᖅᑐᒃᓴᖅ ᐅᓇᑕᕐᓂᕐᒧᑦ ᐋᓐᓂᖅᐸᑦ42 ᐅᖃᐅᓯᕆᔭᐅᑦᑎᐊᕆᐊᓖᑦ ᑎᑎᖅᑕᐅᓗᑎᓗ;
  • ᐃᓚᓪᓚᑦᑖᖏᑦ ᖃᐅᔨᒪᑎᑕᐅᔭᕆᐊᓖᑦ ᑭᓱᓂ ᐊᑐᐃᓐᓇᖅᑕᖃᕐᒪᖔᑦ ᐃᑲᔫᑎᒃᓴᓄᑦ ᐅᓇᑕᖅᑐᒃᓴᕐᔪᐊᖅ ᐅᓇᑕᕐᓂᕐᒧᑦ ᐋᓐᓂᕐᓂᕈᓂ;43 ᐊᒻᒪ
  • ᐊᓂᒍᐃᓇᓱᓐᓂᖏᓐᓂ ᐃᑲᔫᓯᐊᕐᓇᖅᑐᖅ ᐋᓐᓂᖅᑐᓄ ᐃᓚᒋᔭᐅᔪᓄᑦ ᓴᒃᑯᑕᐅᔪᓄᑦ ᐋᓐᓂᐊᓂᕐᒧᑦ ᐱᔾᔪᑎᒃᓴᓄᑦ ᐋᓐᓂᕐᓂᖏᓐᓄᑦ.44

ᑎᑎᕋᖅᑕᐅᑦᑎᐊᕆᐊᖃᕐᓂᖏᑦ ᐋᓐᓂᐊᕐᓂᐅᔪᑦ ᐊᒻᒪ ᐋᓐᓂᕐᓂᐅᔪᑦ ᐱᒻᒪᕆᐅᖃᑕᐅᕗᖅ ᓴᖅᑭᔮᖅᑎᑦᑎᓂᕐᒥ ᐋᓐᓂᐊᕈᑕᐅᔪᖅ ᐋᓐᓂᕐᓂᐅᔪᕐᓘᓐᓃᑦ ᑐᕌᖓᓂᖓᓂ ᐅᓇᑕᖅᑐᒃᓴᒃᑯᓐᓂ ᐱᔨᑦᑎᕋᕐᓂᕐᒧᑦ.45

ᑖᓐᓇ ᐅᓂᒃᑳᓕᐅᕐᓂᕐᒥ ᐋᓐᓂᕐᓂᐅᔪᒥ, ᖃᓂᒪᓕᕈᑕᐅᔪᒥ ᐅᕝᕙᓘᓐᓃᑦ ᐋᓐᓂᐊᕐᓂᐅᔪᒧᑦ ᑎᑎᕋᕆᐊᓕᒃ (ᑕᒡᕙᓂ ᑕᐃᔭᐅᔪᖅ ᐃᒫ CF 98) ᐊᑐᖅᑕᐅᓲᖅ ᐅᓂᒃᑳᓕᐅᕐᓂᕐᒧᑦ ᑎᑎᖅᓯᓂᕐᒥᓪᓗ ᐋᓐᓂᕐᓂᐅᔪᓂ, ᖃᓂᒪᓕᕈᑕᐅᔪᓂ, ᐊᒻᒪ ᐋᓐᓂᐊᕈᑕᐅᔪᓂ46 ᑕᑕᑎᖅᑕᐅᔭᕆᐊᓖᑦ ᐃᓚᒋᔭᐅᔪᒧᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ ᖃᓄᐃᓐᓂᐅᔪᖅ ᑐᕌᖓᒻᒪᖔᖅ ᐅᓇᑕᖅᑐᒃᓴᕐᔪᐊᒃᑯᓐᓂ ᐱᔨᑦᑎᕋᕐᓂᕐᒧᑦ.47 ᑐᑭᒧᐊᒃᑎᑦᑎᔨ ᐅᓇᑕᕐᓂᕐᒧᑦ ᐋᓐᓂᖅᑐᓄᑦ ᐃᑲᔪᖅᑐᐃᓂᕐᒧᑦ ᐊᐅᓚᑦᑎᓂᕐᒥ ᐱᔪᓐᓇᕐᓂᖃᖅᑎᑕᐅᕗᖅ ᖃᐅᔨᓴᕐᓂᕐᒥ, ᐊᖏᕐᓂᕐᒥ ᐊᒻᒪ ᑲᒪᒋᔭᖃᕐᓂᕐᒥ ᑕᒪᐃᓐᓂ CF 9848 ᑐᓂᔭᐅᔭᕆᐊᓖᑦ ᐊᒻᒪ ᐱᓯᒪᑦᑎᓗᑎ ᑕᒪᐃᓐᓂ ᐱᔭᕇᖅᑕᐅᓯᒪᔪᓂ CF 98. ᑭᓯᐊᓂ, ᑖᓐᓇ ᐊᒡᓚᒡᕕᒃ ᖃᐅᔨᓚᐅᖅᑐᖅ 70 ᐳᓴᓐᑎᑐᐊᑦ (74 ᑕᒡᕙᙵ 106) ᑲᓇᑕᒥ ᐅᓇᑕᖅᑐᒃᓴᑦ CF 98 ᑐᓂᔭᐅᓚᐅᖅᑐᑦ ᑐᑭᒧᐊᒃᑎᑦᑎᔨᒧ ᐅᓇᑕᕐᓂᕐᒧᑦ ᐋᓐᓂᖅᑐᓄᑦ ᐃᑲᔪᖅᑐᐃᓂᕐᒧᑦ ᐊᐅᓚᑦᑎᓂᕐᒥ ᑖᔅᓱᒥᖓ ᖃᐅᔨᓴᕐᓂᖃᖅᑎᓪᓗᑕ. ᑕᒪᓐᓇ ᓇᓗᓇᐃᖅᓯᒋᐊᓚᐅᖅᑐᖅ ᐊᒥᒐᕈᑕᐅᔪᒥ ᑲᒪᒋᔭᖃᕐᓂᐅᔪᒥ ᐊᒻᒪ ᖃᐅᔨᓴᕐᓂᕐᒥ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᓐᓂᐊᖏᑦ ᐊᒻᒪ ᐋᓐᓂᕐᓂᖏᑦ, ᐊᑲᐅᙱᓕᐅᕈᑕᐅᓕᕈᓐᓇᖅᑐᖅ ᓯᕗᓂᒃᓴᒥ ᐃᓚᖏᓐᓄᑦ ᑲᓇᑕᒥ ᐅᓇᑕᖅᑐᒃᓴᓄᑦ, ᓱᓕᓂᕋᐅᕈᔭᐅᒃᐸᑕ ᐱᔨᑦᑎᕋᕐᓂᕐᒧᑦ ᓇᓗᓇᐃᖅᓯᓂᕐᒧᑦ ᐱᔪᓐᓇᕆᐊᒃᓴᖏᓐᓂ ᐃᑲᔫᓯᐊᒃᓴᓂ ᐱᔨᑦᑎᕋᐅᑎᓂᒡᓗ.

ᑖᓐᓇ ᐊᒡᓚᒡᕕᒃ ᖃᐅᔨᓚᐅᕐᒥᔪᖅ ᐅᓄᖅᑐᑦ ᑲᓇᑕᒥ ᐅᓇᑕᖅᑐᒃᓴᑦ ᐅᖃᐅᓯᖃᖅᐸᖏᑦᑐᑦ ᐋᓐᓂᕈᑎᒋᔭᒥᓂ. ᑕᐃᒃᑯᐊ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᐱᖅᓱᖅᑕᐅᓚᐅᖅᑐᓂ ᓇᖕᒥᓂᖅ-ᓇᓗᓇᐃᖅᓯᓚᐅᖅᑐᓂ ᐋᓐᓂᓚᐅᖅᓯᒪᓂᖏᓐᓄᑦ ᐃᖅᑲᓇᐃᔭᖅᑎᓪᓗᒋᑦ, 52% ᐅᖃᓚᐅᖅᑐᑦ ᐸᐃᑉᐹᓕᕆᓚᐅᙱᑦᑐᑦ ᐅᓂᒃᑳᓕᐅᕐᓂᕐᒧᑦ ᐋᓐᓂᕐᓂᐅᔪᒥ. ᑲᓇᑕᒥ ᐅᓇᑕᖅᑐᒃᓴᑦ ᐊᒥᓱᓂ ᐱᔾᔪᑎᒃᓴᓂ ᐅᖃᐅᓯᖃᓚᐅᖅᑐᑦ ᑖᔅᓱᒧᖓ, ᐃᓚᒋᔭᐅᓪᓗᑎ: ᐋᓐᓂᕐᓂᐅᔪᖅ ᐊᒃᓱᐊᓘᓇᓱᒋᔭᐅᓚᐅᖏᒻᒪ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᑦ ᐊᓯᐊᒍᖔᖅ ᐊᑐᐃᓐᓇᐅᓚᐅᕐᓂᖓᓄᑦ, ᐅᕝᕙᓘᓐᓃᑦ ᓯᕘᕋᓚᐅᕐᒪᑕ ᐲᖅᑎᑕᐅᓂᐊᕋᓱᒋᔭᐅᓪᓗᑎ ᖃᓄᐃᓕᐅᕈᑕᐅᒥ ᐅᕝᕙᓘᓐᓃᑦ ᐅᖓᓯᒃᑐᒨᖓᔪᓂ ᐃᖅᑲᓇᐃᔭᕐᓂᕐᒧᑦ ᐊᑲᐅᙱᓕᐅᕈᑎᖃᕐᓂᕐᒧᑦ ᐅᖃᐅᓯᖃᕐᓂᕈᑎ ᐋᓐᓂᕐᓂᐅᔪᒥ.

ᑎᑎᕋᖅᑕᐅᔭᕆᐊᓕᒃ ᐅᖃᐅᓯᐅᙱᓗᐊᕐᓂᖏᑦ ᐋᓐᓂᕐᓂᐅᔪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᔾᔨᒋᔭᖏᑦ ᑖᔅᓱᒪ ᐊᒡᓚᒡᕕᐅᑉ ᖃᐅᔨᓚᐅᖅᑕᖏᓐᓂᒃ ᐅᑕᖅᑭᕕᖕᒦᑦᑐᓂ. ᑲᙳᓱᓐᓂᕐᒧᑦ ᐊᒻᒪ ᐃᖅᑲᓇᐃᔮᒧᑦ ᐊᑲᐅᙱᓕᐅᕈᑏᑦ ᓄᖅᑲᖓᕈᑕᐅᓂᖅᐹᖑᓚᐅᖅᑐᑦ ᓴᖅᑮᓂᕐᒥᑦ ᐋᓐᓂᕐᓂᐅᔪᒥ.49 ᐊᒡᓚᒡᕕᐅᔪᖅ ᑭᖑᓂᑦᑎᓐᓂ ᐅᖃᐅᓯᖃᓚᐅᖅᑐᖅ, ᐊᔪᕐᓇᕐᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐊᒻᒪ ᑲᓇᑕᒥ ᓴᐳᓐᓂᐊᖅᑎᒃᑯᑦ ᐃᑲᔪᕙᒡᓗᑎ ᐋᓐᓂᖅᑐᒥ ᐅᑕᖅᑭᕕᖕᒦᑦᑐᒥ ᖃᐅᔨᒃᑲᐃᖅᑳᙱᑎᓪᓗᒋᑦ ᐃᑲᔪᖅᑕᐅᔭᕆᐊᖃᕐᓂᖏᓐᓂ.”50

ᑐᑭᓯᒋᐊᒃᑲᓐᓂᓂᕐᒧᑦ, ᑕᑯᒋᐊᕐᓗᒍ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᑦ ᑲᓇᑕᒥ ᐅᓇᑕᖅᑐᒃᓴᓄᑦ.


  1. ᖃᐅᔨᓴᕐᓂᕐᒧᑦ ᐃᓚᒋᓪᓗᓂᐅᒃ, ᐊᒡᓚᒡᕕᒃᐳᑦ ᕿᒥᕐᕈᓚᐅᖅᑐᑦ ᐋᓐᓂᐊᓂ ᐋᓐᓂᕐᓂᐅᔪᓂᒡᓗ ᑭᓯᐊᓂ, ᑐᖁᓐᓂᐅᖏᑦᑐᑦ.
  2. ᖃᐅᔨᓴᕐᓂᕐᒧᑦ ᐃᓚᒋᓪᓗᓂᐅᒃ, ᐊᒡᓚᒡᕕᒃᐳᑦ ᕿᒥᕐᕈᓚᐅᖅᑐᑦ ᐋᓐᓂᐊᓂ ᐋᓐᓂᕐᓂᐅᔪᓂᒡᓗ ᑭᓯᐊᓂ, ᑐᖁᓐᓂᐅᖏᑦᑐᑦ.
  3. ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎ ᐊᒻᒪ ᑐᑭᒧᐊᕈᑎ DAOD 5018-0, ᐃᓚᒋᔭᐅᔪᑦ ᐋᓐᓂᖅᑐᑦ ᐊᒻᒪ ᐅᓇᑕᖅᑐᒃᓴᕐᔪᐊᑦ ᑐᖁᔪᑦ.
  4. ᐃᕐᖐᓐᓈᖅᑕᐅᑎ ᑐᑭᒧᐊᒃᑎᑦᑎᔨᒥ ᐅᓇᑕᕐᓂᕐᒧᑦ ᐋᓐᓂᖅᑐᓄᑦ ᐃᑲᔪᖅᑐᐃᓂᕐᒧᑦ ᐊᐅᓚᑦᑎᓂᕐᒥ ᐅᓪᓗᖓ 12 ᐊᐃᕐᕆᓕ 2017.
  5. ᒪᓕᒋᐊᓖᑦ ᐱᔭᕇᖅᓯᓂᕐᒥ ᑖᔅᓱᒥᖓ CF 98 ᑎᑎᕋᕆᐊᓕᖕᒥ ᐅᓂᒃᑳᓕᐅᕐᓂᕐᒥ ᐋᓐᓂᕐᓂᐅᔪᒥ, ᖃᓂᒪᓕᕈᑕᐅᔪᒥ ᐅᕝᕙᓘᓐᓃᑦ ᐋᓐᓂᐊᕐᓂᐅᔪᒧᑦ.
  6. ᑕᐃᒪᐃᓕᐅᓲᑦ ᓴᐳᔾᔨᓂᕐᒧᑦ ᐃᓚᒋᔭᐅᔪᒥ (ᓲᕐᓗ ᑎᑎᕋᖅᓯᒪᔪᖃᕐᓂᐊᕐᒪᑦ ᐃᑲᔪᖅᓱᓂᕐᒥ ᐃᓚᒋᔭᐅᔫᑉ ᑐᓂᔭᖓᓂ ᐅᕝᕙᓘᓐᓃᑦ ᑐᒃᓯᕋᐅᑎᒥᓂ ᐃᑲᔫᓯᐊᒃᓴᓄᑦ), ᐊᒻᒪ ᓴᐳᔾᔨᓂᕐᒥ ᑲᓇᑕᐅᑉ ᓴᐳᓐᓂᐊᖅᑎᖏᓐᓂ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ (ᓲᕐᓗ ᐃᓚᒋᔭᐅᔪᖅ ᐅᖃᓇᓱᒃᑯᓂ ᐋᓐᓂᕐᓂᕋᐃᓗᓂ ᐅᓇᑕᖅᑐᒃᓴᓄᑦ ᖃᓄᐃᓕᐅᖅᑎᓪᓗᒍ ᑭᓯᐊᓂ ᐋᓐᓂᖅᑐᒥᓂᐅᒃᐸᑦ ᐱᓕᕆᐊᖃᙱᑎᓪᓗᒍ ᐃᖅᑲᓇᐃᔭᕐᓇᐅᙱᑎᓪᓗᒍ ᑐᓂᓯᓐᓂᕈᓂ ᐅᕝᕙᓘᓐᓃᑦ ᑐᒃᓯᕋᕐᓂᕈᓂ ᐃᑲᔫᓯᐊᒃᓴᓄᑦ). ᐱᒻᒪᕆᐅᔪᓐᓇᕐᒥᔪᖅ ᐋᓐᓂᕐᓂᐅᔪᖅ ᐱᔾᔪᑕᐅᓐᓂᕈᓂ ᐅᓇᑕᖅᑐᒃᓴᒃᑯᓐᓂ ᐱᔨᑦᑎᕋᕐᓂᕐᒧᑦ, ᑕᐃᒪᐃᒡᒍᓪᓗᑎᓗ ᐅᓇᑕᖅᑐᒃᓴᕕᓂᕐᓄᑦ ᑲᒪᔨᐅᔪᑦ ᑲᓇᑕᒥ ᐃᓱᒪᓕᐅᕈᑕᐅᔪᓂ ᐃᑲᔫᓯᐊᒃᓴᓄᑦ ᑐᒃᓯᕋᖅᓯᒪᔪᖅ ᐅᖃᕆᐊᖃᕈᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᔾᔪᑎᖃᓕᕆᐊᒃᓴᖓᓂ ᐅᓇᑕᖅᑐᒃᓴᒃᑯᓐᓂ ᐱᔨᑦᑎᕋᕐᓂᕐᒧᑦ.
  7. ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎ ᐊᒻᒪ ᑐᑭᒧᐊᕈᑎ DAOD 5018-2, ᐅᓂᒃᑳᖅ ᐋᓐᓂᕐᓂᐅᔪᓂ ᐊᒻᒪ ᓴᖅᑭᔮᕐᕕᐅᓂᕐᒥ ᑐᖁᓐᓇᖅᑐᓂ ᐃᓚᐅᕈᑎᒃᓴᓂ.
  8. Part-Time Soldiers with Full-Time Injuries: A Systemic review of Canada’s Primary Reserve Force and Operational Stress Injuries (ᐅᓇᑕᖅᑐᒃᓴᐅᑲᐃᓐᓇᓲᑦ ᑕᐅᕗᖓᐅᔾᔨᔪᓂ ᐋᓐᓂᖅᓯᒪᔪᓄᑦ: ᐱᓕᕆᕝᕕᖕᒥ ᕿᒥᕐᕈᓂᖅ ᑲᓇᑕᐅᑉ ᐅᑕᖅᑭᕕᖕᒥ ᐅᓇᑕᖅᑐᒃᓴᕐᔪᐊᓄᑦ ᐊᒻᒪ ᐊᐅᓚᓂᕐᒧᑦ ᐊᒃᔪᕈᕐᓂᕐᒧᑦ ᐋᓐᓂᕐᓂᐅᔪᓂ).
  9. Part-Time Soldiers with Full-Time Injuries: A Systemic review of Canada’s Primary Reserve Force and Operational Stress Injuries (ᐅᓇᑕᖅᑐᒃᓴᐅᑲᐃᓐᓇᓲᑦ ᑕᐅᕗᖓᐅᔾᔨᔪᓂ ᐋᓐᓂᖅᓯᒪᔪᓄᑦ: ᐱᓕᕆᕝᕕᖕᒥ ᕿᒥᕐᕈᓂᖅ ᑲᓇᑕᐅᑉ ᐅᑕᖅᑭᕕᖕᒥ ᐅᓇᑕᖅᑐᒃᓴᕐᔪᐊᓄᑦ ᐊᒻᒪ ᐊᐅᓚᓂᕐᒧᑦ ᐊᒃᔪᕈᕐᓂᕐᒧᑦ ᐋᓐᓂᕐᓂᐅᔪᓂ).
ᐃᓚᖓ III – ᖃᐅᔨᔭᐅᔪᑦ – ᐊᓯᖏᑦ ᑐᕌᖓᖃᓯᐅᑎᔪᑦ

ᐃᓚᖓ III – ᖃᐅᔨᔭᐅᔪᑦ

ᐊᓯᖏᑦ ᑐᕌᖓᖃᓯᐅᑎᔪᑦ

ᖃᐅᔨᔭᐅᔪᖅ: ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᑐᐃᓐᓇᕋᕐᕕᐅᓂᖏᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓄᑦ, ᐱᓗᐊᖅᑐᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓄᑦ, ᐊᒃᑐᖅᑕᐅᕗᑦ ᐅᓄᖅᑐᑦ ᐅᖓᓯᒃᑐᕐᒥᐅᑕᐅᓂᖏᓐᓄᑦ ᐊᒻᒪ ᐅᐸᒃᑕᐅᓴᕋᐃᓐᓇᖏᑦᑐᒦᓐᓂᖏᓐᓄᒡᓗ.

ᑲᓇᑕᒥ ᐅᓇᑕᖅᑐᒃᓴᒃᑯᑦ 200 ᐅᖓᑖᓂ ᓄᓇᓕᖕᒥᐅᑕᐅᔪᑦ ᐅᖓᓯᒌᒃᑐᓂ ᐅᐸᒃᑕᐅᓴᕋᐃᓐᓇᖏᑦᑐᓂ ᓄᓇᓕᖕᓂ ᑲᓇᑕᓕᒫᒥ,51 ᐃᓚᖏᓪᓗ ᖃᖓᑕᓲᒃᑯᑦ ᑭᓯᐊᓂ ᐅᐸᒐᒃᓴᐅᓪᓗᑎ. ᖃᓄᖅ ᐅᖓᓯᑎᒋᖕᒪᖔᑦ ᐊᔾᔨᒌᑉᐸᖏᑦᑐᖅ ᐊᑕᐅᓯᕐᒥ ᓇᐅᑦᑎᖅᓱᖃᑎᒌᓂᑦ ᐊᓯᐊᓄᑦ, ᐊᒡᓛᑦ ᑕᒡᕙᓂᒃᓴᐃᓐᓈᖅᑐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂ.52

ᐅᑕᖅᑭᕕᖕᒦᑦᑐᑦ ᐱᔨᑦᑎᕋᖅᑐᑦ ᐊᕕᒃᓯᒪᓂᖓ “A”, ᑲᓇᑕᒥ ᐅᓇᑕᖅᑐᒃᓴᒃᑯᑦ ᓄᓇᓖᑦ ᐋᓐᓂᐊᕕᖏᓐᓂ ᐃᑲᔪᖅᑕᐅᒐᔪᓲᑦ, ᐋᓐᓂᐊᕕᕋᓛᓂ ᐊᒻᒪ ᐋᓐᓂᐊᕕᐊᓗᖕᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒧᑦ ᐱᒋᐊᓕᖏᓐᓂ. ᐅᓄᖅᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐅᖃᓚᐅᖅᑐᑦ ᐊᔾᔨᐅᙱᑦᑐᒧ ᐋᓐᓂᐊᖅᑐᓕᕆᓂᕐᒧᑦ ᐸᖅᑭᔭᐅᓃᑦ ᐊᕕᒃᑐᖅᓯᒪᓂᒃᑯᑦ, ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᒃᑯᑦ ᐅᕝᕙᓘᓐᓃᑦ ᒐᕙᒪᑐᖃᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒧᑦ ᐊᒃᓱᕈᓐᓇᕈᑕᐅᒡᒍᔪᖅ. ᑲᓇᑕᒥ ᐅᓇᑕᖅᑐᒃᓴᒃᑯᑦ ᐅᖃᓚᐅᖅᑐᑦ ᐊᑯᓂᐊᓗᒃ ᐅᑕᖅᑭᓲᑦ ᑕᑯᔭᐅᓂᕐᒧᑦ ᓘᒃᑖᓄᑦ, ᐱᓗᐊᖅᑐᒥ ᐅᐸᒃᑕᐅᓴᕋᐃᓐᓇᖏᑦᑐᓂ ᐊᒻᒪ ᐅᖓᓯᒃᑐᓂᑦ ᓄᓇᓕᖕᓂ ᐱᔨᑦᑎᖅᑕᐅᕙᒃᑐᓂ ᓂᑭᑦᑖᖅᑐᓄᑦ ᐋᓐᓂᐊᖅᑐᓕᕆᔨᓄᑦ. ᐃᓛᓐᓂᒃᑯᑦ, ᓘᒃᑖᑦ ᑎᑭᖃᑦᑕᖅᑐᑦ ᓄᓇᓕᐅᔪᓄᑦ ᑕᖅᑭᑕᒫᑦ ᐅᖃᐅᔾᔭᐅᓚᐅᖅᑐᒍᑦ ᑕᐃᒃᑯᐊ ᓘᒃᑖᒧᑦ ᑕᑯᔭᐅᔭᕆᐊᓖᑦ ᐃᓛᓐᓂᒃᑯᑦ ᑕᑯᔭᐅᕙᖕᓇᑎ ᑎᑭᑕᐅᓯᒪᓂᖏᓐᓂ. ᐊᑐᐃᓐᓇᖃᕐᕕᐅᓂᖅ ᑲᔪᓰᓐᓇᖅᑐᒥ ᐸᖅᑭᔭᐅᓂᕐᒧᑦ ᐋᓐᓂᐊᕆᔭᐅᑯᑖᒃᑐᓄᑦ ᐅᖃᐅᓯᐅᓚᕐᒥᔪᑦ ᐊᒃᓱᕈᕐᓇᕈᑕᐅᓂᖓᓂ.

ᐃᓚᒋᔭᐅᔪᑦ ᑖᒃᑯᓄᖓ ᐊᖏᔪᖅᑲᐅᑎᓄᑦ ᖁᑦᑎᖕᓂᓕᕇᒃᑐᓂ ᐊᒻᒪ ᑲᓇᑕᒥ ᐅᓇᑕᖅᑐᒃᓴᒃᑯᓐᓄᑦ ᓄᓇᓕᖓ ᓇᓗᓇᐃᖅᓯᓚᐅᖅᑐᑦ ᐊᑐᐃᓐᓇᖃᕐᕕᐅᓂᖅ ᐃᓱᒪᓕᕆᓂᕐᒧᑦ ᐱᔨᑦᑎᕋᐅᑎᓂ ᐊᒃᓱᕈᕐᓇᓚᐅᕐᓂᖓᓂ. ᐅᓄᖅᑐᑦ ᐊᖓᔪᖅᑳᕆᔭᐅᔪᑦ ᐱᓕᕆᔨᐅᔪᑦ ᐊᐱᖅᓱᖅᑕᐅᔪᑦ ᕿᒥᕐᕈᐊᖁᔨᓚᐅᖅᑐᑦ ᑲᔪᓯᑎᑕᐅᓂᕆᔭᖏᓐᓂᒃ ᐃᓱᒪᓕᕆᓂᕐᒧᑦ ᐱᔨᑦᑎᕋᐅᑎᐅᔪᓂ ᑖᓐᓇ ᐱᔾᔪᑎᒋᓪᓗᒍ.53 ᐃᑲᔪᖅᓱᕐᓂᕆᔭᖏᓐᓂ ᑲᓇᑕᒥ ᐅᓇᑕᖅᑐᒃᓴᒃᓴᕐᔪᐊᒃᑯᑦ ᐊᐅᓚᓂᕆᔭᖏᓐᓂ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᒃᓱᕈᕐᓇᖅᑐᓄ ᓴᖅᑭᔮᕐᕕᐅᔪᓐᓇᖅᑐᖅ (ᓲᕐᓗ, ᕿᓂᕐᓂᕐᒧᑦ ᐊᒻᒪ ᐸᖅᓴᐃᓂᕐᒧᑦ ᐊᐅᓚᓂᐅᔪᓂ), ᐊᑕᐅᓯᕐᓗ ᓯᕗᓕᖅᑎᒻᒪᕆᒃ ᐅᖃᓚᐅᖅᑐᖅ “ᐋᖅᑭᒃᓯᓯᒪᔭᕆᐊᓖᑦ ᑖᒃᑯᐊ ᐃᑲᔪᖅᑕᐅᖁᓪᓗᒋ.”54 ᐊᖏᓂᖅᐹᖑᔪᖅ ᐊᒃᓱᕈᕐᓇᖅᑐᖅ ᐅᖃᐅᓯᐅᓚᐅᖅᑐᖅ ᐃᓱᒪᓕᕆᓂᖅ ᐃᓱᒪᒋᓗᒍ ᑖᓐᓇᐅᕙᖅ ᐊᒥᒐᓗᐊᕐᓂᖏᑦ ᐊᑐᐃᓐᓇᖃᕐᕕᐅᓂᕐᒥᑦ ᐃᓱᒪᓕᕆᓂᕐᒧᑦ ᐃᑲᔫᑎᒃᓴᓂ ᐅᐸᒃᑕᐅᓴᕋᐃᓐᓇᖏᑦᑐᓂ ᐊᒻᒪ ᐅᖓᓯᒃᑐᓂᑦ ᓄᓇᓕᖕᓂ. ᐄ, ᐅᓄᖅᑐᖅ ᑲᓇᑕᒥ ᐃᓱᒪᓕᕆᓂᕐᒧᑦ ᐱᔨᑦᑎᕋᖅᑏᑦ ᑐᑭᓯᐅᒪᙱᑐᐃᓐᓇᕆᐊᓕᒃ ᖃᓄᐃᑦᑐᒦᓪᓚᕆᓲᖑᒻᒪᖔᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᓕᕆᕝᕕᒋᕙᒃᑕᖓᓂ ᐊᖏᕐᕋᖃᕐᕕᒋᔭᒥᓂᒡᓗ.

ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐱᔭᒃᓴᖃᖅᐳᑦ ᐊᑐᐃᓐᓇᐅᑎᑦᑎᓂᕐᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᑲᓇᑕᒥ ᐅᓇᑕᖅᑐᒃᓴᓄᑦ ᖃᓄᐃᑦᑐᖃᖅᑎᓪᓗᒍ ᓇᓗᓇᐃᖅᓯᒪᔪᖅ ᐱᓚᒃᑐᐃᔨᕐᔪᐊᑉ ᓯᕗᒧᐊᕈᑎᖓᓂ55. ᑕᒪᕐᒥᑲᓴᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᐅᓚᓂᖃᓲᑦ ᓄᓇᓂ ᐅᐸᒃᑕᐅᓴᕋᐃᓐᓇᖏᑦᑐᓂ, ᐊᑐᐃᓐᓇᖃᕐᕕᐅᓂᖅ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᐊᐅᓪᓚᕋᔪᒋᐊᖃᓲᑦ ᐋᓐᓂᐊᕕᖕᓄᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓄᓇᓕᖓᑕ ᓯᓚᑖᓄᑦ. ᓇᒦᓐᓂᖏᑦ ᓄᓇᒥ ᓄᖅᑲᖓᕈᑕᐅᓕᓲᖅ ᐃᓚᖏᓐᓄᑦ ᑲᓇᑕᒥ ᐅᓇᑕᖅᑐᒃᓴᓄᑦ, ᐱᓗᐊᖅᑐᒥ ᑕᐃᒃᑯᓄᖓ ᓄᓇᖃᖅᑳᖅᑐᓂ ᐃᓄᖃᕐᓂᖅᓴᐅᔪᓄᑦ ᓄᓇᓕᖕᓂ. ᐅᓄᖅᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐅᖃᓚᐅᖅᑐᑦ ᐱᓇᓱᓚᐅᙱᑦᑐᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᐊᑐᐃᓐᓇᐅᔪᓂ ᑕᐃᑰᓇ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑎᒍᑦ ᓲᖃᐃᒻᒪ ᐊᐅᓪᓚᕆᐊᖃᓚᐅᕐᓂᖏᓐᓄᑦ. ᑖᒃᑯᐊ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐅᖃᓚᐅᖅᑐᑦ ᓄᓇᓕᖕᓂ ᐊᐅᓪᓚᕈᒪᖏᓐᓂᕋᐃᓪᓗᑎ, ᕿᓚᒻᒥᐅᓐᓂᐊᕈᓗᐊᖅᖢᑎ, ᐊᑲᐅᒃᓴᙱᓐᓂᕋᐃᓪᓗᑎ ᐸᖅᑭᔭᐅᓂᕐᒥ ᖃᓪᓗᓈᓂ ᐋᓐᓂᐊᕕᓐᓂ, ᐃᑲᔪᖅᓱᖅᑕᐅᔾᔮᓇᑎᒡᓗ ᐋᓐᓂᐊᕕᖕᒦᑎᓪᓗᑎ. ᐃᓚᒋᔭᐅᔪᑦ ᑖᒃᑯᓄᖓ ᐊᖏᔪᖅᑲᐅᑎᓄᑦ ᖁᑦᑎᖕᓂᓕᕇᒃᑐᓂ ᓇᓗᓇᐃᖅᓯᓚᐅᖅᑐᑦ ᓄᖅᑲᖓᔾᔪᑎᑕᖃᖅᑐᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᐅᓪᓚᕆᐊᖃᖅᑎᓪᓗᒋᑦ ᐋᓐᓂᐊᖅᑐᓕᕆᓂᕐᒧᑦ ᒪᒥᓴᖅᑕᐅᓂᕐᒧᑦ.

ᐅᖃᓕᒫᒃᑲᓐᓂᓂᕐᒧᑦ, ᑕᑯᓗᒍ ᐅᐃᒍᖓ D – ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᐸᖕᓂᖏᑦ ᑲᓇᑕᒥ.

1ᐊᑐᓕᖁᔭᐅᓯᒪᔪᖅ 3:

3.1 ᐱᓕᕆᖃᑎᖃᕐᓂᕐᒧᑦ ᑲᓇᑕᒥ ᐅᓇᑕᖅᑐᒃᓴᓂ ᑕᑯᓇᒡᓗᒋᑦ ᓇᓗᓇᐃᖅᓯᓂᕐᒥ ᐊᕝᕕᐊᕈᑕᐅᔪᓂ ᐊᑐᐃᓐᓇᖃᕐᕕᐅᔪᓐᓇᕐᓂᖏᓐᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᖃᕆᐊᖃᕐᓂᖏᓐᓂᒡᓗ ᐃᓅᓯᖏᓐᓄᑦ ᐊᒻᒪ ᐃᓕᖅᑯᓯᖏᓐᓄ ᑐᕌᖓᔪᓂ.

3.2 ᓇᓗᓇᐃᖅᓯᓂᕐᒥ ᐊᒻᒪ ᐊᑐᓕᖅᑎᑦᑎᓂᕐᒥ ᐱᔨᑦᑎᕋᐅᑎᒥ ᐆᒃᑑᑎᒥ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓄᑦ ᑲᒪᒋᔭᖃᑦᑎᐊᖅᑐᒥ ᓇᓗᓇᐃᖅᑕᐅᓯᒪᔪᓂ ᐱᔭᐅᔭᕆᐊᓕᖕᓂ ᑲᓇᑕᒥ ᐅᓇᑕᖅᑐᒃᓴᒃᑯᓐᓄᑦ.

stacked info iconᑖᓐᓇ ᐊᒡᓚᒡᕕᒃ ᑭᖑᓂᑦᑎᓐᓂ ᖃᐅᔨᓚᐅᖅᑐᑦ, ᐅᑕᖅᑭᕕᖕᒦᑦᑐᑦ ᑕᐃᒪᐃᑦᑕᕌᖓᒥ ᐋᓐᓂᐊᕐᓂᐅᔪᖅ ᐋᓐᓂᕐᓂᐅᔪᓪᓘᓐᓃᑦ ᑐᕌᖓᒻᒪᖔᖅ ᐅᓇᑕᖅᑐᒃᓴᕐᔪᐊᒃᑯᓐᓂ ᐱᔨᑦᑎᕋᕐᓂᕐᒧᑦ, ᐱᔪᓐᓇᖅᓯᓲᑦ ᐆᑦᑐᓂᕐᒧᑦ ᐊᔾᔨᒌᙱᑦᑐᓄᑦ ᐊᑭᓕᖅᑕᐅᓂᕐᒧᑦ ᓇᓖᕌᕈᑎᒃᓴᓂ.

ᐅᑕᖅᑭᕕᖕᒦᒃᖢᑎ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᒪᑯᓂᖓ ᐊᑐᐃᓐᓇᖃᕐᕕᐅᖕᒥᔪᑦ.

– “ᐊᑭᓕᖅᓱᖅᑕᐅᓂᕐᒧᑦ ᓇᓖᕌᕈᑎᒃᓴᑦ ᖃᓂᒪᔪᓄᑦ ᐋᓐᓂᖅᑐᓄᒡᓗ ᐅᑕᖅᑭᕕᖕᒦᑦᑐᓂ”, ᕖᕝᕗᐊᓕ 2016

– ᓲᕐᓗ: ᐅᖓᕙᕆᐊᖅᓯᓂᕐᒥ ᐊᕕᒃᓯᒪᓂᖓ “C” ᐱᔨᑦᑎᕋᕐᓂᕐᒥᑦ ᐃᖅᑲᓇᐃᔭᖅᑎᓄᑦ ᐋᓐᓂᖅᑐᓄ ᐋᓐᓂᐊᔪᓄᒡᓘᓐᓃᑦ ᑕᐃᒪᐃᓐᓂᖅᐸᑕ ᐊᔾᔨᐅᙱᑦᑐᒥᑦ ᐱᔨᑦᑎᕋᕐᓂᖅᐸᑕ; ᐅᑕᖅᑭᕕᖕᒦᑦᑐᓄᑦ ᐅᓇᑕᖅᑐᒃᓴᕐᔪᐊᓄᑦ ᐊᑭᓕᖅᑕᐅᓂᕐᒧᑦ; ᐅᕝᕙᓘᓐᓃᑦ ᐊᑭᓕᖅᑕᐅᓂᕐᒧᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖓᓄᑦ ᐊᑭᓕᖅᑕᐅᓂᕐᒧᑦ ᐱᖁᔭᖅ.

ᖃᐅᔨᔭᐅᔪᖅ: ᑕᒪᕐᒥᑲᓴ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐅᔾᔨᕈᓱᖏᑦᑐᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ.

ᑐᒡᓕᐊ ᐊᖓᔪᖅᑳᒧᑦ ᓴᐳᔾᔨᓯᒪᓂᕐᒧᑦ ᐃᖅᑲᓇᐃᔭᖅᑎᓄᑦ ᐅᖃᖅᓯᒪᕗᖅ “ᐊᖏᔪᖅᑲᐅᑎᓄᑦ ᖁᑦᑎᖕᓂᓕᕇᒃᑐᓂ ᑲᒪᒋᔭᖃᕆᐊᓖᑦ ᑕᒪᐃᓐᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᖃᐅᔨᒪᑎᑕᐅᓗᑎ ᐊᑐᐃᓐᓇᖃᕐᕕᐅᔪᓐᓇᕐᓂᖏᓐᓂ ᐊᒻᒪ ᐱᔪᓐᓇᕐᓂᖏᓐᓂ ᐸᖅᑭᔭᐅᓂᕐᒧᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓂ… ᓯᕗᓕᖅᑎᐅᔪᑦ ᑕᒪᓐᓇ ᑲᒪᒋᔭᕆᐊᖃᖅᐹ.”56 ᑭᓯᐊᓂ, ᑐᑭᓯᒋᐊᕈᑎᒃᓴᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᑐᑭᓯᓇᑦᑎᐊᖏᑦᑐᑦ, ᑕᐃᒫᔅᓴᐃᓐᓇᕐᓗ ᐅᖃᐅᓯᕆᔭᐅᕙᖏᑦᑐᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ. ᑖᓐᓇ ᓯᕗᒧᐊᕈᑎ ᑲᔪᓯᑎᑦᑎᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᓂᕐᒧᑦ ᐅᑕᖅᑭᕕᖕᒦᑦᑐᓄ ᐃᖅᑲᓇᐃᔭᖅᑎᓄ ᐅᖃᒋᐊᓪᓚᒃᐳᖅ “ᐃᒪᐃᓕᐅᕆᐊᖃᕋᑦᑕ... ᐃᓕᓐᓂᐊᖅᑎᑦᑎᒃᑲᓐᓂᕐᓗᑕ ᐅᑕᖅᑭᕕᖕᒦᑦᑐᖁᑎᑦᑎᓐᓂ ᐅᓇᑕᖅᑐᒃᓴᒃᑯᓐᓂ ᐃᓚᒋᔭᐅᔪᓂ ᐱᔪᓐᓇᖅᑕᒥᓂ ᐸᖅᑭᔭᐅᓂᕐᒧᑦ.”57

ᐊᔪᙱᑕᒥᓂᒃ ᑖᒃᑯᐊ ᐊᖏᔪᖅᑲᐅᑎᓄᑦ ᖁᑦᑎᖕᓂᓕᕇᒃᑐᓂ ᑐᓂᓯᑎᓪᓗᒋᑦ ᐃᓱᒪᒋᓗᒍ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓄᑦ ᐱᔭᐅᔪᓐᓇᖅᑐᓂ ᐋᖅᑭᒃᓱᖅᓯᒪᙱᑦᑐᖅ ᐅᕝᕙᓘᓐᓃᑦ ᐊᔾᔨᒌᙱᑦᑐᖅ ᑕᒪᐃᓐᓂ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂ. ᓇᐅᑦᑎᖅᓱᖅᑏᑦ ᓯᕗᓕᖅᑎᖏᑦ ᐃᓚᖏᑦ ᐊᒻᒪ ᐃᓕᓴᐃᔩᑦ ᐅᖃᓚᐅᖅᑐᑦ ᑐᑭᓯᒋᐊᕈᑎᒃᓴᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐅᖃᐅᓯᕆᔭᐅᑐᐃᓐᓇᓲᖅ ᐅᖃᓪᓚᑐᐃᓐᓇᖅᑎᓪᓗᒋᑦ, ᐅᕝᕙᓘᓐᓃᑦ ᑲᓇᑕᒥ ᐅᓇᑕᖅᑐᒃᓴᖅ ᐊᐱᕆᒍᓂ ᖃᓄᐃᑦᑐᒥ ᑐᑭᓯᒋᐊᕈᑎᒥ.58 ᐃᓕᓴᐃᔩᑦ ᐃᓚᖏᑦ ᐅᖃᓚᐅᖅᑐᑦ ᐱᓕᒻᒪᒃᓴᐅᑎᒃᑲᓐᓃᑦ ᐃᑲᔫᑎᖃᓇᔭᖅᑐᑦ ᐃᓕᓐᓂᐊᖅᑎᑦᑎᒃᑲᓐᓂᕈᓐᓇᕋᔭᖅᖢᑎᒡᓗ ᓇᐅᑦᑎᖅᓱᖅᑎᐅᔪᓄᑦ. ᑕᐃᒪᐃᒐᔪᒃᖢᑎᒃ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᓴᐃᔨᐅᔪᖅ ᐳᓚᕋᕋᔭᖅᑐᖅ ᓄᓇᓕᖕᒧᑦ ᐊᑕᐅᓯᐊᕐᓗᑎ−ᒪᕐᕈᐃᖅᓱᓘᓐᓃᑦ ᐊᕐᕌᒍᑕᒫᑦ, ᐱᓕᒻᒪᒃᓴᖅᑎᓪᓗᒋᑦ ᑭᓯᐊᓂ. ᑕᒪᓐᓇ ᐱᕕᖃᖅᑎᑦᑎᓗᐊᙱᑦᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᓴᐃᔨᖓ ᐱᔭᕇᖅᓯᔭᕆᐊᖃᕐᓂᖏᓐᓂᒃ ᐅᓄᖅᑐᓂ ᐱᔭᒃᓴᕆᔭᒥᓂᒃ. ᐃᓚᒃᑲᓐᓂᕐᓗᒍ, ᑕᒪᐃᓐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓚᐅᖃᑦᑕᖏᑦᑐᑦ ᐃᖃᐃᓕᓴᕐᓂᕐᒧᑦ ᐊᒻᒪ ᐱᓕᒻᒪᒃᓴᐅᑎᒃᓴᓄᑦ, ᐊᒃᓱᕈᕈᑕᐅᓕᓲᖅ ᑐᓂᓯᓂᕐᒥ ᑐᑭᓯᒋᐊᕈᑎᓂ ᑕᒪᐃᓐᓄᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᖃᑎᒌᒃᑐᓄᑦ.

ᑲᓇᑕᒥ ᐅᓇᑕᖅᑐᒃᓴᓄᑦ ᐊᑦᑎᓂᖅᐹᒥ ᐅᓇᑕᖅᑐᒃᓴᕐᔪᐊᓄᑦ ᐃᓕᓐᓂᐊᖅᑎᑦᑎᓂᖅ – ᐆᑦᑑᑎᒋᔭᐅᓪᓗᓂ ᐃᓕᓐᓂᐊᒐᒃᓴᖅ ᓴᖅᑭᑕᐅᔪᔪᖅ 2016-ᒥ ᐃᓇᖏᖅᓯᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ 1 ᐃᓕᓐᓂᐊᒐᒃᓴᒥ ᓄᑖᖑᔪᓄᑦ ᑲᓇᑕᒥ ᐅᓇᑕᖅᑐᒃᓴᓄᑦ – ᑐᕌᒐᖃᓪᓗᐊᑕᖅᑐᖅ ᐅᑕᖅᑭᕕᖕᒦᑦᑐᓂ ᐊᒡᓚᒡᕕᓕᕆᓂᕐᒧᑦ, ᐊᑭᓕᐅᑎᑦ, ᐊᒻᒪ ᓇᖕᒥᓂᖅ ᐱᖁᑎᒋᔭᐅᔪᓂ ᑲᒪᒋᔭᖃᕆᐊᖃᕐᓂᕐᒥᑦ. ᐃᓕᓐᓂᐅᕈᑎᖏᑕ ᐃᓗᓕᖏᑦ ᐃᓚᖃᙱᑦᑐᖅ ᑐᑭᓯᓇᑦᑎᐊᖅᑐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᑲᓇᑕᒥ ᐅᓇᑕᖅᑐᒃᓴᓄᑦ. ᐃᓕᓐᓂᐊᒐᒃᓴᖅ ᐊᑐᐃᓐᓇᐅᑎᑕᐅᑎᓪᓗᒍ ᓄᑖᖑᔪᓄᑦ ᐃᓚᒋᔭᐅᕙᒌᖅᑐᓄᒡᓗ ᑲᓇᑕᒥ ᐅᓇᑕᖅᑐᒃᓴᓄᑦ, ᐃᓱᒪᖅᓲᑕᐅᔪᖅ.

ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᐱᖅᓱᖅᑕᐅᓚᐅᖅᑐᑦ ᐊᔾᔨᒌᙱᑦᑐᓂ ᑭᐅᖃᑦᑕᓚᐅᖅᑐᑦ ᐊᐱᖅᓱᖅᑕᐅᓕᕌᖓᒥ ᐅᔾᔨᕈᓱᓐᓂᖏᓐᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ. ᐅᓄᖅᑐᑦ ᐅᖃᓚᐅᖅᑐᑦ ᐅᔾᔨᕈᓱᙱᓐᓂᕐᒥᓂᒃ ᐱᔪᓐᓇᖅᑕᒥᓂ, ᐊᓯᖏᑦ ᐃᓱᒪᑐᐃᓐᓇᓚᐅᖅᑐᑦ “ᑲᒪᒋᔭᐅᒐᔭᕐᓂᖏᓐᓂ”.

ᐱᒻᒪᕆᐅᕗᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑐᑭᓯᐅᒪᓗᑎ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᐃᓱᒪᓕᐅᕆᓂᕐᒧᑦ ᓇᓖᕌᕈᑎᒃᓴᓂᑦ ᐊᑐᐃᓐᓇᐅᔪᓂ. ᐅᔾᔨᕈᓴᙱᓗᐊᕐᓂᖏᑦ ᓄᖅᑲᖓᕈᑕᐅᕗᖅ ᐊᑐᐃᓐᓇᖃᕐᕕᐅᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ.

ᖃᐅᔨᔭᐅᔪᖅ: ᐅᓄᖅᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᖃᐅᔨᒪᙱᑦᑐᑦ ᐱᔪᓐᓇᕆᐊᒃᓴᖏᓐᓂ ᐅᓇᑕᖅᑐᒃᓴᕕᓂᕐᓄᑦ ᑲᒪᔨᐅᔪᑦ ᑲᓇᑕᒥ ᐃᑲᔫᓯᐊᒃᓴᓄᑦ ᐱᔨᑦᑎᕈᑎᓂᒡᓗ ᐃᓚᒋᔭᐅᓪᓗᑎ ᐅᕝᕙᓘᓐᓃᑦ ᐅᓇᑕᖅᑐᒃᓴᕕᓂᐅᓂᕐᒧᑦ.

ᐅᓇᑕᖅᑐᒃᓴᕕᓂᕐᓄᑦ ᑲᒪᔨᐅᔪᑦ ᑲᓇᑕᒥ ᐊᔾᔨᒌᙱᑦᑐᓂᑦ ᐃᑲᔫᓯᐊᒃᓴᓂ ᐊᒻᒪ ᐱᔨᑦᑎᕈᑎᓂ ᐊᑐᐃᓐᓇᐅᑎᑦᑎᓲᑦ ᐃᒪᒋᔭᐅᔪᓄᑦ ᐊᒻᒪ ᐅᓇᑕᖅᑐᒃᓴᕕᓂᕐᓄᑦ ᐃᓚᓪᓚᑦᑖᕆᔭᒥᓄᒡᓗ. ᑖᒃᑯᐊ ᐃᑲᔫᑎᒃᓴᑦ ᐃᓚᖃᖅᑐᑦ ᐊᑭᓕᖅᑕᐅᓂᕐᒥ ᐱᔨᑦᑎᕋᕐᓂᕐᒧᑦ−ᑐᕌᖓᔪᓂ ᐋᓐᓂᐊᓕᕈᑕᐅᔪᓂ ᐊᒻᒪ ᐋᓐᓂᕐᓂᐅᔪᓂ, ᐃᑲᔪᖅᓱᖅᑕᐅᓂᖅ ᐃᓅᓯᖃᑦᑎᐊᕋᓱᐊᕐᓂᕐᒧᑦ, ᑮᓇᐅᔭᕐᓂᒃ ᐃᑲᔪᖅᑕᐅᓂᕐᒧᑦ, ᐊᒻᒪ ᐃᑲᔪᖅᓱᖅᑕᐅᓂᖅ ᐋᓐᓂᐊᖃᕈᓐᓃᓂᕐᒧᑦ ᐊᒻᒪ ᖃᓄᐃᒍᓐᓃᓂᕐᒧᑦ.59

ᐊᐱᖅᓱᖅᑕᐅᔪᑦ ᓇᖕᒥᓂᖅ-ᓇᓗᓇᐃᖅᓯᓚᐅᖅᑐᓂ ᐋᓐᓂᓚᐅᖅᓯᒪᓂᖏᓐᓄᑦ ᐃᖅᑲᓇᐃᔭᖅᑎᓪᓗᒋᑦ ᐊᐱᕆᔭᐅᓚᐅᖅᑐᑦ ᑐᒃᓯᕋᐅᑎᒥ ᑐᓂᓯᓚᐅᕐᒪᖔᑦ ᐅᓇᑕᖅᑐᒃᓴᕕᓂᕐᓄᑦ ᑲᒪᔨᐅᔪᑦ ᑲᓇᑕᒥ – ᐅᓄᖅᑐᑦ (89%) ᑭᐅᓚᐅᖅᑐᑦ ᑕᐃᒪᐃᙱᓐᓂᕋᐃᓪᓗᑎ. ᐱᔾᔪᑕᐅᒐᔪᖕᓂᖅᐹᖑᓚᐅᖅᑐᖅ ᑖᔅᓱᒧᖓ ᐊᒥᒐᓗᐊᕐᓂᖏᓐᓂ ᖃᐅᔨᒪᑎᑕᐅᓂᕐᒥ ᐱᔪᓐᓇᕆᐊᔅᓴᖏᓐᓂ ᐅᓇᑕᖅᑐᒃᓴᕕᓂᕐᓄᑦ ᑲᒪᔨᐅᔪᑦ ᑲᓇᑕᒥ ᐃᑲᔫᓯᐊᒃᓴᓂ.

ᐃᓚᖏᑦ ᐅᓇᑕᖅᑐᒃᓴᕕᓂᕐᓄᑦ ᑲᒪᔨᐅᔪᑦ ᑲᓇᑕᒥ ᐃᑲᔫᓯᐊᒃᓴᑦ ᐊᒻᒪ ᐱᔨᑦᑎᕈᑏᑦ ᐊᑐᐃᓐᓇᐅᑎᑕᐅᔪᑦ ᓴᒃᑯᑕᐅᓯᒪᔪᓄᑦ ᐃᓚᒋᔭᐅᔪᓄᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓄᑦ. ᑕᒪᓐᓇ ᐊᑲᐅᙱᓕᐅᕈᑕᐅᓕᓲᖅ ᑐᕌᖓᑎᓪᓗᓂ ᑲᓇᑕᒥ ᐅᓇᑕᖅᑐᒃᓴᒃᑯᓐᓄᑦ, ᑕᐃᒃᑯᐊᓕ ᐊᓯᓕᒫᖏᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐃᓚᖏᑦ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓱᓕᑦᑎᓂᕐᒧᑦ ᐅᑭᐅᖃᖅᑎᑕᐅᖏᒻᒪᑕᓕ. ᑲᓇᑕᒥ ᐅᓇᑕᖅᑐᒃᓴᑦ ᐱᔨᑦᑎᕋᐃᓐᓇᕈᓐᓇᖅᑐᑦ ᑕᒡᕗᖓ ᑎᑭᐅᒪᔪᓐᓃᖅᐸᑕ ᐃᖅᑲᓇᐃᔭᕆᐊᖃᕐᓂᕐᒧᑦ ᒪᓕᒋᐊᓕᖕᓂ ᐊᒻᒪ, ᑕᑯᓯᒪᓪᓗᑕ, ᑕᒪᒃᑯᐊ ᐃᓚᖃᙱᑦᑐᖅ ᓘᒃᑖᒧᑦ ᖃᐅᔨᓴᖅᑕᐅᓂᕐᒥ ᐅᕝᕙᓘᓐᓃᑦ ᑎᒥᖓ ᐊᔪᙱᓐᓂᕆᔭᖓᓂ ᒪᓕᒋᐊᓕᖕᓂᒃ.60 ᐊᑯᓐᓂᖏᓐᓂ 2013 ᐊᒻᒪ 2016 ᑕᒡᕙᓂᐸᓗᒃ 3.8% ᑕᒪᕐᒥ ᑲᑎᓪᓗᒋᑦ ᑲᓇᑕᒥ ᐅᓇᑕᖅᑐᒃᓴᓂ ᓴᒃᑯᐃᓚᐅᖅᑐᑦ ᐊᕐᕌᒍᑕᒫᑦ.61 ᑐᓴᓚᐅᖅᑐᒍᑦ ᑕᒪᐃᓐᓂᒃ ᑕᓪᓕᒪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂ ᐅᓄᖅᑐᑦ ᑲᓇᑕᒥ ᐅᓇᑕᖅᑐᒃᓴᑦ ᑲᔪᓯᓲᑦ ᐱᔨᑦᑎᓂᕐᒥᑦ ᑐᖁᒧ ᑎᑭᓪᓗᑎ ᐊᒻᒪ ᓇᖕᒥᓂᖅ ᓄᖅᑲᑐᐃᓐᓇᕈᓐᓇᙱᑦᑐᑦ.

ᑲᓇᑕᒥ ᐅᓇᑕᖅᑐᒃᓴᒃᑯᑦ ᑐᓴᐅᒪᙱᓗᐊᕐᓂᖏᑦ ᐅᓇᑕᖅᑐᒃᓴᕕᓂᕐᓄᑦ ᑲᒪᔨᐅᔪᑦ ᑲᓇᑕᒥ ᐱᔪᓐᓇᖅᑕᒥᓂ ᐊᒻᒪ ᐊᒃᑐᐃᓂᐅᔪᓂ ᓴᒃᑯᐃᖅᓯᖏᓐᓂᕐᒧᑦ ᐊᑲᐅᙱᓕᐅᕈᑎᒃᑲᓐᓂᐅᕗᖅ ᐊᑐᐃᓐᓇᖃᕐᕕᐅᔪᓐᓇᕐᓂᖏᓐᓂᒃ ᐃᑲᔫᓯᐊᒃᓴᓂᒃ ᐱᔨᑦᑎᕈᑎᓂᒡᓗ.

ᐊᑐᓕᖁᔭᐅᓯᒪᔪᖅ 4:

4.1 ᑲᑎᖅᓱᖅᓯᒪᔪᑦ ᑐᑭᓯᒋᐊᕈᑎᒃᓴᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ; ᑐᓐᓂᖅᓴᐃᓂᕐᒥ ᑖᒃᑯᓂᖓ ᑐᑭᓯᒋᐊᕈᑎᓂ ᑲᓇᑕᒥ ᐅᓇᑕᖅᑐᒃᓴᓄᑦ ᐊᔾᔨᒌᙱᑦᑐᓂ ᐅᖃᐅᓯᕐᓂ ᑎᑎᕋᐅᓯᒃᑯᓪᓗ ᑕᐃᒪᐃᒋᐊᖃᕐᓂᖏᓐᓂ, ᑎᑭᓪᓗᒍ ᐅᑭᐊᒃᓵᖅ 2018.

4.2 ᑲᒪᑦᑎᐊᓂᕐᒥᑦ ᑖᒃᑯᐊ ᑐᑭᓯᒋᐊᕈᑎᑦ ᐃᓚᓕᐅᔾᔭᐅᓗᑎ ᐱᓪᓚᑦᑖᖅᑐᓄ ᐊᓯᖏᓐᓄᓪᓗ ᑐᕌᖓᖃᑕᐅᔪᓂ ᐱᓕᒻᒪᒃᓴᐅᑎᓄᑦ ᒪᓂᒪᕈᑕᐅᔪᓂ ᑲᓇᑕᒥ ᐅᓇᑕᖅᑐᒃᓴᓄᑦ, ᑎᑭᓪᓗᒍ ᐅᑭᐊᒃᓵᖅ 2018. 


  1. Standing Operations Order for Domestic Operations (ᐊᐅᓚᑦᑎᓂᐅᔪᓄᑦ ᐊᑐᖅᑕᐅᔭᕆᐊᓖᑦ ᑲᓇᑕᐅᑉ ᓯᓚᑖᓂ ᐊᐅᓚᑦᑎᓂᕐᒧᑦ, SOODO) 3000-1 (J5), ᐅᐃᒍᖓ 2, ᐊᓂᒃᔅ HH: ᐃᖅᑲᓇᐃᔭᖅᑎᑕᐅᓂᖏᑦ ᐅᑕᖅᑭᕕᖕᒦᑦᑐᓄᑦ ᐃᖅᑲᓇᐃᔭᖅᑎᓄᑦ.
  2. ᐊᐱᖅᓱᕐᓃᑦ ᑲᓇᑕᒥ ᐅᓇᑕᖅᑐᒃᓴᓄᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᑕᐅᓂᕐᒧᑦ ᔭᐃᒻᔅ ᐸᐃ ᓯᒡᔭᒃᐸᓯᖓᓂ.
  3. ᐊᐱᖅᓱᕐᓂᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓄᑦ ᐊᖓᔪᖅᑳᕆᔭᐅᔪᒧᑦ ᐱᓕᕆᔨᒧᑦ.
  4. ᐊᐱᖅᓱᕐᓂᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓄᑦ ᐊᖓᔪᖅᑳᕆᔭᐅᔪᒧᑦ ᐱᓕᕆᔨᒧᑦ.
  5. Interim Guidance for the Delivery of Health Care to Reserve Force Personnel, 4090-02 (ᓯᕗᒧᐊᕈᑎ ᑲᔪᓯᑎᑦᑎᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᓂᕐᒧᑦ ᐅᑕᖅᑭᕕᖕᒦᑦᑐᓄ ᐃᖅᑲᓇᐃᔭᖅᑎᓄ 4090-02)
  6. ᑐᒡᓕᐊ ᐊᖓᔪᖅᑳᒧᑦ ᓴᐳᔾᔨᓯᒪᓂᕐᒧᑦ ᐃᖅᑲᓇᐃᔭᖅᑎᓄᑦ ᑎᑎᕋᖅᓯᒪᔪᒥ: ᐊᑐᐃᓐᓇᖃᕐᕕᐅᓂᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒧᑦ – ᐅᑕᖅᑭᕕᖕᒦᑦᑐᓄᑦ ᐃᖅᑲᓇᐃᔭᖅᑎᓄᑦ, ᓄᕕᐱᕆ 2011.
  7. Interim Guidance for the Delivery of Health Care to Reserve Force Personnel (ᓯᕗᒧᐊᕈᑎ ᑲᔪᓯᑎᑦᑎᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᓂᕐᒧᑦ ᐅᑕᖅᑭᕕᖕᒦᑦᑐᓄ ᐃᖅᑲᓇᐃᔭᖅᑎᓄ), ᑐᑭᒧᐊᕈᑎᑦ ᐊᒻᒪ ᐃᑲᔪᕐᓂᕐᒧᑦ, ᐱᓕᕆᐊᒃᓴᓪᓗᐊᑕᑦ.
  8. ᐊᐱᖅᓱᕐᓃᑦ ᓇᐅᑦᑎᖅᓱᕐᓂᕐᒧᑦ ᓯᕗᓕᖅᑎᐅᓂᕐᒧᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᒃᑯᓐᓄᑦ ᐃᓕᓴᐃᔨᐅᔪᓂ, ᑕᒪᐃᓐᓂ ᑕᓪᓕᒪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᖑᔪᓂ. ᐅᓄᖅᑐᑦ ᓇᐅᑦᑎᖅᓱᖅᑏᑦ ᓯᕗᓕᖅᑎᖏᑦ ᓇᖕᒥᓂᖅ−ᓇᓗᓇᐃᖅᓯᓚᐅᖅᑐᑦ ᐅᔾᔨᕈᓱᙱᓐᓂᖏᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ, ᑕᐃᒃᑯᐊᓗ ᐅᓇᑕᖅᑐᒃᓴᑦ.
  9. ᐃᕐᖐᓐᓈᖅᑕᐅᑦ ᑕᒡᕙᙵ ᐅᓇᑕᖅᑐᒃᓴᕕᓂᕐᓄᑦ ᑲᒪᔨᐅᔪᑦ ᑲᓇᑕᒥ ᐅᓪᓗᖓ ᐊᐃᕐᕆᓕ 4, 2017.
  10. “ᑲᔪᓯᓂᐊᕐᓗᓂ ᐱᔨᑦᑎᕋᕐᓂᕐᒥ ᑲᓇᑕᒥ ᐅᓇᑕᖅᑐᒃᓴᐅᓗᓂ ᐃᓚᒋᔭᐅᔪᖅ ᐃᒪᐃᑦᑑᔭᕆᐊᓕᒃ: a) ᑎᒥᖓ ᐊᔪᖏᑦᑎᐊᕐᓗᓂ ᐱᔭᒃᓴᒥᓂ ᑲᒪᑦᑎᐊᓂᕐᒧᑦ; ᐊᒻᒪ b) ᖁᑦᑎᓂᖅᓴᒨᓂᐊᕐᓗᓂ, ᐃᓕᓐᓂᐊᕐᓂᕐᒧᑦ ᐅᕝᕙᓘᓐᓃᑦ ᐊᒡᓚᒡᕕᓕᕆᓂᕐᒨᖓᔪᒃᑯᑦ, ᓇᐅᑦᑎᖅᓱᖃᑎᒋᔭᖏᓐᓂ, ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᒪᖓᓃᒃᑲᓐᓂᖅᑐᓂ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ”. “ᑎᒥᖓ ᐊᔪᖏᑦᑎᐊᕐᓗᓂ” ᑐᑭᓕᐅᖅᑕᐅᓯᒪᙱᑦᑐᖅ. ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎ ᐊᒻᒪ ᑐᑭᒧᐊᕈᑎ DAOD 2020-2, ᑲᓇᑕᒥ ᐅᓇᑕᖅᑐᒃᓴᒃᑯᑦ.
  11. ᑲᓇᑕᒥ ᐅᓇᑕᖅᑐᒃᓴᒃᑯᑦ ᑲᓇᑕᒥ ᐱᔪᓐᓇᕐᓂᓖᑦ ᑭᒡᓕᓯᓂᐊᖅᑕᐅᓯᒪᔪᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓴᒃᑯᑕᐅᔪᓄᑦ.
ᐊᑐᓕᖁᔭᐅᓯᒪᔪᑦ

ᐊᑐᓕᖁᔭᐅᓯᒪᔪᑦ

ᐊᑐᓕᖁᔭᐅᓯᒪᔪᖅ 1:

ᐊᑐᓕᖁᔨᒃᑲᓐᓂᓕᕐᒥᔪᒍᑦ ᑲᓇᑕᐅᑉ ᓴᐳᓐᓂᐊᖅᑎᖏᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐲᖅᓯᓗᑎ ᐊᔾᔨᐅᙱᑦᑐᓂ ᐅᖃᐅᓯᕐᓂ ᐊᑐᐊᒐᓕᕐᓂᔪᑦ ᐋᖅᑭᒃᓯᖅᑎᓪᓗᒋᑦ ᐅᓇᑕᖅᑐᒃᓴᕐᔪᐊᕕᓂᕐᓄᑦ, ᑐᕌᒐᖃᕐᓗᑎ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᐱᔭᐅᔪᓐᓇᖅᑐᓂ, ᕿᓚᒻᒥᐅᓛᒃᑯᑦ ᖄᖏᐅᑎᖏᓪᓗᑎ ᐅᐱᕐᖓᒃᓵᖓᓂ 2019.

ᐊᑐᓕᖁᔭᐅᓯᒪᔪᖅ 2:

ᐊᑐᓕᖁᔨᕗᒍᑦ ᑲᓇᑕᐅᑉ ᓴᐳᓐᓂᐊᖅᑎᖏᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᒪᓕᑦᑎᐊᕐᓗᑎ ᓴᖅᑭᔮᕙᒌᖅᑐᓂ ᐋᓐᓂᐊᓂᕐᒧᑦ ᐋᓐᓂᕐᓂᕐᒧᓪᓗ ᐅᖃᐅᓯᖃᕆᐊᖃᕐᓂᕐᒥᑦ ᐱᓕᕆᔾᔪᓯᒥ ᑲᓇᑕᒥ ᐅᓇᑕᖅᑐᐊᒃᓴᒃᑯᑦ ᓄᖅᑲᖓᑎᑕᐅᓂᐊᖏᒻᒪᑕ ᐊᑐᐃᓐᓇᖃᕐᕕᐅᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ.

ᐊᑐᓕᖁᔭᐅᓯᒪᔪᖅ 3:

ᐊᑐᓕᖁᔨᕗᒍᑦ ᑲᓇᑕᐅᑉ ᓴᐳᓐᓂᐊᖅᑎᖏᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᑲᔪᓯᑦᑎᐊᑎᑦᑎᓗᑎ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᑲᓇᑕᒥ ᐅᓇᑕᖅᑐᒃᓴᓄᑦ ᐱᔪᓐᓇᖅᑕᒥᓂ ᐃᒪᐃᓕᐅᕐᓗᑎ:

3.1 ᐱᓕᕆᖃᑎᖃᕐᓂᕐᒧᑦ ᑲᓇᑕᒥ ᐅᓇᑕᖅᑐᒃᓴᓂ ᑕᑯᓇᒡᓗᒋᑦ ᓇᓗᓇᐃᖅᓯᓂᕐᒥ ᐊᕝᕕᐊᕈᑕᐅᔪᓂ ᐊᑐᐃᓐᓇᖃᕐᕕᐅᔪᓐᓇᕐᓂᖏᓐᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᖃᕆᐊᖃᕐᓂᖏᓐᓂᒡᓗ ᐃᓅᓯᖏᓐᓄᑦ ᐊᒻᒪ ᐃᓕᖅᑯᓯᖏᓐᓄ ᑐᕌᖓᔪᓂ.

3.2 ᓇᓗᓇᐃᖅᓯᓂᕐᒥ ᐊᒻᒪ ᐊᑐᓕᖅᑎᑦᑎᓂᕐᒥ ᐱᔨᑦᑎᕋᐅᑎᒥ ᐆᒃᑑᑎᒥ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓄᑦ ᑲᒪᒋᔭᖃᑦᑎᐊᖅᑐᒥ ᓇᓗᓇᐃᖅᑕᐅᓯᒪᔪᓂ ᐱᔭᐅᔭᕆᐊᓕᖕᓂ ᑲᓇᑕᒥ ᐅᓇᑕᖅᑐᒃᓴᒃᑯᓐᓄᑦ.

ᐊᑐᓕᖁᔭᐅᓯᒪᔪᖅ 4:

ᐊᑐᓕᖁᔨᕗᒍᑦ ᑲᓇᑕᐅᑉ ᓴᐳᓐᓂᐊᖅᑎᖏᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐱᓕᕆᑦᑎᐊᕐᓗᑎ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑐᑭᓯᐅᒪᑦᑎᐊᖁᓪᓗᒋᑦ ᐱᒻᒪᕆᐅᓂᖓᓂ ᐅᖃᐅᓯᖃᕐᓂᕐᒥᑦ ᐋᓐᓂᕐᓂᐅᔪᓂ, ᖃᐅᔨᒪᓂᖅᓴᐅᖁᓪᓗᒋᑦ ᐊᒻᒪ ᐅᔾᔨᕈᓯᓐᓂᖅᓴᐅᓗᑎ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᐊᑐᐃᓐᓇᐅᔪᓂ ᐃᒪᐃᓕᐅᕐᓗᑎ:

4.1 ᑲᑎᖅᓱᖅᓯᒪᔪᑦ ᑐᑭᓯᒋᐊᕈᑎᒃᓴᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ; ᑐᓐᓂᖅᓴᐃᓂᕐᒥ ᑖᒃᑯᓂᖓ ᑐᑭᓯᒋᐊᕈᑎᓂ ᑲᓇᑕᒥ ᐅᓇᑕᖅᑐᒃᓴᓄᑦ ᐊᔾᔨᒌᙱᑦᑐᓂ ᐅᖃᐅᓯᕐᓂ ᑎᑎᕋᐅᓯᒃᑯᓪᓗ ᑕᐃᒪᐃᒋᐊᖃᕐᓂᖏᓐᓂ, ᑎᑭᓪᓗᒍ ᐅᑭᐊᒃᓵᖅ 2018.

4.2 ᑲᒪᑦᑎᐊᓂᕐᒥᑦ ᑖᒃᑯᐊ ᑐᑭᓯᒋᐊᕈᑎᑦ ᐃᓚᓕᐅᔾᔭᐅᓗᑎ ᐱᓪᓚᑦᑖᖅᑐᓄ ᐊᓯᖏᓐᓄᓪᓗ ᑐᕌᖓᖃᑕᐅᔪᓂ ᐱᓕᒻᒪᒃᓴᐅᑎᓄᑦ ᒪᓂᒪᕈᑕᐅᔪᓂ ᑲᓇᑕᒥ ᐅᓇᑕᖅᑐᒃᓴᓄᑦ, ᑎᑭᓪᓗᒍ ᐅᑭᐊᒃᓵᖅ 2018.

ᑭᖑᓪᓖᑦ ᐅᖃᐅᓯᒃᓴᑦ

ᑭᖑᓪᓖᑦ ᐅᖃᐅᓯᒃᓴᑦ

ᑕᒪᓐᓇ ᖃᐅᔨᓴᕐᓂᐅᔪᖅ ᖃᐅᔨᓯᒪᕗᖅ ᐊᔪᐃᓐᓈᕆᔭᕆᐊᓖᑦ ᑲᓇᑕᐅᑉ ᓴᐳᓐᓂᐊᖅᑎᖏᓐᓂ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ ᑐᕌᖓᔪᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ. ᑕᐃᒫᔅᓴᐃᓐᓇᖅ ᐱᔪᓐᓇᖅᑎᑕᐅᒐᓗᐊᖅᑎᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᑕᐃᒃᑯᐊᑎᑐ ᐅᑕᖅᑭᕕᖕᒦᑦᑐᓂ ᐸᐃᑉᐹᒃᑯᑦ, ᐱᓕᕆᓂᒃᑯᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐅᓄᖅᑐᓂ ᐊᕝᕕᐊᕈᑎᖃᖅᑐᑦ ᐊᑐᐃᓐᓇᖃᕐᕕᐅᓂᕐᒥ ᐱᔪᓐᓇᖅᑕᒥᓂ, ᐊᑲᐅᙱᓕᐅᕈᑎᒦᓕᖃᑦᑕᖅᑐᑦ.

ᐅᖓᓯᒃᑐᕐᒥᐅᑕᐅᓂᖏᑦ ᐅᐸᒃᑕᐅᓴᕋᐃᓐᓇᖏᑦᑐᓂᒡᓗ ᐊᒃᑐᐃᓂᖃᓲᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᑐᐃᓐᓇᖃᕐᕕᐅᓐᓂᖏᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᐸᖅᑭᔭᐅᓂᕐᒧᑦ ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᐊᑎᒍᑦ ᐊᒻᒪ ᐱᔪᓐᓇᖅᑕᒥᓂ ᑕᒡᕘᓇ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑎᒍᑦ. ᒪᑉᐱᖓᑦᑎᐊᖅᑐᒥ ᐊᒻᒪ ᐊᑑᑎᖃᑦᑎᐊᖅᑐᒥ ᐅᖃᖃᑎᒌᓂᖅ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ ᐊᒻᒪ ᑲᓇᑕᒥ ᐅᓇᑕᖅᑐᒃᓴᒃᑯᓐᓂ ᓇᓗᓇᐃᖅᓯᓂᕐᒧᑦ ᑕᒪᒃᑮᓐᓄ ᓈᒻᒪᒋᔭᐅᔪᒥ ᐊᑐᐃᓐᓇᖃᕐᕕᐅᓂᕐᒧᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᐃᑲᔫᑎᖃᑦᑎᐊᕋᔭᖅᑐᖅ.

ᐃᓚᒋᔭᐅᖃᓯᐅᑎᓗᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ, ᐱᒻᒪᕆᐅᕗᖅ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐅᔾᔨᕈᓱᑦᑎᐊᕐᓗᑎ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐱᔪᓐᓇᖅᑕᒥᓂ ᐅᑕᖅᑭᕕᖕᒦᓐᓂᖏᓐᓂ. ᑐᓴᐅᒪᙱᓗᐊᕐᓂᖏᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ ᓄᖅᑲᖓᓕᕈᑕᐅᕙᒃᑐᖅ ᐊᑐᐃᓐᓇᖃᕐᕕᐅᓂᕐᒥ ᐱᔪᓐᓇᖅᑕᒥᓂ. ᑲᔪᖏᖅᓱᖅᑕᕗᑦ ᑲᓇᑕᐅᑉ ᓴᐳᓐᓂᐊᖅᑎᖏᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᑐᑭᓯᒋᐊᕈᑎᓕᒫᓂ ᐊᒻᒪ ᑐᓴᐅᒪᔾᔪᑎᓕᒫᓂ ᑐᕌᖓᔪᑦ ᑲᓇᑕᒥ ᐅᓇᑕᖅᑐᒃᓴᓄᑦ ᐊᑐᐃᓐᓇᐅᓗᑎ ᐊᔾᔨᒋᙱᑦᑐᓂ ᐅᖃᐅᓯᕐᒥᑎᒍᑦ.

ᖃᐅᔨᓴᕐᓂᐅᔪᖅ ᓇᓗᓇᐃᖅᓯᒋᐊᓚᐅᖅᑐᖅ ᐊᒥᒐᕈᑕᐅᔪᒥ ᑲᒪᒋᔭᖃᕐᓂᐅᔪᒥ ᐊᒻᒪ ᖃᐅᔨᓴᕐᓂᕐᒥ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᓐᓂᐊᖏᑦ ᐊᒻᒪ ᐋᓐᓂᕐᓂᖏᑦ ᐊᒃᑐᐃᓂᖃᖅᑐᓂ ᓇᓗᓇᐃᖅᓯᓂᕐᒥ ᐱᔨᑦᑎᕋᕐᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒪᓄᑦ ᐱᔪᓐᓇᖅᑕᒥᓂ ᐊᒻᒪ ᑐᕌᖓᖃᓯᐅᑎᔪᓂ ᐃᑲᔫᑎᒃᓴᓄᑦ. ᑖᓐᓇ ᐊᒡᓚᒡᕕᒃ ᖃᐅᔨᓚᐅᖅᑐᖅ ᐱᓕᕆᔾᔪᓯᐅᔪᖅ ᐅᖃᐅᓯᖃᕐᓂᕐᒥᑦ ᐋᓐᓂᕐᓂᐅᔪᓂ ᓈᒻᒪᒃᑲᓗᐊᖅᑎᓪᓗᒍ, ᒪᓕᒃᑕᐅᒐᔪᙱᑦᑐᖅ ᑲᓇᑕᒥ ᐅᓇᑕᖅᑐᒃᓴᓄᑦ ᐋᓐᓂᖅᑐᓄᑦ.

ᑕᒪᓐᓇ ᖃᐅᔨᓴᕐᓂᖅ ᓇᓗᓇᐃᖅᓯᓚᐅᕐᒥᔪᖅ ᐅᓄᖅᑐᓂ ᐃᓱᒫᓘᑎᓂ ᐊᔾᔨᒌᙱᓐᓂᖓᓂ ᐅᖃᐅᓯᐅᔪᖅ ᑕᐃᑲᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐊᑐᐊᒐᖏᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒧᑦ ᐱᔭᐅᔪᓐᓇᖅᑐᓂ ᐅᑕᖅᑭᕕᖕᒦᑦᑐᓄᑦ. ᑐᑭᓯᐅᒪᑎᑦᑎᓂᖅ ᐅᖃᐅᓯᕐᓂ ᑖᒃᑯᓂᖓ ᐊᑐᐊᒐᕐᓂ ᐲᖅᓯᓂᐊᖅᐳᖅ ᑐᑭᓯᓂᕐᓗᒍᑕᐅᔪᓂ ᐃᑲᔪᕐᓗᓂᓗ ᑲᓇᑕᒥ ᐅᓇᑕᖅᑐᒃᓴᑦ ᐊᑕᐅᓐᓇᖃᕐᕕᐅᓗᑎ ᐱᔨᑦᑎᕋᐅᑎᓂ ᐃᑲᔫᑎᒃᓴᓂᒡᓗ ᐱᔪᓐᓇᖅᑕᒥᓂ.

ᐋᖅᑭᒋᐊᕐᕕᒃᓴᖅᑕᖃᖅᑐᖅ ᑲᓇᑕᐅᑉ ᓴᐳᓐᓂᐊᖅᑎᖏᓐᓂ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᑐᐃᓐᓇᖃᕐᕕᐅᖁᒧᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᒃᓴᖏᓐᓂ ᐱᔪᓐᓇᖅᑕᒥᓂ. ᑖᔅᓱᒪᐅᑉ ᐊᒡᓚᒡᕕᐅᑉ ᐊᑐᓕᖁᔭᐅᓯᒪᔪᑦ ᑐᕌᖓᕗᑦ ᑖᒃᑯᓄᖓ ᐊᒥᒐᕈᑕᐅᔪᓄᑦ ᐱᐅᓯᕚᓪᓕᖁᓪᓗᒋᑦ ᖃᓄᐃᒋᑦᑎᐊᕆᐊᖃᕐᓂᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ.

ᐃᓚᖏᑦ ᓇᓂᔭᐅᓯᒪᔪᑦ ᐊᖏᓂᖅᓴᒥᙶᖅᓯᒪᔪᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᓕᕆᕝᕕᖓᓂ, ᐱᓗᐊᖅᑐᒥ ᐃᑲᔪᖅᑎᖃᙱᓗᐊᕐᓂᖓ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᓴᐃᔨᖓ. ᐊᒡᓚᒡᕕᓕᕆᓂᕐᒨᖓᕐᔪᐊᖅᑐᑦ ᐱᔭᒃᓴᕆᔭᐅᔪᑦ ᑲᓇᑕᒥ ᐅᓇᑕᖅᑐᒃᓴᓄᑦ ᐃᓕᓴᐃᔨᓄᑦ, ᐊᒻᒪ ᐃᓕᓴᐃᔩᑦ−ᑲᓇᑕᒥ ᐅᓇᑕᖅᑐᒃᓴᓄᑦ ᓈᓴᐅᑎᖏᑦ ᑐᕌᖓᖃᓯᐅᑎᖕᒪᑕ ᐱᔪᓐᓇᕐᓂᕆᔭᖏᓐᓂᒃ ᐃᒪᐃᓕᐅᑦᑎᐊᕈᓐᓇᕐᓂᕐᒧᑦ ᐃᓕᓐᓂᐊᖅᑎᑦᑎᓂᕐᒧᑦ ᐃᑲᔪᖅᑐᐃᓂᕐᒧᓪᓗ ᑲᓇᑕᒥ ᐅᓇᑕᖅᑐᒃᓴᓂ ᓇᐅᑦᑎᖅᓱᕐᕕᒋᔭᒥᓂ. ᑖᓐᓇ ᐊᓪᓚᒡᕕᐅᔪᖅ ᐊᓕᐊᓇᐃᒍᓱᒃᐳᖅ ᑕᑯᓂᕐᒥᑦ, ᕿᒥᕐᕈᓂᐅᑉ ᐃᓚᒋᓪᓗᓂᐅᒃ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐋᖅᑭᐅᒪᓂᕆᔭᖓᓂ, ᐱᓕᕆᕝᕕᐅᔪᖅ ᐊᓯᔾᔩᓇᓱᒃᑐᖅ ᐱᔭᒃᓴᕆᔭᐅᔪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᓴᐃᔨᖏᓐᓄᑦ. ᑲᔪᖏᖅᓴᖅᑕᐅᑎᓪᓗᒍ ᐱᕙᓪᓕᐊᓂᐅᔪᒥ, ᓱᓕ ᐱᓕᕆᐊᖃᕆᐊᖃᖅᑐᑦ ᑕᒡᕙᓂ.

 


 

ᐅᐃᒍᖓ A – ᐋᖅᑭᐅᒪᓂᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ

ᐅᐃᒍᖓ A – ᐋᖅᑭᐅᒪᓂᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ

  1. ᐋᖅᑭᐅᒪᓂᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐱᓕᕆᕝᕕᖓ

L’organigramme présente la structure organisationnelle de l’organisation des Rangers canadiens :

Commandement des opérations interarmées du Canada

Armée canadienne

  • Autorité nationale des Rangers canadiens
  • Groupe de patrouille des Rangers canadiens
    • Patrouille 1
    • Patrouille 2
ᐅᐃᒍᖓ A – ᐋᖅᑭᐅᒪᓂᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ

ᐅᐃᒍᖓ A – ᐋᖅᑭᐅᒪᓂᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ

  1. ᐋᖅᑭᐅᒪᓂᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᖅᑎᖏᓐᓂ

L’organigramme présente la structure organisationnelle des patrouilles de Rangers canadiens :

Sergent

Se rapportant directement au sergent :

  • Caporal-chef de patrouille
  • Caporal-chef
  • Caporal-chef
  • Caporal-chef

Se rapportant directement à chaque caporal-chef :

  • Caporal

Se rapportant directement à chaque caporal :

  • Soldat
  • Soldat
  • Soldat
  • Soldat
  • Soldat
  • Soldat
  • Soldat
  • Soldat
ᐅᐃᒍᖓ A – ᐋᖅᑭᐅᒪᓂᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ

ᐅᐃᒍᖓ A – ᐋᖅᑭᐅᒪᓂᖏᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ

  1. ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ

 

ᐃᓛᒃᑰᖓᔪᖅ*ᓇᐅᑦᑎᖅᓱᖅᑏᑦ ᖃᔅᓯᐅᓂᖏᑦ ᑲᑎᓪᓗᒋᑦ ᐅᓇᑕᖅᑐᒃᓴᑦ** ᑲᑎᓪᓗᒋᑦ ᐅᓪᓗᓕᒫᖅ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᑎᓄᑦ ᐅᓇᑕᖅᑐᒃᓴᒧᑦ** ᖃᔅᓯᐅᓂᖏ 
1 ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ   60  3350  63  1:53
 2 ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ  25  1567  42 1:37 
 3 ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ  20 1290   39 1:33 
 4 ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ 42  1907   69  1:28
5 ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ   32  1248 50   1:25

 – *ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ

– **ᐃᓚᒋᓪᓗᓂᒡᔪᒃ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓄᑲᖅᖡᑦ

ᐅᐃᒍᖓ B – ᐃᓚᒋᔭᐅᔪᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑲᑐᔾᔨᖃᑎᒌᓄᑦ

ᐅᐃᒍᖓ B – ᐃᓚᒋᔭᐅᔪᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑲᑐᔾᔨᖃᑎᒌᓄᑦ

ᑲᓇᑕᒥ ᐅᓇᑕᖅᑐᒃᓴᒃᑯᑦ ᑲᓇᑕᒥ ᐱᔪᓐᓇᕐᓂᓖᑦ: ᐊᖓᔪᖅᑳᕆᔭᐅᔪᖅ ᑲᓇᑕᒥ ᐅᓇᑕᖅᑯᒃᓴᕐᔪᐊᒃᑯᓐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᑲᓇᑕᒥ ᐱᔪᓐᓇᕐᓂᓖᑦ. ᑖᒃᑯᐊ ᐱᔪᓐᓇᕐᓂᓖᑦ ᑎᓕᔭᐅᓯᒪᔪᖅ ᑖᒃᑯᓄᖓ ᐊᖓᔪᖅᑳᒧᑦ ᐅᓇᑕᖅᑐᒃᓴᕐᔪᐊᒃᑯᑦ ᐅᑕᖅᑭᕕᖓᓃᑦᑐᓂ,1 ᑲᓇᑕᒥ ᐅᓇᑕᖅᑐᒃᓴᒃᑯᑦ ᑲᓇᑕᒥ ᐱᔪᓐᓇᕐᓂᓖᑦ ᐱᔭᒃᓴᖃᖅᐳᖅ ᐋᖅᑭᒃᓱᐃᓂᕐᒥ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᑐᐊᒐᖏᓐᓂ ᐊᐅᓚᑦᑎᓂᕐᒥᓪᓗ ᑕᒪᐃᓐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᓂᕐᒥ (ᐃᓚᒋᓪᓗᓂᐅᒃ ᐊᒡᓚᒡᕕᓕᕆᓂᖅ, ᑮᓇᐅᔭᓕᕆᓂᖅ, ᐱᖁᑎᓕᕆᓂᖅ ᐊᒻᒪ ᓱᓇᒃᑯᑖᓂ ᐊᐅᓚᑦᑎᓂᕐᒥ, ᐱᓕᒻᒪᒃᓴᐃᓂᕐᒥᓪᓗ).2

ᑲᓇᑕᒥ ᑲᑕᔾᔨᑎᒌᒃᑐᑦ ᐊᐅᓚᑦᑎᓂᕐᒧᑦ: ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓄ ᐱᓕᕆᐊᖃᓲᖅ ᐊᖏᕐᕋᒥᓂ, ᓄᐊᔅ ᐊᒥᐊᓕᑲᒥ, ᓯᓚᕐᔪᐊᓕᒫᒥᓪᓗ. ᑲᓇᑕᒥ ᑲᑕᔾᔨᑎᒌᒃᑐᑦ ᐊᐅᓚᑦᑎᓂᕐᒧᑦ ᑐᑭᒧᐊᒃᑎᑦᑎᓲᑦ ᐊᐅᓪᓚᕐᓂᐅᔪᓂ ᐸᕐᓇᐅᓂᕐᒧᑦ ᐃᓱᓕᑦᑎᓂᖏᓐᓄᑦ ᐊᒻᒪ ᖃᐅᔨᓴᑦᑎᐊᓲᑦ ᑲᓇᑕᒥ ᐅᐸᓗᖓᐃᔭᖅᑕᐅᓯᒪᔪᓄᑦ ᑐᕌᒐᕆᔭᐅᔪᑦ ᑎᑭᐅᒪᔭᐅᑦᑎᐊᕋᓗᐊᕐᒪᖔᑦ. ᑭᐅᓴᕋᐃᕙᒃᑐᑦ ᐊᐅᓚᓂᕆᔭᖏᓐᓂᒃ ᐃᒪᐃᓕᐅᖅᖢᑎ:

  • ᐱᕙᒌᔭᖅᓯᒪᓂᕐᒧᑦ ᑐᐊᕕᓐᓇᖅᑐᓄᑦ; ᐊᒻᒪ
  • ᐋᖅᑭᒃᓱᐃᓂᕐᒥ ᐊᑐᖅᑕᐅᔪᒃᓴᓴᓂ ᐱᓕᕆᔾᔪᓯᓂᒡᓗ ᑎᓕᓯᓂᕐᒧᑦ−ᐊᒻᒪ−ᑲᒪᒋᔭᖃᕐᓂᕐᒧᑦ, ᖃᐅᔨᕚᓪᓕᕋᓱᖕᓂᒥ ᐊᒻᒪ ᐃᑲᔪᖅᓱᐃᓂᕐᒧᑦ ᐊᑐᖅᑕᐅᔪᓐᓇᕐᓗᓂ ᐅᕝᕙᓘᓐᓃᑦ ᐅᓄᖅᓯᕚᓪᓕᖅᑎᑕᐅᔪᓐᓇᕐᓗᑎ ᕿᓚᒥᑯᓗᒃ.3

ᑐᑭᒧᐊᒃᑎᑦᑎᔨ ᐅᓇᑕᕐᓂᕐᒧᑦ ᐋᓐᓂᖅᑐᓄᑦ ᐃᑲᔪᖅᑐᐃᓂᕐᒧᑦ ᐊᐅᓚᑦᑎᓂᕐᒥ: ᐃᑲᔪᖅᓱᐃᔪᑦ ᐊᒻᒪ ᐱᔨᑦᑎᕋᖅᑐᑦ ᐋᓐᓂᐊᔪᓄᑦ ᐋᓐᓂᖅᑐᓄᒡᓗ ᐅᓇᑕᖅᑐᒃᓴᕐᔪᐊᑦ ᐃᖅᑲᓇᐃᔭᖅᑎᖏᓐᓂ – ᐱᔨᑦᑎᕋᖅᑐᓄᑦ ᐊᒻᒪ ᐃᓱᓕᑦᑎᓯᒪᔪᓄᑦ – ᐃᓚᓪᓚᑦᑖᒥᓄᑦ ᐊᒻᒪ ᐃᓚᓪᓚᑦᑖᕆᔭᐅᔪᓄᑦ ᑐᖁᖓᔪᒧᑦ, ᑕᐃᑰᓇ ᑲᑐᔾᔨᖃᑎᒌᓂᒃᑯᑦ ᐃᖅᑲᓇᐃᔭᖅᑎᓂ ᐃᑲᔪᖅᓱᐃᓂᒃᑯᑦ.4

ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ: 5,000−ᖏᓐᓃᐸᓗᒃᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᕕᒃᑐᖅᓯᒪᔪᑦ ᑕᓪᓕᒪᓄᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂ, ᐊᑐᓂ ᖃᐅᔨᓴᓲᑦ ᐋᖅᑭᒃᓱᖅᑕᐅᓯᒪᔪᓂ ᓄᓇᓂ. ᐊᑐᓂ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᖑᔪᑦ ᐃᓚᖃᖅᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓂ ᓇᐅᑦᑎᖅᓱᖅᑎᓂ, ᐅᓄᖅᑐᑦ ᐅᖓᓯᑦᑐᕐᒥᐅᑕᐅᓪᓗᑎ, ᐅᐊᖕᓇᖓᓂ 60th ᑭᒡᓕᙳᐊᓕᖅᑕᐅᓯᒪᔪᒧᑦ ᓄᓇᕐᔪᐊᕐᒥ.5 ᐊᑐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ ᐅᓇᖅᑕᖅᑐᒃᓴᖁᑎᓖᑦ ᐅᕝᕙᓘᓐᓃᑦ ᐅᑕᖅᑭᕕᖕᒦᑦᑐᒥ ᐃᓚᒋᔭᒥ ᐱᔭᒃᓴᖃᖅᑎᑕᐅᔪᒥ ᖃᖓᒃᑯᑦ ᕿᒥᕐᕈᐊᓂᕐᒥ, ᐳᓚᕋᕐᓂᕐᒥᑦ ᐊᒻᒪ ᖃᐅᔨᓴᕐᓂᕐᒥᑦ ᓇᐅᑦᑎᖅᓱᕐᓂᖏᓐᓂ.6

ᐊᖓᔪᖅᑳᕆᔭᐅᔪᖅ ᐱᓕᕆᔨ: ᐊᑐᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ ᓯᕗᓕᖅᑎᖃᖅᑐᑦ ᐊᖓᔪᖅᑳᕐᒥ ᐱᓕᕆᔨᒥ ᖁᑦᑎᖕᓂᓕᖕᒥ ᓗᑕᓇᑦ ᑰᓇᒥ. ᐱᔭᒃᓴᖃᖅᑎᑕᐅᔪᑦ ᑕᒪᐃᓐᓄᓕᒫᑦ ᑐᕌᖓᔪᓂ ᐊᓪᓚᒡᕕᓕᕆᓂᕐᒨᖓᔪᓂᒃ ᐊᒻᒪ ᐊᐅᓚᑦᑎᓂᕐᒥᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᖑᔪᓄᑦ.

ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᓴᐃᔨᖓ: ᑲᒪᒋᔭᖃᓪᓗᐊᑕᓲᖅ ᐅᐊᑦᑎᓂᕐᒥ ᐊᒻᒪ ᐱᓕᒻᒪᒃᓴᐃᓂᕐᒥᑦ ᑲᓇᑕᒥ ᐅᓇᑕᖅᑐᒃᓴᓂᒃ ᓇᐅᑦᑎᖅᓱᖅᑎᓂ. ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᓴᐃᔨᖏᑦ ᓵᔨᓐᑦ−ᖑᒐᔪᒃᑐᑦ ᐅᕝᕙᓘᓐᓃᑦ ᐅᐊᕋᓐᑦ ᐋᕕᓱ ᐅᓇᑕᖅᑐᒃᓴᒃᑯᓐᓂᙶᖅᑐᑦ ᐅᕝᕙᓘᓐᓃᑦ ᐱᓕᕆᕝᕕᐅᔪᓂ, ᐅᓂᒃᑳᖅᐸᒃᖢᑎᒃ ᐊᖏᔪᖅᑲᐅᑎᓄᑦ ᖁᑦᑎᖕᓂᓕᕇᒃᑐᓂ. ᑕᐃᒪᐃᓐᓂᖏᓐᓄᑦ, ᒪᓕᒋᐊᖃᕐᒥᔪᑦ ᐱᔨᑦᑎᕋᕐᓂᕐᒧᑦ, ᑕᐃᒃᑯᐊᓕ ᑲᓇᑕᒥ ᐅᓇᑕᖅᑐᒃᓴᒃᑯᑦ ᖃᐅᔨᓴᖅᑕᒥᓂ ᑕᐃᒪᐃᑉᐸᖏᑦᑐᓪᓕ. ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᓴᐃᔨᖏᑦ ᑲᒪᒋᔭᖃᓲᑦ ᐱᓕᒻᒪᒃᓴᐃᓂᕐᒥᑦ ᑲᓇᑕᒥ ᐅᓇᑕᖅᑐᒃᓴᓂᒃ.

ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᑦ: ᐊᑐᓂ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᖑᔪᑦ ᐃᓚᖃᖅᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓂ ᓇᐅᑦᑎᖅᓱᖅᑎᓂ ᑲᒪᒋᔭᖃᓲᑦ ᓄᓇᖁᑎᒥᓂ ᐱᔭᒃᓴᖃᖅᑎᑕᐅᓪᓗᑎ. ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᖅᑏᑦ ᐃᓚᖃᖅᐳᑦ ᓇᐅᑦᑎᖅᓱᖅᑏᑦ ᓯᕗᓕᖅᑎᖏᓐᓂ, ᐊᒻᒪ ᑲᓇᑕᒥ ᐅᓇᑕᖅᑐᒃᓴᓂᑦ, ᐃᓕᓐᓂᐊᖅᓯᒪᔪᓂ ᑲᒪᒋᔭᐅᕙᒃᖢᑎᒡᓗ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᓴᐃᔨᒧᑦ.

ᓇᐅᑦᑎᖅᓱᖅᑏᑦ ᓯᕗᓕᖅᑎᖏᑦ: ᓇᐅᑦᑎᖅᓱᖅᑏᑦ ᓯᕗᓕᖅᑎᖏᑦ ᐃᓚᖃᖅᑐᑦ ᑕᒪᕐᒥᑲᓴᑦ ᓄᓇᓕᖏᒥᐅᑕᐅᓪᓗᑎ ᐅᓇᑕᖅᑐᒃᓴᐅᓂᑰᓪᓗᑎ. ᓇᐅᑦᑎᖅᓱᖅᑏᑦ ᓯᕗᓕᖅᑎᖏᑦ ᐃᓚᖃᖅᐳᑦ ᐊᑕᐅᓯᕐᒥ ᓵᔨᓐᑦᒥ ᐊᖓᔪᖅᑳᒥ, ᖁᑦᑎᓂᖅᐹᖑᔪᖅ ᑯᐊᐳᕈ ᐊᒻᒪ ᑯᐊᐳᕈᒥ ᐊᑐᓂ ᐊᕕᒃᑐᖅᓯᒪᔪᓄᑦ. ᓇᐅᑦᑎᖅᓱᖅᑏᑦ ᓯᕗᓕᖅᑎᖏᑦ ᐊᖏᖅᑕᐅᓲᑦ ᑖᔅᓱᒧᖓ ᐊᖓᔪᖅᑳᕆᔭᐅᔪᖅ ᐱᓕᕆᔨᒧᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂᑦ ᐊᑐᓕᖁᔭᐅᔪᒥ ᓯᕗᓕᖅᑎᐅᔪᓂ ᓇᐅᑦᑎᖅᓱᖅᑏᑦ ᓄᓇᓕᖓᓂ.

ᑲᓇᑕᒥ ᐅᓇᑕᖅᑐᒃᓴᒃᑯᑦ: ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓚᖓᓃᒃᑲᓐᓂᖅᑐᑦ ᐅᑕᖅᑭᕕᖕᒦᑦᑐᓂ ᑕᐃᑲᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ (CAF). ᐃᒪᐃᓕᖓᑎᑦᑎᓲᑦ “ᑲᓇᑕᒥ ᐅᓇᑕᖅᑐᒃᓴᕐᔪᐊᓂ ᐃᓄᖃᑎᑦᑎᓲᖑᕗᑦ ᑕᐃᒃᑯᓄᖓ ᐅᖓᓯᒃᑐᓄᑦ ᓄᓇᓕᖕᓄᑦ ᐅᑭᐅᖅᑕᖅᑐᒥ, ᓯᒡᔭᓂ ᐊᒻᒪ ᐅᐸᒃᑕᐅᓴᕋᐃᓐᓇᖏᑦᑐᓂ ᐅᕝᕙᓘᓐᓃᑦ ᐊᑭᑐᓗᐊᕐᓂᖓᓄᑦ ᐃᓄᖃᐃᓐᓇᕈᓐᓇᖏᑦᑐᑦ ᐊᓯᖏᓐᓄᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ”.7 ᐱᒻᒪᕆᐅᔪᒥ ᐱᔭᒃᓴᖃᖅᑐᑦ ᐃᑲᔪᕐᓂᕐᒥ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐃᓚᒋᔭᖏᓐᓂ ᓄᓇᓕᖕᓂ ᖃᐅᔨᒪᓂᖃᑦᑎᐊᖅᑐᑎ, ᓯᕗᓕᖅᑎᐅᓪᓗᑎ ᐊᒻᒪ ᐅᖃᐅᔾᔨᓲᖑᓪᓗᑎ, ᐅᑭᐅᖅᑕᖅᑐᒥ ᓈᓚᒡᕕᕕᓂᕐᓂ ᓇᐅᑦᑎᖅᓱᓲᖑᓪᓗᑎ, ᓄᓇᓕᖕᓂᓗ ᐃᑲᔪᓲᖑᓪᓗᑎ ᕿᓂᕐᓂᐅᔪᓂ ᐸᖅᓴᕐᓂᐅᔪᓂᒡᓗ.8


  1. http://www.army-armee.forces.gc.ca/en/canadian-rangers/organization-patrols.page
  2. http://intranet.mil.ca/en/defence-admin-orders-directives/2000/2020-2.page
  3. http://www.forces.gc.ca/en/about-org-structure/canadian-joint-operations-command.page
  4. http://www.forces.gc.ca/en/caf-community-support-services-casualty-support/index.page
  5. http://www.army-armee.forces.gc.ca/en/canadian-rangers/faq.page
  6. http://www.army-armee.forces.gc.ca/en/canadian-rangers/organization-patrols.page
  7. ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎᑦ ᐊᒻᒪ ᑐᑭᒧᐊᕈᑎ 2020-2, ᑲᓇᑕᒥ ᐅᓇᑕᖅᑐᒃᓴᒃᑯᑦ.
  8. http://www.army-armee.forces.gc.ca/en/canadian-rangers/faq.page
ᐅᐃᒍᖓ C – ᖃᐅᔨᓴᕐᓂᕐᒧᑦ ᐱᓕᕆᔾᔪᓯᖅ

ᐅᐃᒍᖓ C – ᖃᐅᔨᓴᕐᓂᕐᒧᑦ ᐱᓕᕆᔾᔪᓯᖅ

ᖃᐅᔨᓴᖅᑏᑦ ᓄᐊᑦᑎᓚᐅᖅᑐᑦ ᑐᑭᓯᒋᐊᕈᑎᓂ ᔮᓐᓄᐊᓕᒥ ᐊᐃᕐᕆᓕᒧ 2017-ᒥ ᕿᒥᕐᕈᐊᓂᒃᑯᑦ ᑎᑎᕋᖅᓯᒪᔪᓂ ᐊᒻᒪ ᐊᐱᖅᓱᕐᓂᐅᔪᓂ.

ᐊᐱᖅᓱᕐᓃᑦ ᑲᔪᓯᑎᑕᐅᓚᐅᖅᑐᑦ ᐱᓕᕆᔨᒻᒪᕆᖕᓄᑦ ᖃᐅᔨᒪᓂᖃᑦᑎᐊᖅᑐᓂ ᑖᒃᑯᓇᙵᑦ ᐱᓕᕆᕝᕕᐅᔪᓂ:

  • ᑲᓇᑕᒥ ᐅᓇᑕᖅᑐᒃᓴᒃᑯᑦ (125) ᑕᒪᐃᓐᓂ ᑕᓪᓕᒪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂᑦ
  • ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓕᓴᐃᔨᖏᑦ (20) ᑕᒪᐃᓐᓂ ᑕᓪᓕᒪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂᑦ
  • ᓵᐸᓚᐃᔅ/ᐹᑐᕆ (7) ᑕᒪᐃᓐᓂ ᑕᓪᓕᒪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂᑦ
  • ᐊᖓᔪᖅᑳᕆᔭᐅᔪᑦ ᐱᓕᕆᔩᑦ (5) ᑕᒪᐃᓐᓂ ᑕᓪᓕᒪᓂ ᑲᓇᑕᒥ ᐅᓇᑕᖅᑐᒃᓴᒃᑯᑦ ᓇᐅᑦᑎᖅᓱᕐᓂᕐᒧᑦ ᑲᑐᔾᔨᖃᑎᒌᓂᑦ
  • ᑲᓇᑕᒥ ᐅᓇᑕᖅᑐᒃᓴᒃᑯᑦ ᑲᓇᑕᒥ ᐱᔪᓐᓇᕐᓂᓖᑦ
  • ᑲᓇᑕᒥ ᑲᑕᔾᔨᑎᒌᒃᑐᑦ ᐊᐅᓚᑦᑎᓂᕐᒧᑦ
  • ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑏᑦ
  • ᑐᑭᒧᐊᒃᑎᑦᑎᔨ, ᐅᓇᑕᕐᓂᕐᒧᑦ ᐋᓐᓂᖅᑐᓄᑦ ᐃᑲᔪᖅᑐᐃᓂᕐᒧᑦ ᐊᐅᓚᑦᑎᓂᕐᒥ
  • ᑐᑭᒧᐊᒃᑎᑦᑎᔨ, ᐃᖅᑲᓇᐃᔭᖅᑐᓕᕆᓂᕐᒧᑦ ᑐᑭᓯᒋᐊᕈᑎᓂ ᐊᐅᓚᑦᑎᓂᕐᒧᑦ
  • ᐊᒡᓚᒡᕕᓕᕆᖤᕐᒧᑦ ᖃᐅᔨᓴᕐᓂᕐᒧᑦ ᐃᑲᔪᖅᓱᑐᐃᕕᒃ
  • ᑐᑭᒥᐊᒃᑎᑦᑎᔨ, ᐋᓐᓂᐊᖅᑐᓕᕆᓂᕐᒧᑦ ᐱᖁᔭᕐᓄᑦ
  • ᑐᑭᒧᐊᒃᑎᑦᑎᔨ, ᐅᓇᑕᖅᑐᒃᓴᓂᑦ ᐃᖅᑲᓇᐃᔮᒃᓴᓄᑦ ᐊᒡᓚᒡᕕᓕᕆᓂᕐᒧᑦ ᑐᑭᒧᐊᒃᑎᑦᑎᔨ, ᐊᑦᑕᕐᓇᖅᑕᐃᓕᒪᓂᕐᒧᑦ
  • ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ
  • ᐅᓇᑕᖅᑐᒃᓴᕕᓂᕐᓄᑦ ᑲᒪᔨᐅᔪᑦ ᑲᓇᑕᒥ

ᑖᒃᑯᐊ ᑎᑎᖅᑲᑦ ᕿᒥᕐᕈᔭᐅᓚᐅᖅᑐᑦ:

  • ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᒪᓕᒐᖏᑦ, ᐊᑐᐊᒐᖏᑦ, ᑐᑭᒧᐊᕈᑎᖏᑦ
  • ᑲᓇᑕᐅᑉ ᓴᐳᓐᓂᐊᖅᑎᖏᑦ ᐊᒻᒪ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᖃᐅᔨᓴᖅᑎᕐᔪᐊᖓ ᐅᓂᒃᑳᖏᑦ ᑎᑎᖅᑲᖁᑎᖏᓪᓗ
  • ᐊᖓᔪᖅᑳᕆᔭᐅᔪᖅ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᖁᑦᑎᓂᖅᐹᒥ ᐊᑐᓕᖅᑎᑦᑎᓂᕐᒧᑦ ᑐᑭᒧᐊᕈᑎ
  • ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᔾᔪᑎ
  • ᐱᕙᓪᓕᐊᔪᒃᑯᑦ ᑎᑎᖅᑲᑦ
  • ᐃᑭᐊᖅᑭᕖᑦ ᐃᓚᖃᖅᑐᑦ ᑲᓇᑕᐅᑉ ᓴᐳᓐᓂᐊᖅᑎᖏᓐᓂᒃ ᐃᓗᐊᓃᑦᑐᓄᑦ
ᐅᐃᒍᖓ D – ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᐸᖕᓂᖏᑦ ᑲᓇᑕᒥ

ᐅᐃᒍᖓ D – ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᖅᐸᖕᓂᖏᑦ ᑲᓇᑕᒥ

ᑲᓇᑕᐅᑉ ᒪᓕᒐᖏᑎᒍᑦ, ᐊᕕᒃᑐᖅᓯᒪᓃᑦ ᐊᒻᒪ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓃᑦ ᐱᔭᒃᓴᖃᖅᐳᑦ ᑲᒪᒋᔭᐊᖃᕐᓂᕐᒥᑦ ᐊᒻᒪ ᑲᔪᓯᑎᑦᑎᓂᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓂ ᓄᓇᒋᔭᒥᓂ ᐃᓂᖓᓂ.1 ᑲᓇᑕᐅᑉ ᒐᕙᒪᖏᑦ ᐱᔭᒃᓴᖃᖅᐳᖅ ᑲᔪᓯᑎᑦᑎᓂᕐᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓂ ᑲᑐᔾᔨᖃᑎᒌᓄᑦ ᓄᓇᓕᖁᑎᒥᓂ, ᓲᕐᓗ ᓄᓇᖃᖅᑳᖅᓯᒪᔪᓂ, ᐃᓚᒋᔭᐅᔪᓂ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ, ᐅᓇᑕᖅᑐᒃᓴᕐᔪᐊᕕᓃᑦ, ᐊᒻᒪ ᑎᒍᔭᐅᓯᒪᔪᓂ ᑲᓇᑕᐅᑉ ᑎᒍᔭᐅᒪᕕᒡᔪᖓᖏᓐᓂ.2

ᑲᓇᑕᒥᐅᑕᓕᒫᐸᓗᑦ, ᑕᐃᒃᑯᐊᓗ ᓄᓇᓕᖕᓃᑦᑐᑦ ᑲᓇᑕᒥ ᐅᓇᑕᖅᑐᒃᓴᒃᑯᑦ ᐊᐅᓚᓂᖃᓲᓂᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᖏᓐᓂ ᐱᕙᒃᑐᑦ ᐊᕕᒃᑐᖅᓯᒪᓂᐅᔪᓂ ᐅᕝᕙᓘᓐᓃᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᓄᓇᒋᔭᒥᓂ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ ᑕᒪᒃᑯᓂᖓ ᐅᖃᐅᓯᖃᓚᐅᖅᑐᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓂ ᐊᑐᐃᓐᓇᐅᓂᖏᓐᓂ ᐅᖓᓯᒃᑐᒦᑦᑐᓂ ᓄᓇᓕᖕᓂ:

“ᐊᑖᒍᑦ ᐊᑐᐃᓐᓇᖃᕐᕕᐅᓂᕐᒧᑦ ᒪᓕᒃᑕᐅᔭᕆᐊᓕᖕᓂᒃ ᑲᓇᑕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᖁᔭᕐᒥ, ᐊᕕᒃᑐᖅᓯᒪᓂᐅᔪᓂ ᐊᒻᒪ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᓇᓪᓕᐅᒃᑯᒫᑦ ᓂᕆᐅᒋᔭᐅᕗᑦ ᐊᑐᐃᓐᓇᐅᑎᑦᑎᓂᕐᒥ ᓇᓪᓕᐅᒃᑯᒫᓂ ᐱᔨᑦᑎᕋᐅᑎᓂ, ᐊᑐᐃᓐᓇᐅᑎᓪᓗᒋᑦ. ᑕᒪᓐᓇ ᐅᖃᖏᑦᑐᖅ ᑕᐃᒪᐃᖁᔨᓗᓂ ᐊᕕᒃᑐᖅᓯᒪᓂᐅᔪᓂ ᐊᒻᒪ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᐱᔨᑦᑎᕋᖁᔨᓗᑎ ᐅᖓᓯᒃᑐᒥ ᐃᓂᒋᔭᐅᔪᓂ, ᑐᑭᖃᖅᐳᖅ ᑖᒃᑯᐊ ᐱᔨᑦᑎᕈᑏᑦ ᐊᑐᐃᓐᓇᐅᑎᑕᐅᑎᓪᓗᒋᑦ ᐅᖓᓯᒃᑐᒥ ᐃᓂᒋᔭᐅᔪᓂ ᐱᔪᓐᓇᖅᑎᑕᐅᔭᕆᐊᓖᑦ ᐱᔪᓐᓇᕐᓗᑎ ᑕᐃᒫᔅᓱᐃᓐᓇᖅ ᐃᓄᖁᑎᒋᔭᐅᔪᑦ ᑕᐃᒪᐃᒍᓐᓇᕐᒪᑕ. ᖃᓄᑐᐃᓐᓇᖅ ᐱᓕᕆᔾᔪᓰᑦ ᐊᑐᖅᑕᐅᔪᑦ ᐊᑐᐃᓐᓇᖃᕐᓂᕐᒥᑦ ᑲᓇᑕᒥᐅᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒧᑦ ᐅᐸᒃᑕᐅᓴᕋᐃᓐᓇᖏᑦᑐᓂ ᓄᓇᓕᖕᓂ ᑲᒪᒋᔭᐅᔪᖅ ᐊᕕᒃᑐᖅᓯᒪᓂᐅᔪᓂ/ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓄᑦ ᐸᕐᓇᐅᑎᓂ ᐱᔭᒃᓴᕆᒻᒪᔾᔪᒃ ᐊᐅᓚᑦᑎᓂᕐᒥ ᓇᖕᒥᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓄᑦ ᐸᕐᓇᐅᑎᓂ.”3

ᑖᒃᑯᐊ ᐊᔪᐃᓐᓈᕆᔭᕆᐊᓖᑦ ᓄᑖᙳᖏᑦᑐᖅ ᑲᓇᑕᒥ ᐅᓇᑕᖅᑐᒃᓴᓄᑦ, ᑭᓯᐊᓂ ᓱᓕᓂᐅᕗᖅ ᐅᓄᖅᑐᓄᑦ ᑲᓇᑕᒥᐅᓄᑦ ᐊᖏᕐᕋᖃᖅᑐᓄᑦ ᐅᐸᒃᑕᐅᓴᕋᐃᓐᓇᖏᑦᑐᓂ ᐅᖓᓯᒃᑐᓂᒡᓗ ᓄᓇᓕᖕᒥᐅᑕᐅᔪᓂ.4 ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ ᓇᓪᓕᐅᒃᑯᒫᖃᙱᑦᑐᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᑲᔫᓯᐊᒃᓴᖏᑦ ᐃᑲᔪᓲᖅ ᐊᕕᒃᑐᖅᓯᒪᓂᐅᔪᓂ ᐊᒻᒪ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓄᑦ ᐱᔪᓐᓇᖅᑎᑕᐅᓯᒪᔪᓄᑦ ᐊᑎᓕᐅᖃᑕᐅᓯᒪᔪᓄᑦ ᐊᓪᓚᓄᑦ ᐊᒻᒪ ᐃᓕᓴᕆᔭᐅᓯᒪᔪᓄᑦ ᐃᓄᖕᓄᑦ. ᐱᓕᕆᐊᒃᓴᖅ ᐊᑐᐃᓐᓇᐅᑎᑦᑎᓲᖅ ᑭᒡᓕᖃᖅᑐᓂ ᐊᔾᔨᒌᙱᑦᑐᓂ ᐋᓐᓂᐊᓂᕐᒧᑦ ᐱᔭᐅᔭᕆᐊᓕᖕᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ−ᑐᕌᖓᔪᓂ ᐱᑦᑎᕋᐅᑎᓂ ᐃᒻᒥᒃᑰᖓᔪᒥ ᓇᓪᓕᐅᒃᑯᒫᓄᑦ ᐊᑐᐃᓐᓇᐅᑎᑕᐅᙱᑦᑐᓂ, ᐊᕕᒃᑐᖅᓯᒪᓂᐅᔪᓂ/ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᕝᕙᓘᓐᓃᑦ ᐃᓄᓕᕆᓂᕐᒧᑦ ᐱᓕᕆᐊᒃᓴᓄᑦ, ᐅᕝᕙᓘᓐᓃᑦ ᐊᓯᐊᓂ ᐃᓄᓕᒫᓄᑦ

ᑮᓇᐅᔭᖃᖅᑎᑕᐅᔪᓄᑦ ᐱᓕᕆᐊᒃᓴᓄᑦ.5 ᐱᔾᔪᑎᖃᖅᐳᖅ ᐃᑲᔪᓐᓂᕐᒥ ᐱᔨᑦᑎᕋᖅᑕᐅᔪᓂ ᐊᑐᐃᓐᓇᖃᕐᕕᐅᖁᓪᓗᒋᑦ ᐋᓐᓂᐊᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓂ ᓄᓇᖓᓂ ᐊᑐᐃᓐᓇᐅᖏᑦᑐᓂ ᐅᕝᕙᓘᓐᓃᑦ ᓄᓇᓕᖓᓂ ᐃᓂᒋᔭᒥᓂ, ᐃᓚᒋᓗᓂᐅᒃ ᐋᓐᓂᐊᕕᖕᒧᑦ ᐊᐅᓪᓚᕆᐊᖃᕐᓂᐅᔪᖅ. ᑲᓇᑕᒥ ᐅᓇᑕᖅᑐᒃᓴᒃᑯᑦ ᐃᓚᖏᑦ ᐅᖃᓚᐅᖅᑐᑦ ᑖᔅᓱᒥᖓ ᐱᓕᕆᐊᒃᓴᒥ ᐊᑐᖅᓯᒪᓂᖏᓐᓂ ᐊᔾᔨᐅᙱᑦᑐᒧ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓄᑦ,6 ᑭᓯᐊᓂ, ᓘᒃᑖᒧᑦ ᑕᑯᔭᒃᓴᙳᖅᑎᐅᔭᕆᐊᓖᑦ ᐱᔪᓐᓇᓂᕐᒧᑦ, ᐊᑯᓂᐊᓗᒃ ᐅᑕᖅᑭᓇᓲᖑᓪᓗᓂ ᓘᒃᑖᒧᑦ ᑕᑯᔭᐅᓂᕐᒧᑦ ᐃᓂᒃᓴᓕᐅᕈᔾᔭᐅᓂᕐᒧᑦ.

ᐅᓪᓗᓕᒫᒧᑦ ᐃᓚᒋᔭᐅᔪᑦ ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᓐᓂ7 ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᐱᕙᒃᑐᑦ ᐅᓇᑕᖅᑐᒃᓴᕐᔪᐊᒃᑯᓐᓂ, ᑕᐃᒪᐃᓐᓂᖏᓐᓄᑦ ᐊᕕᒃᑐᖅᓯᒪᓂᐅᔪᓂ ᐅᕝᕙᓘᓐᓃᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᓄᓇᒋᔭᒥᓂ. ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐃᓚᒋᔭᐅᔪᑦ ᐅᓪᓗᓕᒫᑉᐸᖏᑦᑐᑦ ᐊᑐᐃᓐᓇᖃᕐᕕᐅᖏᑦᑐᕐᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓇᓪᓕᐅᒃᑯᒫᓂ ᐅᓇᑕᖅᑐᒃᓴᕐᔪᐊᒃᑯᓐᓂ ᓇᓪᓕᐅᒃᑯᒫᖃᖅᑎᑕᐅᔪᑦ ᐊᕕᒃᑐᖅᓯᒪᓂᐅᔪᓂ/ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᓇᓪᓕᐅᒃᑯᒫᓄᑦ.


  1. ᐃᕐᖐᓐᓈᖅᑕᐅᑎᒃᑯᑦ ᐊᐱᖅᓱᕐᓂᖅ ᐊᓪᓚᓄᑦ ᐊᒻᒪ ᐃᓄᖕᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ. ᓇᑭᙶᕐᓂᖓ: ᑲᓇᑕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᖁᔭᖅ, 2016: ᒐᕙᒪᐃᑦ ᐱᔭᒃᓴᕆᔭᖏᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᑦᑎᓂᕐᒧᑦ ᑲᓇᑕᐅᑉ ᒪᓕᒐᓕᐅᕐᕕᒡᔪᐊᖓᓂ ᑲᓇᑕᒥ.
  2. ᐃᕐᖐᓐᓈᖅᑕᐅᑎᒃᑯᑦ ᐊᐱᖅᓱᕐᓂᖅ ᐊᓪᓚᓄᑦ ᐊᒻᒪ ᐃᓄᖕᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ. ᓇᑭᙶᕐᓂᖓ: ᑲᓇᑕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᖁᔭᖅ, 2016: ᒐᕙᒪᐃᑦ ᐱᔭᒃᓴᕆᔭᖏᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᑦᑎᓂᕐᒧᑦ ᑲᓇᑕᐅᑉ ᒪᓕᒐᓕᐅᕐᕕᒡᔪᐊᖓᓂ ᑲᓇᑕᒥ.
  3. ᐃᕐᖐᓐᓈᖅᑕᐅᑎᒃᑯᑦ ᐊᐱᖅᓱᕐᓂᖅ ᐊᓪᓚᓄᑦ ᐊᒻᒪ ᐃᓄᖕᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ.
  4. “ᐊᑲᐅᙱᓕᐅᕈᑏᑦ ᐊᒃᑐᐃᓂᓖᑦ ᐊᑐᐃᓐᓇᖃᕐᕕᐅᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓂ ᐅᑭᐅᖅᑕᖅᑐᒥ ᓄᓇᓕᕋᓛᓂ ᐊᒻᒪ ᐅᖓᓯᒃᑐᒦᑦᑐᓂ ᐊᕕᒃᑐᖅᓯᒪᔪᓂ ᑲᓇᑕᒥ”, ᐊᓇᑦ ᐳᕋᐅᓐ, ᐅᑭᐅᖅᑕᖅᑐᒥ ᑎᑎᕋᕈᑕᐅᔪᑦ, ᐅᐊᖕᓇᖓᓂ ᐳᕆᑎᔅ ᑲᓚᒻᐱᔭᐅᑉ ᓯᓚᑦᑐᖅᓴᕐᕕᒡᔪᐊᖓ.
  5. ᐋᓐᓂᐊᖃᕐᓇᙱᑦᑐᓕᕆᒃᑯᑦ ᑲᓇᑕᒥ ᐋᓐᓂᐊᕕᓕᐊᖅᑐᓄᑦ ᐊᐅᓚᕆᐊᖃᖅᑐᓄᑦ ᐊᑐᐊᒐᖓᑕ ᐋᖅᑭᒃᓱᖅᓯᒪᓂᖓ.
  6. ᐊᐱᖅᓱᕐᓃᑦ ᑲᓇᑕᒥ ᐅᓇᑕᖅᑐᒃᓴᓂ ᐊᒻᒪ ᓇᐅᑦᑎᖅᓱᕐᓂᕐᒧᑦ ᓯᕗᓕᖅᑎᐅᓂᕐᒧᑦ.
  7. ᐅᓇᑕᖅᑐᒃᓴᕐᔪᐊᑦ ᐃᓚᒋᔭᐅᔪᑦ, ᐊᕕᒃᓯᒪᓂᖓ C ᐅᑕᖅᑭᕕᖕᒦᑦᑐᑦ, ᐊᒻᒪ ᐊᕕᒃᓯᒪᓂᖓ B ᐅᑕᖅᑭᕕᖕᒦᑦᑐᑦ ᐱᔨᑦᑎᕋᖅᓯᒪᔪᑦ 180 ᐅᓪᓗᐃᑦ ᐅᖓᑖᓄᑦ.
ᐅᐃᒍᖓ E – ᐅᓇᑕᖅᑐᒃᓴᒧᑦ-ᑐᕌᖓᔪᑦ ᐊᑐᐊᒐᐃᑦ ᑐᑭᒧᐊᕈᑏᓪᓗ

ᐅᐃᒍᖓ E – ᐅᓇᑕᖅᑐᒃᓴᒧᑦ-ᑐᕌᖓᔪᑦ ᐊᑐᐊᒐᐃᑦ ᑐᑭᒧᐊᕈᑏᓪᓗ

1ᑭᒧᐊᕈᑏᑦ ᐃᓚᖏᑦ ᐊᑐᐃᓐᓇᐅᔪᑦ ᑭᓯᐅᓂ ᓴᐳᓐᓂᐊᖅᓯᓂᕐᒧᑦ ᑐᑭᓯᒋᐊᕈᑎᒥ ᐃᓗᐊᓃᑦᑐᓄᑦ ᑭᓯᐊᓂ ᖃᕆᔭᐅᓴᒃᑯᑦ. ᐊᓯᐊᒍᖔᖅ ᑐᑭᓯᒋᐊᕈᑎᒃᓴᒃᑲᓐᓂᕐᓂ ᐱᒍᓐᓇᖏᒃᑯᕕ, ᐊᒡᓚᒡᕕᒃ ᖃᐅᔨᒃᑲᕐᓗᒍ ᐃᑲᔪᖅᑕᐅᓂᐊᕋᕕᑦ.

ᑯᐃᑉ ᒪᓕᒐᖏᑦ ᐊᑐᖁᔭᖏᓪᓗ (Queen’s Regulations and Orders, QR&O):

  • QR&O ᑎᑎᕋᖅᓯᒪᔪᑦ 1, ᐊᕕᒃᓯᒪᓂᖓ 2.034 (d)
  • QR&O ᑎᑎᕋᖅᓯᒪᔪᑦ 1, ᐊᕕᒃᓯᒪᓂᖓ 9 – ᐅᑕᖅᑭᕕᖕᒦᑦᑐᓄᑦ ᐱᔨᑦᑎᕈᑏᑦ
  • QR&O ᑎᑎᕋᖅᓯᒪᔪᑦ 1, ᐊᕕᒃᓯᒪᓂᖓ 34, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑏᑦ

ᓴᐳᔾᔨᓂᕐᒧᑦ ᐊᒡᓚᒡᕕᓕᕆᓂᕐᒧᑦ ᑎᓕᓯᔾᔪᑎᑦ ᐊᒻᒪ ᑐᑭᒧᐊᕈᑎᑦ (Defence Administrative Orders and Directives, DAOD):

  • DAOD 2020-2, ᑲᓇᑕᒥ ᐅᓇᑕᖅᑐᒃᓴᒃᑯᑦ
  • DAOD 5002-1, ᐃᓚᐅᓂᕐᒧᑦ: ᐃᓚᖓ ᐊᒻᒪ ᐃᓚᖓᓃᒃᑲᓐᓂᖅᑐᓂ ᓂᕈᐊᕐᓂᖅ
  • DAOD 5023-1, ᐊᑦᑎᓂᖅᐹᒥ ᐊᐅᓚᑦᑎᓂᕐᒧᑦ ᒪᓕᒋᐊᓖᑦ ᑐᕌᖓᔪᑦ ᐱᔨᑦᑎᕋᕐᓂᕐᒧᑦ
  • DAOD 5018-0, ᐃᓚᒋᔭᐅᔪᑦ ᐋᓐᓂᖅᑐᑦ ᐊᒻᒪ ᐅᓇᑕᖅᑐᒃᓴᕐᔪᐊᑦ ᑐᖁᔪᑦ
  • DAOD 5018-2, ᐅᓂᒃᑳᖅ ᐋᓐᓂᕐᓂᐅᔪᓂ ᐊᒻᒪ ᓴᖅᑭᔮᕐᕕᐅᓂᕐᒥ ᑐᖁᓐᓇᖅᑐᓂ ᐃᓚᐅᕈᑎᒃᓴᓂ

ᑭᓱᑐᐃᓐᓇᕐᓄᑦ ᐃᑲᔪᕐᓂᖅ:

  • ᑲᓇᑕᒥ ᐅᓇᑕᖅᑐᒃᓴᕐᔪᐊᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔨᑦᑎᕋᐅᑎᓄᑦ ᐃᓕᓐᓂᐊᖅᑎᑦᑎᓂᖅ4090-02, “ᓯᕗᒧᐊᕈᑎ ᑲᔪᓯᑎᑦᑎᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᓂᕐᒧᑦ ᐅᑕᖅᑭᕕᖕᒦᑦᑐᓄ ᐃᖅᑲᓇᐃᔭᖅᑎᓄ”
  • ᑐᒡᓕᐊ ᐊᖓᔪᖅᑳᒧᑦ ᓴᐳᔾᔨᓯᒪᓂᕐᒧᑦ ᐃᖅᑲᓇᐃᔭᖅᑎᓄᑦ ᑎᑎᕋᖅᓯᒪᔪᒥ, ᐊᑐᐃᓐᓇᖃᕐᕕᐅᓂᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᕐᒧᑦ – ᐅᑕᖅᑭᕕᖕᒦᑦᑐᓄᑦ ᐃᖅᑲᓇᐃᔭᖅᑎᓄᑦ, 2 ᓄᕕᐱᕆ 2011

 

 

Date de modification :